di Francesco Oggianu

Sa cultura teatrale e danza fatta grassias a s’iniziativa de unu giovanu de Macumere

Unu giovanu de 22 annos protagonista de una ninziativa manna chi faghed bene a sa cultura de Macumere

Giampaolo Salis est unu piseddu de 22 annos chi dae cando nde teniad deghe est impinnadu pro faghere connoschere sa danza classica in Macumere, sa zittadina sua, ma fintzas in tottu sa Sardigna centrale. Issu had fatto atteras cosas chi tenene unu caratterizzazione manna, chi est ligada a sa cultura, mancari de sardu bi siad pagu. Namos chi sa danza est una cosa classica, chi faghed bene a tottus e tottus la podene imprarare- narad Giampaolo Salis- zertu, mi diad piaghere a faghere una cosa mia ligada a sa cultura sarda e magari faghinde teatru e danza faeddande in limba sarda e ballande su ballu sardu a passu classicu. In custos anno amos fattu passo de gigante pro chircare de faghere carchi cosa in Macumere e lu proponnere a sa zente, ma soprattutto a sos pizzinnos minores, chi deven creschere pensande chi tenene medas potenzialidades e si poded faghere meda pro ch’essire dae custa fase fea chi semus attraessande. Cherismo ripartire tottus paris, faeddande su sardu, chi appo impradu in domo mia, intendindelu dae babbu e mamma, ma fintzas dae thias mias e dae sos cumpanzos de iscola.

Giampaolo est operativu dae carchi annu, fundande fintzas una associazione chi si narad associazione culturale Arte, teatro e Danza, chi in Macumere had fattu carchi cosa de importante e si est imponinde fintzas a livellu regionale. Giampaolo had imparadu e si est appassionadu a sa danza classica frequentande s’oratoriu de sas monzas salesianas. Tottus sos giovanos chi frequentana sas monzas dae semper si sunu appassionados a faghere siport, cun su Basket. Tue cun atteros piseddos e piseddas bos senzis appassionados a sa danza classica. Pruite? Boh, est una cosa chi est naschida gai e tra provas e carchi manifestazione organizzada pro su periodu sutta de sas festas de Nadale, hammos fattu danza e teatru, ma fintzas artes noas pro lu rappresentare a sos pizzinnos e a sos genitores. Pusti, pianu pianu, a custa cosa mi soe appassionadu, fintzas a mi iscriere in una facoltade tataresa ligada propriu a s’arte de ballare. E goi mi han sighidu atters pizzinnas, chi paris amos fattu s’associazione Arte Teatro e Danza.

Custu istiu- narad Giampaolo Salis- amos fattu una cosa prus manna, cun Restart, residenza artistica estiva. Comente ischimos- narad Giampaolo- sa situazione sanitaria ha postu a palas a terra tottu su settore de s’ispettaculu in presenzia, e non solu, bettandeche a terra sas organizzaziones, sos entes, sas cumpanzias e tottu chi in cue bi traballad . Est propriu in custu momentu, su periodu pro podere programmare e pinificare su futuru pared difficile si non impossibile, ca s’associazione culturale Arte, Teatro e Danza had traballadu, programmadu e pianificadu cun impinnu e dedizione pro ses mese4s, agatande sa collaborazione de associaziones e entes chi abbadiana a su progettu nostru, chi semus rappresentande, comente unu moentu de rinnaschida culturale, cun Restart Residenzia Artistica Estiva. Sa residenzia artistica had propostu medas iniziativas culturales e sotziales, poninche in mesu artistas isolanos specializzados in varias disciplinas. Depimos narrere- narad Giampaolo- chi custa ripartenzia tened unu valore ancora prus prufundu pro sios cittadinos chi podene torrare a biere abertu s’istoricu cinema e tatru Costantinu de Macumere, chi est bistadu serradu sese annos faghed. S’isperanzia est chi mezzorene sa condiziones e de assistere a una rappresentazione teatrale e abbaidare unu film.

Su progettu chi sun preparande tened s’obiettivu de integrare s’offerta culturale de su territoriu criande una rete de interscambiu culturale e sotziale, promovinde s’arte e sa cultura, cun particulare attenzione a sos limbazzos noso e a sas formas noas es<pressivas, favorinde su rapportu tra generaziones cun sa cundivisione de sos ispazios e esperienzias culturales. Sa residienzia artistica, segundu Giampaolo Salis, proponed medas iniziativas culturales e sotziale, isviluppadas cun su iscopu de accurziare sos giovanos a s’arte, cussa chi est fatta comente istrumentu ideale pro su rafforzamentu e creschimentu de sas cumpetenzias relazionales, sotziale e comunicativas, chi sunu utiles a faghere momentos de aggregazione, indispensabile pro una partecipazione manna a sa vida comunitaria. Est una iniziativa chi che poned in mesu artistas isolanos ispecializzados in varias disciplinas, posto paris dae sa volontade de cullaborare e de s’iscambiare cumpetenzias, dande vida a unu veru momentu innovativu che est capaze de faghere torrare visibilidade e opportunidades pro nde essisìre a pizzu.

Su progettu benid realizzadu tottu in sa cittadina de Macumere, chi est sede de s’associazione chi est proponinde custa bella cosa, chi fortzis medas non sunu abituados e est fintzas sa sede de s’istruttura printzipale de s’iniziativa, su cinema e tatru Costantinu. Custu est infattisi s’obiettivu, pro podere sensibilizzare sas istituziones e s’opinione pubblica subra de sa nezzessidade de torrare a dare vida e isplendore a custu logu istoricu, presidiu dae semper de sa cultura de su Marghine, chi est in disusu dae meda tempus. Una sala chi in sos urtimos 45 annos est bistada parte integrante de s’identidade sotziale e culturale de custu territoriu. Si pensad chi in custo urtimos 50 annos in su Costantinu non sun bistados dados solu film, ma est bistadu su logu de su teatru a livellu nazionale, chi had collidu medas artistas de fama nazionale e mondiale. Su Costantinu est naschidu a pustis de su cinema Verdi. Cussu puru est bistada un’istruttura culturale meda importante pro sos giovanos tra sos annos chimbanta e settanta, fintzas pro manifestaziones culturales. Su Verdi como est un’istruttura diventada unu rudere e nissunu pared chi tenzad intenzione de lu ponnere a postu.

Torrande a s’ispettaculu de teatru e danza “Sas Zittades) chi si faghed in su Costantinu, su cast de s’ispettaculu est formadu dae giovanos artistas sardos de edade tra sos 18 e sos 30 annos. Tottus p<izzinnos duncas, chi chered narrere meda pro una inziativa de su genere, affidada cumpletamente a sos giovanos. Est una isquadra creativa, fatta dae sas friguras printzipales de s’ispettaculu: regista, coreaografu, assistente de regia, assistente de coreografias, responsabiles de pruduzione e responsabiles de comunicaziones. Comente narad su titulu, Sas Zittades, sa rappresentazione est ispirada a su romanzu Sa Zittades invisibiles de Italu Calvino. S’ispettaculu est formadu da chimbe quadros, onzunu rappresentad una de sas zittades invisibiles chi sun contadas dae Calvino, cun d’una interpretazione cuntempuranea chi sullecitad s’spettadore a riffrettere subra de sas tematicas de su tempus nostru. Tottu sa narraziones benid accumpanzada dae unu iogu de lughes e de immagines, fattas cun sas tecnologias modernas: illuminazione a led, proieziones videos a laser. Pro sa colonna sonora de s’ispettaculu sunu bistadas chirradas sas musicas de sa cumpositrice zovana americana Lindsey Stirling.

S’ispettadore beni leadu dae sos sonos fattos mannos grassias a s’utilizzu de su sistema audio dolby surround, chi pared de essere abaidande unu film in sa sala cinematografica. Pro faghere custa cosa e pro sighire a pustis de custa rappresentazione, s’associazione culturale Arte, teatro e Danza est chircande ballerinas e ballerinos zovanos, chi pothana faghere danza classica, moderna cuntemp<uranea e personalidade ona iscenica. Non sunu dimandadas esperienzias professionales de prima de custu ispettaculu. Su periodu de impinnu est custu fine istiu de cust’annu. Sas provas si faghene in Macumere. Sos cunvegnos e seminarios formativos subra de sas tematicas de s’arte, teatru e danza benini fattos faghinde attenzione a sa pandemia e benini fattos in cullaborazione cun sos artistas zovanos e istudentes, dae associa, entes e cumpanzias provientes dae tottu sa Sardigna. Una cosa manna e bene fatta, pro Macumere e pro sa Sardigna, mancari siad fatta grassias a custu giovanu, Giampaolo Salis chi de annos nde tened solu 22. Pro cussu sas istituziones, comente su Comune de Macumere, deved faghere meda attenzione a custos giovanos volenterosos, chi sun faghinde meda e de prusu a sa cultura non solu de Macumere, ma de tottu sa Sardigna.