Imprentas 152 – Sos culurgiones de s’Ozzastra

RMC - Radio Macomer Centrale
RMC - Radio Macomer Centrale
Imprentas 152 - Sos culurgiones de s'Ozzastra
/

Imprentas 152  di Francesco Oggianu

Sos culurgiones de s’Ozzastra

Culurgiones de onzi zenia, fintzas a colores, ma sempre culurgiones addurana

Cando unu prodotu andad bene, si chircad de nde faghere similes pro podere tennere una agevolazione in sos mercados sardos, cusso italianos e internazionales, ma fintzas pro su turismu. Si gahne ecosas chi pusti chi est ligadu a sas cosas antigas si arrennegad e che ponene in mesu avvocados e giudices. Custu est suzzedinde in Ozzastra, cun duas piseddas de Tortolì, chi sun proponinde unu tipu de culurgione nou. Sa forma est cussa chi si connoschede dae sempere e fintzas su ripienu (a parte cussa variante) rispettada sa tradissione gastronomica, ma est su colore de sa pasta a los faghere, in manera unica, differentes rispettu a sos culurgiones: i color giones, chi est una imbenzione de duas ozzastrinanas, Elena Cau e Sabrina Caredda. Cusso culurgiones colorados parene chi sian mancu lontanos parentes de cussos culurgiones chi si sunu semper connottos, non solu in Ozzastra, ma in tottu su mundu. Dae sos culurgiones antigos est bennida s’ispirazione a custas piseddas, ma cussu chi si cehered faghere non est solu cussu de faghere piaghere custu tipu de prodottu coloradu.

Sas femminas narana chi cherian solu faghere unu pagu de colore in custu periodu chi est meda nieddu cun su Covid che est collinde tottus sos settores. Ma custu non andad bene a su cunsorziu de tutela de su culurgione de sìOzzastra Igp, chi had leadu sas distanzias e narad chi est una pubblicidade ingannevole, cussa chi sun faghinde sas femminas de Tortolì, a dannu de sos culurgiones beros, cusso antigos, cun sa ricetta chi non est mai mudada in sos seculos e chi est durada fintzas a como. S’idea de faghere sos culurgiones colorados est naschida in d’unu orta e die de traballu. Comente la contad Elena Cau, chi est chef de 41 annos, pared chi siad una cosa normalissima. In cusssu orta e die s’amiga de Elena Cau, Sabrina Caredda, fid dande una manu pro faghere carchi culurgione cun sa pasta colorada, cun sa barbabiettola ruja e sa paprika nd’est bessidu unu colore biaittu e unu de su colore de su senape. Dainanti a su prodottu finidu est bennida s’idea de faghere carchi fotografia e la pubblicare in sos social. Sa risposta est bistada manna, cun meda zente, giovanos in particulare, chi hana incorazzadu sas duas femminas a andare adainanti.

Dae innoghe sas duas femminas han chirradu unu nomene, duncas Color-Giones, pro chircare su ligamine cun sa gastronomia de s’Ozzastra e cussu prodottu tottu coloradu. Pustis a lu faghere tottu prusu ufficiale est bastadu de mandara adainanti tottu. Dae cue est naschida sa pagina Instagram cun @color-giones e sa volontade de mudare un’idea naschida dae sas cosas bettadas a pare tra sas connnoschenzias culinaria de Elena Cau e sa passione artistica de Sabrina Caredda, in d’una attividade minoredda cun d’unu muntone de colores. Su progetti a s’incominzu had sighidu atteros isviluppos: sa cuoca chef had chirradu una linea di color-giobes cun su ripienu tradizionale e cun s’impastu coloradu cun prodottos naturales, (pro su grogu si usad su zafferanu pro faghere unu esempiu), cun Sabrina Caredda (imprenditrice e grafica), chi had chirradu sos colorantes alimentares e unu ripienu diversu, chi tra su durche e su salidu. Issa narad chi non chered intccare s’originalidade de su clurgiones, ma chered rispettare su prodottu tipicu. Non si chered peroe chi su ripienu abbarred cussu beru abbarred a su culurgione beru. S’iscopu non est cumpettere, ma criare cosas noas.

Duncas nd’essini unu muntone de colores chi, segundu custas duas piseddas, servid a battire unu pagu de vitalidade e chircare de trasmittere sa gana de sa ripresa, a<pustis de custa pandemia chi had segadu sas ancas a meda zente e chi had postu inbrinugu tottu su settore de sa ristorazione, in d’unu logu inube su turismi est una cosa meda importante. S”scopu est puru cussu de ovviare, a su frimu de s’attividade. S’home restaurant in domo mea est serradu dae meda, ma si est bendinde cun Instagram. Isettande disposiziones noas, sas duad femminas traballana dae domo e cando had arrivare su momentu de aberrere, su colore de sos color-giones ha a essere su pezzu forte de sos catering e buffet. Unu imbentu naschidu tra s’imbentiva e sa netzessidade. Sa pandemia fintzas a como non had permittidu de tennere aberta s’attividade, chi est rivolta principalmente a su turismu, ma podede essere sa orta ona chi si pothad mudare in color-gioneria. Una cosa noa pro custu istiu chi est biantrande e chi poded essere unu curuiosidade pro tottus sos turistas chi enin in Ozzastra a si godire su mare e sas cosas bonas chi si produini.

Su cunsorziu si occupad non de tutelare sas impresas, ma su chi si produid e chie custos prodottos los consumada. Pro cussu su Cunsorziu narad chi cussa chi si faghed pro sos color-giones est una pubblicidade ingannevole. A lu dichiarare est Vito Arra presidente de su Cunsorziu pro sa tutela de sos culurgiones de s’Ozzastra Igp. Segundu Arra, est sa forma a che giughere in ingannu sa zente, comente su nomene. De cunseguenzia custa cosa non andad bene. Ma su matessi presidente abbaiadad s’iniziativa de Elena Cau e Sabrina Caredda dae un’attera parte e cumprendede chi in d’una zona comente s’Ozzastra s’importante est si, tutelare sa marca e su prodottu tradizionale, ma est fintzas importante chi faghinde cosas noas si pothad criare occuopazione. Est meda pro una zona comente custa, inube si vived meda de turismu e inube sos giovanos sun tennidos in fora dae onzi iniziativa chi pothad criare traballlu. Culurgiones e color-Giones, s’importante est chi non si cambied su modu de faghere de cussu prodotto tradissionale, chi est sa carta de identidade de tottu s’Ozzastra.

Culurgiònis, culurgiones, culurjònes, culirjiònis, culijònis, culurjònis, culurzònies: mutidelos comente cherides, ma sa sustanzia est cussa. Est una preparazione cun patata tipica de sa zona, sìOzzastra. inube sa tradissione est meda antiga ed est cussa de sa coghina pobera de sa Sardigna. Su ripienu de sa pasta fid adeguadu a segundu de sa disponibilidade de sos prodottos de su territoriu. Si sos ingredientes pro s’impastu sun semper bistados semplicissimos, cussos chi jughene sa cosa inintro, podiana essere fintzas preziosos, comente su zafferanu e atteras variantes. Custa caratteristica, unida a sa serrada de su culurgione, chi si narad s’ispighitta pruite ammentad s’ispiga de su trigu, faghiana custu piattu prus de unu semplice alimentu, ma fintzas unu veru bene, preparadu solu in occasiones medas importantes o, comente si narad, de iscambiare cun sos amigos e parentes comente podede essere unu donu mannu. Fintzas a sa fine de sos annos sessanta, sas femminas de familla los faghiana pro su 2 de santandria, cando si deviana amentare sos mortos, ma segundu sa tradissione, custos culurgiones de pasta fini fintzas unua cosa beneitta pro faghere sa meighina e sì’ogru. Pared chi esseen fintzas preparados in occasione de sa festa pro propizxiare sa regorta de su trigu, e chi sa forma chi tenene a spiga siad dedicada a custa ricurrenzia chi est meda intesa in sas biddas.

Paris s sos cappellacci de corcoriga de ferrara, a sa pasta de Gragnano, a sos pizzoccheris de sa Valtellina, a sos maccheroncinos de campufilone, sos culurgiones de s’Ozzastra Ipg sunu s’univa pasta italiana a aere ottennidu s’importante marchiu Igp e, de cunseguenzia, bi est unu disciplinare de produzione chi nde tutelad in manera attenta sas caratteristicas. Segundu sa idda de produzione podene mudare sos ingredientes chi enini postos pro faghere sos culrgiones. In d’onzi modu, comete risurtada dae cussu chi li naran su disciplinare, sa forma de onzi culrgiones est comente una mendula manna tra sos battor e sos deghe centimetros de lunghesa e largos tra sos trese e sos chimbe centimetros. Chenza sa terra insoro, sos culrgiones non podene esistere: bi est su ligamine cun sa tradissione agropastorale e sas manos bonas de sas femminas sardas, chi sunu sos beros ingredientes pro nde faghere una cosa veramente ona. Sos culurgiones non si faghene solu in d’onzi idda de s’Ozzastra, ma fintzas in sa parte bassa de sa Sardigna. Pro fortuna bi est su marchiu Igp. in Ozzastra si faghene a Arzana, BariSardu, Baunei, Cardedu, ELini, Gairo, Girasole, Ilbono, Jerzu, Lanusei, Loceri, Lotzorai, Osini, Foghesu, Seui, Talana, tertenia, Tortolì, Triei, Ulassai, Urzulei, Ussassai, Villagrande Strisaili. In sa parte bassa si faghene a Esterzili, Escalaplano e Sadali, inube onzi annu, a cominzos de austu, si faghed sa sagra de sos culrgiones de Sadali.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *