Imprentas 284 – Sos giovanos ammentana Nino Carrus 

Imprentas
Imprentas
Imprentas 284 - Sos giovanos ammentana Nino Carrus 
Loading
/

Imprentas 284 – Sos giovanos ammentana Nino Carrus 

Imprentas
Imprentas
Imprentas 284 - Sos giovanos ammentana Nino Carrus 
Loading
/

di Francesco Oggianu

Sos giovanos istudios ammentana Nino Carrus in d’unu cuncursu letterariu

Sunu zovanos de tottu sa Sardigna e cun d’una idea manna de isvluppu sos chi partecipana a sas sesta edizione de su premiu intituladu a Nino Carrus, s’omine politicu de Borore, mortu a 75 annos in su 2002. Su 30 de capidanni sunu iscadidos sos termines pro podere presentare sa partecipazione a sa sesta edizione de custu premi, chi est finalizzadu a sa realizzazione de unu elaboradu chi tened custu titulu: Torrare a partire a pustis de sa pandemia. isperienzias, ideas e progettos pro su riscattu e sa rinnaschida de sa comunidade de sa Sardigna de mesu. Est unu tema chi est a su centru de su dibattidu pubblicu chi est interessande tottu sa Sardigna e tottus sos settores de sa sotziedade sarda. Sa chistione de sas biddas e de s’ispopolamentu de sas biddas nostras non est prusu unu’argumentu de carattere accedemicu, la est sa chistione bera de sa Sardigna. S’associassione Nino Carrus chered partecipare a custu dibattidu dimandande a sos cittadinos de mustrare cun sos eelaborados e atteru, esperienzias, ideas, propostas e progettos chi che pothana leare a su riscattu e a sa rinnaschida de sas biddas e comuniddes de sa Sardigna e mesu e podere favorire in custu modu sa creschida e s’isviluppu.

Est una mobiitazione de ideas e de propostas a sustegnu de sa rinnaschida non solu de biddas, ma de sa Sardigna intrea. Custu est su significadu e sìobiettivu de su premiu intituladu a Nino Carrus de su 2021. Custa sesta edizione de su premiu est rivolta a tottus sos cittadinos chi non eppana superadu sos 45 annos de edade e carchi orta fintzas a sos cittadinos non sardos comente est indicadu in s’articulu 3 de su bandu. Pro tottus sos partecipantes, inube b’had giovanos chio tenene prus pagu de 25 annos, sun previstos premios in dinari. Su primu premiu lead 2500 euros, chi deved essere s’elaboradu chi trattad s’argumentu in manera prus cumpleta de tottus. Su segundu premiu lead 1500 euros, ed est s’elaboradu chi narad sa maggioreoriginalidade in sas propostas chi si podene faghere pro nde essire dae custu dannu inube ch0’est rutta s’isula nostra. Pustis bi est su premiu istabilidu dae su Comune de Bororo, milli euros e ancora atteros premios. Su inari a disposizione poded essere creschidu a discrezione de s’organizzazione e in realazione a sa ddisponibilidadee finanziaria de atteras risorsas chi non podene essere cantificabiles a su momentu de sa pubblicazione de su bandu.

Sa graduatoria de sos binchidores de su premiu de su 2021, istabilida dae un’apposita commissione chi giudicada tottus sos elaborados, benid pubblicada in su situ internet de s’associazione Nino carrus e comunicada a sos giornales e televisiones sardas. Sa premiazione de sos binchidores benid fatta in su mese de nadale de cust’annu in sa sala de su cunsizzu comunale de Bororo, intitulada propriu a Nono Carrus, èpresentes sos autores de sos elaborados, de sa commissione de valutazione e dae sos amministradores comunales de su territoriu. hada a essere una manifestazione chi est aberta a tottus sos cittadinos sardos e a sas personas chi sunu partecipande a su dibattidu pubblicu chi est incentradu subra de sa chistione de sas biddas e subra de sos temas ligados a s’isviluppu de sas zonas de mesu de sa Sardigna. Su premiu Nino Carrus attirad onzi annos medas giovanos, accirziandelos a s’istudiu a a s’appprofondimentu de unu tema centrale pro sa costruzione de su futuru de s’isula nostra. Cunsideradas sas difficultades de su momentu istoricu, est ancora importante istimulare su contrubutu de sas generaziones noas, chi s’associazione si augurada siad ancora forte e significativu.

Pro podere partecipare a custu cuncursu, est importante chi sos giovanos iscrittores connoscana chie fid Nino Carrus. Est naschidu a Borore su 9 de ennarzu de su 1937 e si ch’est mortu in Casteddu s’otto de maju de su 2002. Est bistadu unu politicu e accademicu italianu. Est bistadu prus bortas su egretariu provinciale de sa zona de Nugoro e viceesegretariu regionale de sa Democrazia Cristiana in Sardigna. In su partidu sou, chi had tentu sempre unu ruolu de ispiccu, ha aderidu semper a sa currente fanfaniana. Nino Carrus si est laureadu in giurisprudenza e peritu agrariu, ricercadore in sos uffissios istudios de sa banca de Italia, est diventade funzionariu regionale de su centru regionale de programmazione e pustis docente de ruolu in s’economia de sos mercados agriculos in sa facultade de Agraria de s’Universidade de Tathari e in cussa de economia de s’universidade de Casteddu. In sa carriera professionale Nino Carrus had fattu parte de su comitadu scientificu de s’istitutu pro s’istudiu de sos problemas bio agronomicos de sas colturas aroboreas mediterraneas de su cunsizzu nazionale de sas ricercas. Fid cojuadu cun Maria Clotilde Scarpa, de Macumere e had tentu battoro fizzos: Paola, Grassia. Zuseppe ee Frantziscu, chi si ch’est mortu a appena battoro annos. Unu fattu chi had sinzadu meda sa vida de Nino Carrus, chi si ch’est mortu in Casteddu s’otto de maju de su 2002, a pustis de essere istadu collidu da una maaladia degenerativa.

In sa carrriera politica meda longa, Nino Carrus had ricopertu medas incarrigos de partidu e de guvernu a varios livellos, sia in Sardigna e sia a livellu nazionale. Segretariu provintzale de sa Demograzia Cristiana de Nugoro in su 1963 e vice segretariu regionale de su matessi partidu in Sardigna. In su 1969 est bistadu eleeggidu cunsizzeri regionale e torradu a bintrare fintzas in su 1974 e in su 1979. In su mese de ennarzu de su 1977 est bistadu nominadu assessore regionale a sas finazas, urbanistica e eentes locales in sa giunta Soddu. Unu incarrigu chi had mantesu fintzas a su mese e nadale de su 1980 in sas giuntas de Soddu e Ghinami. Dae su 1983 a su 1992 est bintradu in su parlamentu italianu comente deputadu ee d’est bistadu membru de sa commissione finanzias e Bilanciu e prus bortas relatore de sa maggioranzia de sa legge finanziaria de s’Istadu. In sas eleziones politicas de su 1992, mancari epperad ottennidu prus de 15 mizza votos, non est bistadu torradu a eleggeerein sa Camera. Mancari a pustis de custu non eppad abbandonadu s’impegnu politicu, fundande in su 1994 su movimentu de sos Cristianos Sotziales, est torradu duncas a faghere s’insegnante, dedicandesi a s’istudiu de s’applicazione de sos modellos econometricos a sa teoria de isviluppu economicu

Nino Carrus, mancari siad bistadu unu demogristianu cumbintu e cattolicu, est bistadu fintzas unu istudiosu mannu e istimidadore de su comunist Antoni Gramsci. In su 1991 in d’una riunione de su cunsizzu comunale de Oristanis haiada cummemoradu Antoni Gramsci a chentannos dae sa naschida, cun d’una dotta relazione subra de s’opera e su pensamentu de s’intelletuale comunista sardu. Su ligamine che uniad Nino Carrus e Antoni Gramsci est bistadu cunfirmadu cun sa volontade de lassare in eredidade sos liberos de sa biblioteca sua, a s’istituto Gramsci de sa Sardina achi fid meda ligadu. Fid un’omine politico meeda disponibile, de una cultura maanna chi fintzas sos avversarios politicos li han semprere ricconnotu. Issu had sempere penadu a una Sardigna prus prosperosa e ricca de ideas e de cultura. had pensadu siguramente comente si che podiad bessire da sa arretratezza, chircande de cumbinchere sos giovanos de tando a fagere de tottu pro ch’essire dae sa crisi. Fortzis deppiad campare anccora e ponnere in campu sas ideas suas, chi s’assimizziaiada a cussas de Antoni Gramsci, chi paris peensaiana a unu isviluupu e unu avvenire prus bonu de sa Sardigna chi had sempre creffidu bene.

A sa memoria sua in su 2005, a Bororo, sa idda inube est naschidu, unu gruppu de amigos ee familiares (Tore Ghisu, Antonello Pilu, Giovanni Del Rio, Matteo Marteddu, Mario Pani, Fausto Mura, Giuseppe Deiana, Ropmanu benevole, Paola Carrus, Antonello Menne, Pissente Pisanu )had costituidu in onore sou una associazione culturale, s’associazione Nino Carrus, pro podere ammentare , cun attividdes politicas e culturales, sa frigura sua, regollinde sos fattos chi han caraatterizzadu sa vida sua. In su 2012 s’associassione had lanciadu pro sa prima orta s’edizione de su premiu Nino Carrus, cun dd’una borsa de istudiu destinada a battoro giovanos laureados pro sos risultados de sas chircas de progeettos, ligados a s’isviluppu de sa Sardigna. Premiu chi enid fattu onzi annu.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *