di Francesco Oggianu
Macumere, sos giovanos e s’isport sun tres peraulas chi non podene andare mai de accordu e non podene essere postas in sa matessi frase. Gai narad Daniele Nieddu, 23 annos, esponente di Italia Viva, chi faghed parte de su gruppu politicu Futuru Possibile, chi est poninde in campu unu problema chi est ligadu a sa pratiga isportiva, ma est in particolare ligada a sos piseddos chi cherene pratigare s’isport e su calcio chi bied duas isquadras postas in pena pro carchi cosa chi est andada a dortu in custos urtimos annos, pro curpa de chie si est abbizzadu como chi sos impiantos fini male postos. Non arrivad notizia- iscriede Daniele Nieddu- de una noa e cramurosa dimostrazione de cantu sa giunta comunale de Macumere, guidada da Antoni Succu, siad incapace de amministrare sa cittadina nostra. Daniele Nieddu est riferidu a cussu chi tempus faghed had nadu s’assessore comunale a s’isport Gianfranco Congiu, comente issos sun faghinde meda pro trasformare s’istadiu de Iscalarba, ma fintzas sos atteros impiantos isportivos de Macumere, in d’una istruttura chi tened respiru regionale e fintzas nazionale.
Daniele Nieddu iscriede: Mentras si lanciana romboantes proclamas in sos giornales pro sa ristrutturazione de s’impianti isportivu de Scalarba, iscuprimos chi sa realtade est a dolu nostru meda diversa de comente la pintana sos amministradores comunales nostros. S’ischidi diffattis chi sos fundos pro sa ristrutturazione de su matessi istadiu sunu abbarrados frimos pro battoro annos e messu e in mesu duos pro sa progettazione de sos traballos. A dolu mannu de sos giovanos e de sas sotziedades isportivas, s’istaduiu como benid serradu cun d’unu annu de anticipu rispettu a sa data chi fid prevista pro su cominzu de sos traballos in su 2022, duncas s’annu chi enid. Custu chered narrere chi pro sa serrada anticipada e male programmada de sos impiantos isportivos e duncas de sos campos pro jogare a pallone, sas isquadras de pallone de sa zittadina sunu custrintas a chircare un’attera domo, atteros campos isportivos omologados e idoneos pro podere jogaree su campionadu chi est cominzad in su mese de austu.
daniele Nieddu, chi si la lead cun sos amministradores comunales de Macumere iscried cun su velenu in punzos e narad: a pustis de su dannu bi est fintzas sa beffe. Difattis, mancari in sa cittadina de Macumere bi siad presente s’impiantu isportivu de Sertinu, si iscuprid chi cussu impiantu non beenid collaudadu dae su 2018. Una cosa irmentigada dae chie amministrada e chie amministrada deviad ischire chi serrande s’istadiu de Scalarba, sas isquadras de calcio deneene bisonzu de un’attera istruttura, chi podiad essere Sertinu. In cue peroe non faghed. Custa situazione poned in affannu sas duas isquadras de pallone, comente sa Macumerese Calcio chi militada in su campionato regionale de promozione ee sa Asd Macumere, chi militad in su campionadu regionale de prima categoria. Ambas isquadras, arrivados a custu puntu, non faghene prus in tempus a sinnalare su campu isportivu inube deven jogare a sa federazione isportiva, ca est una cosa chi deviana faghere a primos de austu e primas ancora.
Est un’attera dimostrazione bera de comente s’amministrazione comunale nostra tenzad pagu riguradu a cussu chi pro sos votos de sa zente non est de appettitu. Gai narad Daniele Nieddu, chi pustis azzunghed pibere a cussu chi had giai nadu: Est criande disagiu a unu movimentu chi in Macumere tened una prova manna de zente, cun sos giovanos in particulare, chi nde essid cun d’unu importante ruolu sotziale de aggregazione e coesione sotziale tra sos giovanos macumeresos. Cun su fele in bucca- narad Nieddu. deppimos cuntastare chi isquadras de pallone macumeresas non hana a podere jogare in Macumere pro curpa de sa miopia de sos amministradores, chi parene chi che vivana in logos anzenos, attesu dae sos giovanos de custa zittadina. Faghinde goi non si abbizzana chi sun faghinde dannu mannu e dande su corpu de grassias a una categoria chi est posta a palas in terra dae sa pandemia pro su Covid. pro Nieddu sunu recentes sas protestas rumorosas, pro cussas fintas dimissiones de chie sa categoria isportiva la deve azzuare e incentivare, faghindende parte, ma in sa realtade l’isfruttad solu segundu sos proprios interessos elettorales chi han battidu pagu giovamentu a sa comunidade nostra.
Duncas, sas duas isquadras chi jogana in sos campionatos regionales de promozione, comente sa Macumerese Calcio e in in prima categoria, comeente sa Asd Macumere, cust’annu non podene jogare in Macumere, in domo insoro, ma devene andare pro forza a foras, in biddas anzenas. Sa Macomerese, a cantu s’ischidi, deved faghere sas partitas casalingas in Bonorba, su Macumere fortzis deved andare a Bororo o a Silanus, inube sos impiantos isportivos sun bistados semper a norma. Ite deven faghere sos amministradores non s’ischidi, mancari siana interessados pro ponnere a postu tottus sos impiantos isportivos, a comimzare dae su palattu de s’isport de Sertinu e pro che sighire in s’opera prusu manna, chi est s’istadiu de iscalarba. Sos dirigentes de sas duas isquadras de calcio sunu meda preoccupados ca, zogare in foras da sa idda insoro chered narrere prusu ispesas e pagu coinvolgimentu de sos giovanissimos, chi non podene sighire sas partidas de sos zogadores mannos ca non bi sunu semper sos mezzos de trasportu e non bi est sa siguresa chi bi podede essere in sa zittadina insoro. Custu s’amministrazione comunale lu deved leare a notu.
Dae parte insoro, sos amministradores comunales narana chi sun faghinde una cosa chi deppiada essere fatta dae medas annos e est una cosa importante, ca che poned sos impiantos isportivos de Macumere tra sos menzus de sa Sardigna, in gradu de ospitare manifestazione isportivas regionales e nazionales, dedicada a sos giovanos. E gai sos matessis amministradores han fattu unu elencu de sos interventos chi si devene faghere in s’istadiu de Scalarba: S’impermeabilizzazione de sas gradinadas de sa triubuna ammuntada; s’impermeabilizzazione de sa cobertura de sa tribuna ammuntada; sa rimozione de sos distaccos de cimentu dae sas gradinadas e su trattamentu contro sa corrusione de su ferru chi si biede a foras; sa sanificazione de sos logos chi sunu sutta de s’impiantu, comente sas palestras de judo e sos ispozzatoios de su calcio e atletica, cun sa rimozione de sos intonacos chi beni fattos dae nou; si faghene interventos in sos bagnos e doccias de sos ispozzatoios, si faghed dae nou su fundu de sos campos de tennis, si faghene sos ispozzatoios de sos campos de tennis, e sa cobertura metzana de tottas trese campos de tennis. Custu pro sos amministradores comunales rappresentad s’interventu prus mannu chi riguardad sas istrutturas isportivas de sa zittadina de Macumere.
Unu milione e ottoghentos de eeuros de fundos regionales e prusu 450 mizzas euros de unu mutuu de su creditu isportivu si poned pro su rifacimentu de tottu sa pista de atletica. Sos amministradores si ponene s’iscopu de torrare a dare a sa cittadina un’istruttura isportiva rinnovada, prusu efficiente e decorosa. Sos interventos andana in sa direzione de cunsentire su rispettu de sas normas federales chi sunu sempre de prusu severas. Tiad parrere peccadu chi manifestaziones de respiru fintzas de rilevanzia nazionale, pothana essere pregiudicadas pruite s’impiantu non rispettad sos istandard federales. Si pensad a sos ispozzatoios, indisponibiles dae meda tempus, cussos de sos campos de tennis, a sa pamentos degradados, a su problema ezzu de sas infiltraziones de abba, a sa pista de atletica chi est male posta. Tottus sos isportos ospitados in s’istadiu de Scalarba sun bistados tottus tutelados dae unu progettu intelligente e rispettosu de sas aspettativas de medas isportivos chi las utilizzana, chenza chi sos isportos prus blasonados che leerene prusu risorsas a discapidu de sos atteros. Ma Daniele est unu zovanu chi cumprended cale est su onu e cale est su malu. Siguramente est importante chi sas istrutturas isportivas benzana aacconzadas e posta in artu livellu, ma sas cosas si depenne faghere iscurtande sa oghe de sos giovanos, ca sunu issos su futuru, fintzas in campu isportivu e non solu.