di Francesco Oggianu

Sos giovanos emigrados chi han fattu fortuna in foras, chi sunu diventados su simbulu de sa cultura nostra in tottu su mundu

Bi ndada in d’onzi parte de su mundu. Sunu in sa maggioranza giovanos, ristana priciplamnete in sos istados europeos e rappresentana unu patrimoniu fundamentale per tottu sa Sardigna. Sunu sos sardos emigrados in su mundu, iscrittos a s’Aire, s’anagrafe de sos italianos residentes a s’estero. Dae pagu est bistada presentada una analisis de sos sardos registrados comente residentes in sìestero in su 2020. In sa fotografia fatta dae s’Aire benid a pizzu chi su s’87 pro chentu de sa presenzia de sos sardos in s’estero si cuncentrad in su continente europeu, contra a su 54 pro chentu de sos italianos chi resiedini in tottu su mundu. Prus pagu de su 10 pro chentu de sos sardos isrittos a s’Aire risiedini in su continente americanu, contra a su 40 pro chentu de sos italianos. Inube bi sunu prusu sardos est in Germania, Francia e Belgio, sighidos dae s’Isvizzera, s’Olanda e s’Argentina. Si poded narrere chi, sa popolazione de sos sardos in ziru in tottu su mundu si est dimustrande meda giovanos. Sunu solu 20 mizza cussso chi tenene prus de 65 annos e prus de 75 mizza sas personas in edade attiva e prus de 25 mizza sunu giovanos da unu fintzas a 24 annos. Omines e femminas sunu a su matessi livellu rappresentados, cun d’una lebia prevalenzia de mascros, chi sunu su 53 pro chentu.

Fintzas sa Sardigna, duncas, comente atteras regiones italianas, had <partecipadu a sos flussos emigratorios de massa de s’ottighentos e de su noighentos, mancari sas caratteristicas de custu fenomenu si diffrenziana dae cussas de sas atteras regiones a riguradu a carchi aspettu printzipale. Sun diversos pro sos tempos de avviu de s’emigazione de massa, chi est bistada in ritardu rispettu a atteros logos. In atteras maneras pro sas destinaziones, privileginade comente logu printzipale su continete europeu, menzus de andare a foras, comente in America. Fintzas puru pro s’incidenzia de sos flussos de essida rispettu a sa popolazione residente in Sardigna, chi est bistada semper ispopolada cun bassa densidade demografica. Pro cussu non pded essere utilizzadu, in custu casu, su paradigna chi narad chi s’emigrazione rappresentada unu’ispezia de valvola pro sas areas medas populadas. Si est calculadu chi in sos urtimo annos de s’ottighentos sa media de onzi annu de sos espatrios non had mai agguantadu sas chentu personas, ma in s’urtimu annu de su matessi seculu, si est registradu unu flussu de essida de 1110 personas. Tra su 1876 e su 1900, comente naran sos istudios de custu fenomenu, sas personas emigradas dae sa Sardigna sun bistada carchi 8 mizza, contras a cusso datos de sos primos de su noighentos si nde registrana guasi 90 mizza.

Sunu medas tra s’ottighentos e su noighentos chi han devidu lassare sa Sardigna pro chircare fortuna fintzas in Argentina e sos istados unidos e abbarrande in Italia e in s’Europa, comente in germania, Olanda e belgio (innoghe pro traballare in miniera). medas sun partidos dae sa Costera, dae su Marghine, su Meilogu, su Onteacutu, su Montiferru e sa Pianarza. Si deved pensare chi in Casteddu, in cussos annos tra su 1908 e su 1910, bi est bistada un’incidenzia de sa popolazione emigrada subra cussa residente de su 0,3 pro chentu. A Othieri bi est bistada una percentuale de su 2,2 pro chentu. Un annu prima chi scopperede sa prima gherra mondiale sunu risurtados espatriados 12, 265 sardos, 7,130 de custos in America, 3988 in s’Europa e 1147 in Africa Cando in su 1929 bi est bistada sa depressione manna pro sa crisi, sos flussos emigratorios han subidu una frimada. A parte sa crisi economica de cussos annos han zogadu unu ruolu decisivu fintzas sas politicas restrittivas fattas dae sos istados de immigrazione, comente sos Istados unidos, a paris cun su cuntenimentu de sa partenzias chi had creffidu su regime fascista. Cando est finida sa segunda gherra mondiale, si est registradu una ripresa manna de s’emigrazione. Non est pro casu chi, in sos annos chimabanta de su seculu passadu, sun cunsiderados da medas istudiosos comente unu periodu de emigrazione noa. Su famene e sa miseria, chi sun bistadas aggravadas dae sa gherra, had postu a dura prova sa zente de sas biddas nostras. In sos annos chimbanta medas si che sunu andados dae sa idda insoro pro si che trasferire in sas zonas prus riccas de sa Sardigna, in sas minieras de su SUlcis- iglesiente. ma a metade de su seculu passadu, tra su 1960 e su 1975, sun bistados medas sos sardos chi si sunu trasferidos a Torino e Milano, pro traballare in sas industrias mannas.

A partire in chirca de fortuna sunu bistados sos giovanos, chi han lassadu sa idda insoro, muzzeres e mammas pranghinde pro andare a chircare fortuna in logos anzenos. Medas de custos torriana a sas biddas insoro solu pro sas festa in s’istiu, tantu chi in Silanus, a primos de sos annos chiambanta, su sindigu de tanto, su maggiore Manlio Ajelli, had istituidu sa festa de Santu Larentu, chi ruiada propriu cando sos emigrados rientraiana pro faghere unu pagu e ferias, cando sas fabbricas beniana serradas. E gai medas atteros giovanos ha sighidu sos babbos, han sighidu sos thios e medas sunu andados a sa sola. de custos calincunu est torradu cando a Otzana est partida s’industria chimica, chi est servida a cambiare s’economia ma fintzas sos costumenes de sa zente. sa fabbrica had battidu benessere, ma fintzas illusiones. A dolu mannu de medas pastores chi han lassadu sas campagnas pro poder balanzare carchi esina in prusu chenza dromire in su cuile. sa fabbrica de Otzana pustis est bintrada in crisi e medas ha devidu torrare a faghere sas valigias e torrare a partire, lassande torra sa terra insoro. Tra sos annos settanta e sos annos 2000, peroe sun bistados medas sos istudentes chi han preferzidu andare a foras pro frequentare sas universidades. Cando si sunu leìaureados in Sardigna non sun torrados, ma hana preferzidu de abbarrare inube bi fid su traballu e inube bi fidi su futuru. medas de custos sun diventaso famosos e sunu sos giovaanos sos protagonistas printzipales de cantu est capitadu in cussso anno. Medas sun diventados professores universitarios e istudiosos chi essin fintzas in televisione, atteros sun diventados tecnicos importantes fintzas de domos automobilisticas, comente sa Ferrari.

Est s’esempiu de unu piseddu de Putumajore, chi si narad Lucio, chi tened como 28 annos, chi est andadu a Torino a frequentare su politecnicu. Unu piseddu intelligente, chi est resessidu a si faghere amirare non solu dae sos professores, ma a pustis de essere laureadu est bistadu luego assuntu comente tecnicu de sa Ferrari, a Maranello. Sa Sardigna? Si Lucio ch’enid carchi orta in ferias, ma enid de prusu pro agatare su babbu e sa mamma e sos amigos de zoventude. Comente a Lucio bi ndad atteros, comente unu ingegneri de Gavoi, chi si narad Marcu, chi est diventadu unu puntu de riferimentu de unua paittaforma mondiale chi est in su polo nord. Dae Bolotane est partidu Luciano, chi est diventadu prima unu generale de sa finanza e como est su cumandante de sos servizios segretos italianos. Bi sunu fintzas cusso chi non sunu diventados famosos, ma chi su matessi si sunu fattos onore traballande e mustrande in tottue sas formas culturales de sa Sardigna.

In Piemonte, accurzi a Alba sa cittade inube bi est s’istabilimentu de sa ferrero, bi sunu anados fintzas duos giovanos de Sarule, sos frades Bobore e Mario chi essende ambos duos giovanos, a pustis de sas oras de traballu han creffidu dedicare su tempus liberu a faghere cosas culturales de assemizzu a cosas culturales de sa Sardigna. Si comente unu de custos frades traballad in d’una chentina inube si produini miliones de ampullas pro s’esportazione, in maesu a cussas binzas ha creffidu faghere unu nuraghe fattu cun tappos de ortigu. Prusu de 40 mizza tappos, pro faghere unu nuraghe artu prusu de tres metros. Paris cun su nurages han fattui atteras cosas, chi como benini apprezzadas dae sos turistas, chi enini a biere sas binzas de sas Langas. han fattu unu museo , cun vasos de ortigu e cantu atteru. Tantu chi sunu bistados premiados dae su presidente de sa Regione Piemonte e dae sos sindigos de Alba (custu puru cojadu cun sa fizza de unu sardu, Silanesu, emigradu in sos annos chiambanta). Podimos narrere chi si prima si essiad a foras pro sa miseria, como sos emigrados sun diversos, ca han dimustradu chi non esportaiana solu miseria, ma fintzas cultura e intelligenzias.