Imprentas 87 – Trenos e carrozzas sequestrados

Imprentas
Imprentas
Imprentas 87 - Trenos e carrozzas sequestrados
Loading
/

Imprentas 87 – Trenos e carrozzas sequestrados

Imprentas
Imprentas
Imprentas 87 - Trenos e carrozzas sequestrados
Loading
/

Trenos e carrozzas sequestrados

Sas ferrovias in sardigna, unu patrimoniu istoricu mannu, sa procura de casteddu had ordinadu su sequestru e ipotizzadu reatos

Sa Procura de Casteddu had dadu ordine a sos carabineris e a sos finanzieris de ponnere sutta de sequestru tottus sas littorinas e vagones antigos chi sunu abbandonados in sas istaziones de Macumere, de Tatari, de Madas e de Monserradu. Tottu roba antiga, fintzas cussos trenos chi andana a carbone, chi primu los hana usados pro sos turistas e pustis abbandonados in mesu a su ruinzu. Littorinas, carrozzas, locomotores, mascellones, sun tottus nomeenes chi amentana s’era fascista. Si naran littorinas ca cando sun bistadas frabbicadas deviana faghere su trattu tra Roma e za zittade noa de su fascismu, Littoria, chi pustis est diventada Latina. In Sardina sas littorinas sunu arrivadas cando su fascismu ch’est ruttu e a pustis de sa gherra. La s’han postas in sa linea de Macumere e Nuoro e Macumere e Bosa, in cussa de s’Ozzastra e tra Tatari e Salighera. Sun tottus mezzos istoricos, chi benin medas dae sos primos annos de su noighentos, fintzas a su 1932. In Sardigna peroe han sighidu a viazzare fintzas a pagos annos faghed.

In s’istazione de Macumere bi est unu museo a chelu abertu. Bi est de tottu: dae sas littorinas a sos vagones chi sun bistados usados fintzas a pustis de sa seguanda gherra mondiale.Tottus sunu bistadas abbandonas e medas divoradas dae su ruinzu e cun sos cumponentes de gomma e atteru, divorados dae sos sorighes. In sos annos putis sun bistadas sas intemperias a faghere su dannu a unu patrimoniu chi, si fid bistadu isfruttadu, haid potidu dare meda pro faghere museos e cantu atteru pro sos turistas. SU valore istoricu est meda mannu. Fortzis si deviad imponnere dae annos indaesegus a sos priopripetarios de tennnere bene e isfruttare cussu patrimoniu, sighinde cantu imponed su codice de sos benes culturales de s’istadu. Como sunu arrivados sos sigillos de sa Procura de Casteddu. S’attera die su nucleu de sa guardia de finanza e sos carabineris de Casteddu hana eseguidu un ordine de sequestru de sa Procura de sa Repubblica. Est bistadu fattu un ordine de sequestru de prus de 70 macchinas inube sos investigadores han postu sos sigillos.

Calincuna de custas macchina sunu ancora in funzione pro podere trasportare merces e cantu atteru, ma in lineas curzas de su nord de s’isula. Custu isettande chi s’esperta Maria Passeroni, funzionaria responsabile de su patrimoniu istoricu e artisticu de sa Suprintendenza archeologica de Casteddu, Oristanis e de su sud de sa Sardigna pothad procedere cun s’ispezione e verifica pro idere in itte cundissiones sunu custos mezzos e comente est s’istadu de cunservazione e de manutenzione e fintzas pro verificare si sunu veramente de interesse istoricu. Est unu compitu chi li est bistadu assegnadu dae su pubblicu ministeru Andrea Vacca, titolare de un’indagine chi si est faghinde contro a personas ignotas, assumancu pro su momentu, inube si ipotizzana reatos ae danneggiamentos de su patrimoniu culturale nazionale, s’usu illecitu de benes culturales e abusu de uffissiu. Sas attividaes de inchiesta, chi sunu andande adainanti cun sas verificas de su repartu operativu aereonavale de sa finanzia cun immagines e video registrados in bolu, sun bistados fattos in sas istaziones interessadas.

S’ente chi est deputadu a si occupare de sa custodia de sas carrozzas e de tottu custos benes, paris cun sas littorinas, in s’ipotesi investigativa est s’Arst, s’azienda regionale de sos trasportos, chi haiad inglobadu sas ferrovias de sa Sardigna in su 2010, mancari sa proprietaria bera est sa regione Sarda. S’attera die sos finanziaris e sos omines de su nucleu de tutela culturale de sos carabineris (a sas operaziones han partecuipadu fintzas sa soprintendenza archeologioca pro sa cittade metropolitana de Casteddu e de sas provintzias de Oristanis, hana acquisidu una serie de documentos utiles, in sas intenziones, a torrare a costruire sos varios passaggios de propriedade e sas m9odificas in su tempus de de cussu chi li narana sos managementes societarios e sa trafila de sas responsabilidades pro non haere curadu bene custos mezzos, chi su codice de sos benes culturales prevedidi una adeguada cunservazione e unu’usu cumpatibile cun su carattere istoricu. Su male mannu est chi onzi orta chi unu mezzu non beniad prusu usadu, si poniad a parte in d’unu binariu mortu e essere rosigadu dae su ruinzu e dae sas intemperias.

Su nucleu de sa finanza had avviadu sos approfundimentos investigativos in su mese de maju de s’annu passadu, luego a pustis de haere rezzidu notizias subra de s’istadu de cunservaziones de sas automotrices e carrozzas chi est bistadu definidu precariu. In s’istiu passadu sos militares de sa finanza e de sos carabineris c’han leadu adainanti sas verificas, servindesi de sos mezzos aereos e in su mese de nadale han cunsignadu a sa procuratrice Maria Alessandra Pelegatti e a su sottitudu Vacca sas relaziones finales cun su dettagliu de sas attividades chi sun duradas prus de ses meses. Lezzidos sos pabilos, su capu de s’uffissiu e su pm hana detzisu de andare adainanti cun su sequestru probatoriu, contro cussu s’Arst had detzisu de non si opporrere. Sa sotziedade, cun s’avvocadu Carlo Pilia had dimandadu a sos inquirentes solu de che ogare sos sigillos a sas pagas maccchinas chi sunu ancora utilizzadas pro su trasportu de sas merces. Sa Procura pared chi eppad azzettadu custa proposta.

Trenos e carrozzas bezzas fini isettande unu finanziamentu pro podere essere recuperados. Custa est sa posizione de s’Arst a pustis de su sequestru chi est bistadu fattu s’attera die dae sa fianza e dae sos carabineris. Nde leamos attu- ispiegana sos dirigentes aziendales de su sequestru fattu subra sa disposizione de sa Procura, de sos mezzos chi sun bistados frabbicados a sos primos de su seculu passadu, custoidos isettande de podere individuare sos finanziamentos ispecificos pro s’avviu de unu programma de recuperu chi si richiedid un impegnu mannu in termies finanziarios e eeconomicos. S’Arst had ricostruidu s’istoria de sos trenos. S’attenzione nostra est rivolta a sa cunservazione de su patrimoniu ferroviariu , chi est passadu a sa regione in su 2008 e in cindiziones med criticas. S’impinnu de s’azienda pro mantennere attivos sos treninos birdes, mancari non bi siana sas risorsas, est una de sas prusu importantes distimonianzas de custa attenzione. Esprimimos sa massima fiducia in sos organos inquirentes e noi semus a disposizione pro onzi cosa.

Chi su patrimoniu ferroviariu sardu siad unicu in custu genere benid postu in craru fintzas dae sos inquirentes: sos mezzos e sa rete de sas ferrovias a iscartamentu ridottu de sa Sardigna, chi si istendede pro 609 chilometros subra 1035 totals chi esistini in tottu s’isula nostra, nde faghene unu casu unicu in su panorama non solu italianu, ma in tottu Europa de sas ferrovias istoricas e turisticas pro mannesa, paesaggios ambientales chi benini attraessados, fintzas cun raridaes tecnicas chi non esistin prusu in sas ferrovias de s’serciziu ordinariu. Sa costruzione de sa lineas, chi est bistada fatta in sa seegunda mettade de s’tottighentos, est sighida fintzas a su 1932 cando bi fid su fascismu. In sa provintzia de Nugoro, ma fintzas in atteros logos de sa Sardigna, in cussos tempos ssi moviad solu in trenu pro andare in logos attesos. Si nono bi fidi su carru, o fintzas a caddu, ca macchinas non bi nde haaiada in niddue. Non bi fini mancu sas corrieras, chi sun bistadas postas solu a pustis de sa gherra.

Su sequestru chi est bistadu fattu s’attera die had faattu movere fintzas sa politica. Est intervennidu fintzas Micheeli Ciusa, capogruppu in cunsizzu regionale de su movimentu de sos chimbe isteddos. Un annu faghed- narad Ciusa, aio presentadu una interrogazione pro su rilanciu e sa valorizzazione de sos treninos birdes chi sun tras sos prus bellos de s’Europa. Nudda est bistadu fattu e como est arrivadu su sequestru de tottu custu materiale, chi est unu patrimoniu inestimabile abbandonadu e in peessimu istadu de cunservazione. Ciusa cun su movimentu soi han dimandadu a s’assessore regionale a sos trasportos de podere riattivare sas proceduras a sas dimandas de riconoschimentu de s’unesco pro custa rete ferroviaria, una de sas prusu antigas e prus bellas de su mundu. Fintzas s’associassione Benjamin Piercy de Bolotene est faghinde unu liberu pro ischiere s’istoria de sas ferrovias in Sardigna, cominzande propriu dae Piercy, chi est bistadu su primu a prugettare e costruire sas ferrovias sarda, in sa segunda metade de s’ottighentos.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *