Imprentas  151 – Pruite in medas logos de Sardigna si campad de prusu

RMC - Radio Macomer Centrale
RMC - Radio Macomer Centrale
Imprentas  151 - Pruite in medas logos de Sardigna si campad de prusu
/

Imprentas  151    di Francesco Oggianu

Pruite in Sardigna si campad de prusu

Pruite in medas logos de Sardigna si campad de prusu. Cal’est su segretu?

Ite si podede mandigare pro campare assumancu fintzas a cehent’annos? Est una dimanda chi medas si ponene, non solu in Sardigna, ma in tottu su mundu, pro podere cumprendere pruite in medas logos de s’isulanostra si campad bene e si campada medas annos. Si mandigad bene e fortzis mandigande cosas poberas e non sempre pische. Chie vived in sos montes, su pische est una cosa nopn connotta, si non carchi trota e carchi sermone chi si pischida in sos rios e in sos poios mannos. Dae pagu si ministeriu de s’agricoltura had sustennidu unu pianu presentadu da3 e su distrettu rurale de otto comunes de sa Barbagia. Fortzis fintzas in Roma, ma puru in Bruxelles, comente a Londra e New York, cherene ischire pruite in zertas biddas de Sardigna si campada a largos annos. sa cosa de mandigare de sos centenarios de sa Barbagia est unu piattu gourmet, comente li narana sos espertos, chi nde aled 25 miliones de euros. Inari chi li poned su ministeriu de s’agricoltura chi chered finanziare fintzas su progettu de sa fundassione distrettu rurale de sa barbagia cun su bandu nazionale subra sos distrettos de sa cosa de mandigare.

S’idea , c hi est una graduatoria de vinti iniziativas finanziabiles, si est collocada a su sestu postu. Pagu sutta solu carchi area rurale de sa Puglia e de sa Toscana, prima de cussa de sa Lombardia. Est una conquista manna pro si primu distrettu rurale de sa Sardigna, chi had binchidu iscummittinde tottu sbura de sa genuinidade de sos prodottos chi nd’essini da sa terra de sos montes inintro de sa Sardigna. . A beneficiare de sos fundos assegnados s su progettu Barbagia cosa de mandigare de sos centenarios, sunu principalmente sas impresas de su territoriu, sotzios de su distrettu rurale de sa Barbagia, paris a sos otto comunes (Ollolai, Oniferi, Orzai, Ovodda, Gavoi, Lodine, Sarule e Tiana) e atteros entes de chircasa e de formazione professionale. Sos interventos sunu de agro industriales e hana a interessare sa produzione primaria, sa trasformazione e cummercializzazione. Atteros riguardana tres progettos de chircasa de sas filieras principales curadas dae su distrettu, comente cussa de sos porcos, agricoltura, prantas, zootecnia casearia. SU valore de sos azzudos est a su chimbanta pro chentu pro sas attividades primarias e a su chentu pro chentu pro sa chirca e pro sa comunicazione.

In sos meses chi enini had essere frimadu un’accordu de programma e a custu sighid s’erogazione de su inari chi bi chered. Custu inari andada direttamente a sas impresas, chi benin sighidas pro tottu custu viazzu dae su distrettu in su ruolu de agenzia de isviluppu de s’unioone de sos comunes chi est naschida in su 2019 e chi had presentadu e coordinadu su progettu de sa cosa de mandigare de sos centenarios, una cosa chi est meda antiga, ma chi abbaidada a sos annos chi devene ancora ennere. Sunu chentu sas propoastas de sas impresas istruidas dae su ministeru de s’agricoltura, chi sun ritennjidas ammissibiles a su finanziamentu. Dae bindighi annos custas impresas sun trabaallande paris e in sintonia, mancari bi siana sos problemas ligados a s’ispopolamentu e fintzas cusso economicos de s’area intrea. Tottus b’han creidu e sos risultados sunu arrivande. Pro su distrettu e pro sos sotzios sa soddisfazione bera est cussa de essere unu modellu de isviluppu regionale chi partid dae sas biddas minores de intro de sa Sardigna. In tottus sunu pagu prusu de 10 mizzas abitantes, unu ptenziale mannu, la volontade de inbistire in sas cosas noas, mancari si abbarred ancoraddos a cussu chi si connoschede dae semper. A su connottu, comente cussos prodottos chi est su casu chi han fattu meda pro tenere sana sa zente e los faghere campare a chentannos e prusu.

est zustu narrere chi in custos progettos bi sunu sas ideas non de sos centenarios, ma de sos giovanos chi, abbaidande comente sunu campados sos zaios e zaias, han postu meda attenzione a custu fenomenu e si sun postos a su centru de medas iniziativas e progettos. Sos giovanos han fattu de tottu pro cambiare sa vida in sas campagnas, lassande a sos pastores sos modos de pruduire, ma faghinde in modu chi custos pothana vivere una vida prus sana, accurzu a sas famillas insoro e isfruttande cantu sos seculos de istoria hana tramandadu. A sos giovanos est bennida s’idea de faghere unu tipu de pastorizia prus vivibile e produere cosas bonas e sanas e de che las bnedere in tottu su mundu, dimustrande chi cantu si mandigad in Sardigna est bona e sana e si podede campare a largos annos. Coasas cumprovadas dae sos istudiosos, chi poi sunu bistadas isfruttadas dae sas cooperativa, sotzios e distrettos pro faghere campare menzus tottus e de bi podere fintzas balanzare. Cussu chi sunu faghinde in sa Barbagia est unu esempiu manu.

Sa Sardigna est muttida fintzas Sa Terra de sos Centenarios. In s’isula nostra, chi non est solu bella, si campad de prus de atteros logos, fintzas rispettu a atteros logos de s’Italia, ma fintzas de tottu su mundu. Toccad de pensare chi sa Sardigna est in sas puntas mondiale de sa vida longa, risurtande segunada solu a su Giappone. Cun 22 centenario onzi 100 mizza abitantes, sa Sardina lompede a tennere su primadu de sa vida longa. Lu had nadu fintzas Zuseppe Paolisso, su presidente de sa sotziedade intaliana de Gerontologia e Geriatria. Ma cal’est su segretu de poded campare a chentannos e prusu? Cale had a essere cussu chi li narana s’elisir de vida longa chi nois sardos ammos iscopertu? Segundu cussu chi narad professor Paolisso, chi est fintzas preside de sa facoltade de meeighina e chirurgia de sa segunda universidade de Napoli, su patrimoniu geneticu contribuidi a faghere bida longa pro unu bonu 25 pro ghentu, ma tottu peroe pared chi siad ligadu a unu istile de vida e a sa cosa chi nois sardos mandigamos, faghinde cussa chi li narana sa dieta mediterranea.

Sa Sardigna, chi est sa terra cun prusu omine e femminas che han lompidu sos chentannos, segundu Paolissi, si distinghede pruite sos centenarios non vivene accurzu a su mare, ,a in areas de sos montes e rurales, inube fintzas cussu de si chircare a mandigare est nezzessariu un esrciziu fisicu chi si faghed onzi die e si sighid unu regime alimentare semplice, chenza chircare piattos prelibados cun meda pische e cantu atteru. Pro cussu sa dieta mediterranea tened duos effettos postivos chi azzuana a campare de prusu: est ricca de antiossidantes chi cumbattini sos radicales liberos e tened effettos positivos subra su Dna, pruite evitad chi sos telomeros diventene prus curzos, sas regiones terminales de sos cromosomos, chi est comente unu rotulu de lana chi non s’incurziad prusu e non iscadenad patologias, aginde subra sos telomerasi, s’enzina chi impedid chi s’accurziene. Naturalmente bi est de cunsiderare fintzas s’isulamento geneticu, cussu chi vivinde in biddas minores sunu prus accurzu pro s’iscambiare su corredu geneticu tra sos abitantes de sa matessi idda- Custu contribuidi a acmpare a largos annos.

Si nard chi fintzas unu piattu de fae e lardu pothad faghere bene. Si narad chi sa petta de erbeghe a buddu siad prus sana de sa petta chi enid battida dae chiisa inube. Si narad chi unu piattu de minestra cun pisu e lentizza siad prus sanu de atteras cosas. Si narad fintzas chi unu cantu e lardu de porcu allevadu pappande fae cun lande siad prus sanu de pappare pancettas e cantu atteru si aagathad in sos supermercados. Si narad chi fintzas unu cantu e casu erbighinu siad prus lanzu de atteros casos chi si produini in continente. Tottu custu est dimostradu? In parte emo, ma in parte si narad chi cando una cosa chi si mandigad est rassa, est menzus a la tennere a distanza. Fintzas una tazza de inu nieddu, chenza essere meigadu contribuidi a campare de prusu. Sos istudios fattos in cusso logos inube b’had prus centenarios si chircada s’alimentazione, ma si chircad fintzas sa natura de s’omine, sa genetica, chi est ancora istudiada in tottu su mundu. carchi annu faghed in Ozzastra est bistadu prelevadu su sambene dae sos centenarios, pro essere analizzadu e cumprendere pruite si campad de prusu e cale est su segretu. Fortzis est sa vida de atteros tempos, fatta de fadigas e sacrifitzios e mandigande cantu bastad pro campare de prusu. In d’onzi modu, sa cosa de mandigare est unu de sos segretos de sos annos largos. Tenimulu a mente. E custu sos giovanos lu sun faghinde.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *