di Francesco Oggianu

Sos giovanos meres de su futuru de sas campagnas sardas

Cust’annu bi est bistadu unu brincu de su 14 pro chentu de giovanos imprendidores chi sun creffidos torrare in sas campagnas. Torrare a zappare e coltivare sas terras, ma fintzas allevare bestiamene, dae sas erbeghes, baccas e caddos, ma puru atteros animales comente sas puddas e cantu atteru. Est cunsideradu un’istorica torrada a s’agricoltura, cun d’unu adiosu a s’industria ee su cummerciu. Tottu est in prusu rispettu a s’andamentu generale de su 2020, cun sa crisi provocada dae s’emergenzia sanitaria, ca si registrada unu brincu de su 14 pro chentu de su numeru de sos giovanos imprendidores in agricultura, rispettu a chimbe annos faghed. Est canti nde essid dae una analisi de sa Coldiretti subra de sa base de sas iscriziones a su registru de sas impresas de s’Unione de sas cameras fatta in su mese de capidanni de s’annu passadu, chi evidenziad una cursa bera de sos giovanos sutta de sos 35 annos chi hana abbandonadu sas atteras attividades produttivas, dae s’industria a su cummerciu, comente enid sinzadu dae Confcommercio.

Custu suzzedid in tottu sa Sardigna, ma de prusu in sas provintzia de Oristanis, Nugoro e in sìOzzastra, senza che lassare a parte atteros logos importantes pro su turismo accurzu a su mare. Cun prus de 55 mizza giovanos sutta de sos 35 annos a sa guida de impresas agriculas e allevoamentos, s’Italia est diventada capu in Europa in su numeru de impresas inube sun sos giovanos protagonistas. In Sardigna est sa matessi cosa. Est in attu unu cambiamentu epocale chi non suzzediad dae sa rivoluzione industriale cun su mestieri de sa terra chi non est <prusu cunsideradu s’urtima ispiaggia de chie had un’istruzione e timed de non s’abberrere a su mundu, ma como custa istrada noa de su futuru pro sas generaziones noas istruidas. Su risultadu est chi como in Sardigna un’impresa subra e deghe est cummandada dae chie faghed agricultura e allevamentu in d’unu momentu drammatici pro s’ecopnomia e s’occupazione. In Sardigna sunu medas sos giovanos chi si sunu iscriinde a s’universdidade in facultades ligadas a su territoriu, s’ambiente e duncas a sa agrricultura e pastorizia. Andrea, unu giovanu de Macumere chi tened 21 annos, est frequentande s’universidade de Piacenza, pro imparare bene sas tecnica de sa produzione de su inu.

Andrea had eredidadu una inza manna de sos zajos, chi teened accurzu a Olbia. Una inza inube si produid aghinas bonas, pro fagheere binu de calidadee, chi su babbu had creffidu immannire, faghindela diventare una inza de prusu ettaros. “Cussa de mi laureare in custu settore- narad Andrea- est una cosa chi mi che appo postu in conca dae cando fio piseduzzu. Intendio a babbu meu narrere chi produere su inu est una cosa chi poded faghere creschere s’economia e poded dare unu futuru a medas giovanos. In d’unu primu momentu appo penadu de mi iscriere in meeighina, ma appo idu dae sorre mia chi sas facultades sunu a numeru serradu e issa si ch’est devida andare a s’eestero a si lauerare. Deo appo peroe pensadu chi diventare duttore non fid s’arte mia e poro cussu mi soe iscrittu a una universidade inube potho imparare cosas pro podere faghere creschere s’azienda familiare e la faghere diventare una cosa importante, pro dare fruttos bonos e pro fagheere creschere sa calidade de sos binos chi enini eendidos in sa costa pro unu turismu sempre prusu esigente. E gai so faghinde custu percursu”.

sa presenzia de sos giovanos had rivoluzionadu de fattu su traballu de sa terra, inube 7 impresas cun giovanos subra e deghe operana in attividades che andana dae sa trasformazione aziendale de sos prodottos a sa endida diretta, dae sas fattorias didatticas a cussu chi li narana agriasilo, ma fintzas in attividades ricreativas, s’agricultira sotziale pro s’inserimentu de sos disabiles, detenudos e tssicosdipendentes, pro sa sistemaziones de parcos, giardinos, istradas, sa cura de su paesaggiu e sa produzione de energias rinnovabiles. Non bi est una idda inube sos amministradores comunales non eppana dimandadu contributos pro chircare de sanare sas campagnas, buscos e terrinos comunales, prantadelos cun d’onzi bene de Deus e trasformande sas periferia pro medas tempus abbandonadas, in giardino perfettos e galanos. A su matessi tempus est bistadu dadu traballu a medas giovanos, chi in cussas attividades, medas, hana imparadu chi est menzus de chiarcare de traballare sa terra e diventare unu imprendidore. L’had fattu Istevene chi, a pustis de su diploma non had creffidu sighire in s’universidade ca sa familla non si lu podiad pirmittere.

E gai istevene, a pustis de haere traballadu in sos cantieris comunales, si est dadu ite faghere pro podere essere issu su mere de un’azienda chi alanzada coltivande terrinos e benidinde pustis in sos supermercados cantu had coltivadu. “Cando mi est bennida cust’idea medas mi nariana chi non nde aliaada sa pena- narad Istevene- ma appo ascurtadu fintzas su parere de sos espertos chi mi han dadu cunsizzos bonos e comente mi devio movere. Zertu, s’istrada non est bistada tottu in parisi, ma appo deviodu luttare pro podere tennere sos agganzos zustos. Mi soe rivltu fintzas a Coldiretti e calincunu in Casteddu mi had indisrizzadu a inube bi fid sa possibilidade de ottenere ffinanziamentos. Gai appo cominzadu e como s’azienda mia cominzad a movere carchi passu. S’intenzione mia est cussa de andare adainanti e mi faghere connoscheere in tottue. Su sognu meu est pustis de tennere sos dipendentes, pro che ogare sos giovanos comente a mie dae s’istrada e dae sos zilleris e li podere dare unu futuru prus dignitosu”.

In Sardigna bi tenimos medas giovanos chi sunu istruidos e tene sa passione pro allevare bestiamene, produere casu, faghere e benedere sardizza e atteros prodottos insaccados, ma fintzas pro culticìvare sa terra. Comente in tottu s’Italia, bi est sa rinnovada attrattividade de sas campagnas pro sos giovanos chi si riflettid in sa cumbinzione de tottus chi s’agricoltura siad diventada una settore capce de offrire e criare opportunidades occupazionales e de creschida professionale, chi est destinada a aumentare semprer de prusu in su tempus. Non est duncas una cosa nada gai chi prusu de otto italianos subra e deghe sun cuntentos se sos fizzos andana a traballare in s’agricultura. Sa capacidade de innovazione e de creschida che lead sas aziendas agriculas de sos giovanos a tennere una superficie meda prusu arta de su 54 pro chentu a sa media, cun d’unu fatturadu pru artu de su 75 pro chentu de sa media e su 50 pro chentu de occupados in prusu pro onzia azienda agricula. E si tra sos gioavnos imprendidores agriculos sardos bi est chi had chirradu de regollere su mestieri dae su babbu e dae sa mamma, sa novas rsipettu a su passadu sunu sos giovanos sutta de sos 35 annos, arrivados da atteros settores e dae atteras esperienzias familiares chi hana detzisu de iscummittere subra de sas campagnas, cun passione, innovazione e professionalidade, chi benini giamados agricultores de sa prima generazione.

E propriu sos gioavnos nde sun cumbintos chi toccad de investire subra de s’agricoltura ca est unu settore istrategicu pro faghere ripartire s’isula nostra grassias a cusso medas giovanos attentos a s’innovazione e a sa sostenibilidade. Toccad de sustennere su sognu imprenditoriale de una parte importante de sas generziones noas chi mai comente como cherene inbistire su futuro insoro in sas campagnas e pro cussu andad liberada dae su pesu de sa burocrazia chi est impedinde fintzas su utilizzu prenu de sas risorsas comunitarias. Antoni e Luisi, chi de annos nde tene 23 e 25, cussu de narrere lu naran in sardu. “A nois piaghed a faghere sos allevadores- narana tottas duos- lu amos bidu de zjos nostro , dae babbu e parentes chi cun sacrifizios han vividu in campagna, campande sas famillas e faghinde istudiare sos fizzos, ca lo chrian duttores e cantu atteru. Babbos nostros e mammas nostras non hana peroe semper nadu chi sas campagnas non andana abbandonadas”. Luisi est iscrittu in veterinaria e paris Antoni cherene avviare luego una azienda agricula, inube est possibile allevaree bestiamene, ma fintzas coltivare cosas chi servini in sos ristorantes e in sos supermercados. Fortzis custu podede essere su futuru de tottu sa Sardigna, torrande a su connottu, ma cun s’istruzione. A custu puntu deved essere sa politica a faghere sa parte sua, faginde lezzes regionales chi pothan beennere incontru a custos giovanos, magari chircande de dirottare in Sardigna sos fundos chi poned a disposizione s’Europa, ma chi enini ispesos pro sa parte manna in continente, dae Roma in susu.