Imprentas 150 del 01.05.2021 del di Francesco Oggianu
Gherra de s’arga e cambiu de su Cunsorziu
Gherra de s’arga, disagios in mesa Sardigna e cambiu de su Cunzorziu a pustis de 13 annos de cummissariamentu
Est gherra pro sos rifiutos e sa cosa poded diventare grae pro tottu su centru de sa Sardigna. Sa gherra est cominzada a primos de martu, cando cun d’una comunicazione chi nissunu si isettaiad, solu dua dies primu de s’assemblea de sos socios, su commissariu de su cunsorziu industriale de Macumere, Franco Figus ha mudadu tottu sos pianos e c’had fattu brincare sa decisione subra de su futuru de sa Tossilo Spa. In sa riunione chi est bistada fatta a Biroro, su 12 de martu, s’insegneri Antoni Delitala, chi est su presidente de sa Tossilo Spa, naschida prus de 20 annos faghed pro sa gestione de s’inceneridore de Tossilo, atteru non had potidu faghere che de leare attu de sa posizione de su sotziu de maggioranza, Franco Figus, chi non si est presentadu a s’assemblea, pro comunicare a sos presentes s’impossibilidade de assumere una risoluzione , iscatenande su malumore de sas sindigas de Bororo e Noragugume.
sa riunione teniad comente ordine de su die sa proposta de prorogare sa vida de sa Tossilo Spa, ispostande s’iscadenzia dae su 31 de su mese de nadale de cust’anni a su 31 de nadale de su 2040, cun sa prospettiva de jogare unu ruolu in sa gestione de su termovaloriadore nou, costadu prus de 50 miliones, chi devede essere avviadu massimu a su cominzu de s’annu chi enid. Chi s’istrada non fid bona e chi sas posiziones in campu sunu differentes e carchi orta divergentes, si est cumpresu dae meda tempus. dae su mese de martu a certificare su gradu de conflittualidade tra sa sotziedade Tossilo Tecnoservice Spa e su comissariu de su Cunsorziu Industriale, e forzis non solu, bi est un’iscambiu de documentos tra sos vertices de su cunsorziu e de sa sotziedade, chi est espressione de sa Regione. Dae una parte bi est su commissariu Franco Figus, dae s’attera su presidente Antoni Delitala. Su primu, cun tottus su pesu ispecificu propriu de una maggioranza a su 99 pro chentu, duas dies primas de sa riunione decisiva , had leadu pinna e pabilu e had cuntestadu sa cunvocazione de s’assemblea, chi fid bistada muttida a deliberare subra s’isnodu vitale pro sa Tossilo tecnoservice, chenza chi sos matessi sozios eppana a disposizione unu quadru de fattibilidade economica e finanziaria.
Su commisariu Franco Figus in d’una littera iscriede: “Si rilevad sa mancanzia de onzi minima informativa necessaria pro cunsentire sa decisione a sos sotzios”. In sa matessi littera Figus iscriede e mutid a sa sullecitazione avanzada dae s’assessoradu a s’industria a primos de martu, in modu chi sa Tossilo Spa fettad unu pianu de risanamentu e ristrutturazione aziendale dae inube si pothad leare una decisione in meritu. Luego had rispostu Antoni Delitala chi had bulladu sa littera de su cunsorziu comente un’attera manovra de su sotziu de maggioranza pro ponnere ostaculos a tottus sos tentativos chi custa sotziedade est poninde in campu pro chircare de evitare sa liquidazione, chi pared chi siad s’unicu obiettivu de su sotziu e Delitala accusas su matessi cunsorziu de non ponnere a disposizione sos datos necessarios pro podere predisporrere de su pianu de risanamentu, prus bortas dimandadu e chi est bistadu semper negadu. Accusas reciprocas chi non che leana a nudda. Intatu su destinu de sa sotziedade Tossilo Tecnoservice Spa a de sos 30 dipendentes est rinviadu ancora a cando non si poded ischiere.
Luego est iscoppiada sa bomba. Dae su 17 de abrile in s’impiantu de trattamentu de sos rifiutos de Tossilo sun bistados suspesos sos cunferimentos de s’umidu. Sos rifiutos biodegradabiles chi benin battidos dae sa regorta differenziada de biddas e zittade e dae sas mensas, non si podene prus traballare a Tossilo fintzas a ordines noso. A lu comunicare a sos comunes cunferidores est bistadu su presidente de sa Tossilo tecnoservice Spa Antoni Delitala, chi lu had iscrittu in d’una nota curza sa certificazione de una situazione de frimesa chi est adainanti de sos ogros de tottus. Est bistada bloccada duncas sa sezione de su compost, che fid ancora attiva. sa rejiones de s’istop, chi su presidente Delitala haiad postu in guardia sos sotzios de su Cunsorziu dae su mese de frearzu, sunu de dare curpa a s’assenza de sas necessaria garanzias fideiussorias, chi risrtana iscadidas e non rinnovadas. Pruite non sun bistadas rinnovadas. sa sotziedade Tossilo in realtade had tentadu de ottennere su rinnovu, ma had incassadu su no dae sas cumpannzias assicurativas. A s’origine de custu corto circuitu bi est sa data de iscandenzia de sa Tossilo tecnoservice Spa, chi deved finire su 31 de nadale chi enid, cun sas garanzias finanziariaa chi tenene una durada de chimbe annos.
Su tentaivu chi est faddidu de che ispostare s’iscadenzia de sa Tossilo a su 2040, chi lu had detzisu su Cunsorziu industriale chi de sa sotziedade est su proprietariu a su 99 pro chentu, had resu impossibile su rinnovu de sas fideiussiones. Su matessi cunsorziu, peroe, si fid resu disponibile, duos meses prima, a si accollare sos costos de s’operazione. Non si escludede chi sos rapportos cionflittuales tra sos vertices de su cunsorziu e de sa stziedade eppana allungadu sos tempos pro evitare de frimare tottu. Ancora cussas polizzas non bi sunu e s’impiantu de cumpostaggiu si est frimadu. E tottu est diventadu un’inferru, cun sos comunes de tottu sa provintzia de Nugoro em de s’Ozzastra custrintos a che leare sos rifiutos in mesa Sardigna, chircande impiantos chi lo pothana traballare. Una gherra istituzionale inube sun suffrinde fintzas sos traballadores. pro cussu su sindacdu annunziad sa mobilitazione e tottus accusana sa Regione de non intervennere pro podere ponnere fine a custu burdellu chi est criande medas disagios pro tottus e cun ispesas mannas. Est una situazione grae e imbarazzante- narad sa sindiga de Borore Bastiana Carboni- chi poned in perigulu su futuru de trintas traballadores e non est pro nudda giustificabile e non est giustificadu, su silenziu de sa Regione. A su matessi tempus, sun graes sas aziones e sas non aziones de su cummissariu liquidadore de su cunsorziu industriale”.
Una cosa chi est andada gai dae 13 annos e ancora sa regione non had provedidu a cambiare sas cosas e ponner a postu un ente chi est meda importante fintzas pro s’isviluppu. A primos de maju sos cunsizzos comunales de Macumere e Borore han fattu una riunione tottu paris pro analizzare sa situazione. Una decisione custa chi est bistada leada in occasione de unu incontru tra sas amministraziones comunales chi sunu in mesu de su Cuinsorziu, sa Confindustria territoriale e sa camera de cummerciu de Nugoro chi had impostu una detzisa presa de posizione a pustisn de su silenziu de sa regione a sas sullecitaziones chi sun bistadas fattas in tottu su territoriu e manifestadas a s’assessore regionale a s’industria Anita Pili in d’unu incontru chi b’est bistadu in su municipiu de Macumere su 12 de nadale de s’annu passadu. Sos cunsizzos comunales si sunu incontrados tottus paris su mese coladu, garantinde sa partecipazione de sos sindigos de su territoriu, de sos sindacados e confindustria, sa Camera de Cummerciu de Nugoro e sa Confindustria de su Marghine, pro definire s’avviu, comente est bistadu deliberadu dae sos cunsizzos comunales de Macumere e Borore, de su Cunsorziu pro s’area industriale de Tossilo.
Carchi cosa s’est movida e como si isettad sa presa de posizione de sa Regione, pro chircare de faghere carchi cosa e de che ponnere a parte su cummissariamentu de su cunsorziu e ponnere sas bases in modu chi su Cunsorziu su matessi, potdad diventare su Cuinsorziu industriale de Macumere e de Borore e pothad essere gestidu non dae unu cumissariu, chi had fattu semper sos caules suos, ma da sos comunes interessados, comente Macumere, Birori, Borore, Bortigali e Sindia, ma zzunghindeche fintzas sos atteros comunes de su Marghine. Unu Cunsorziu chi pothad faghere sas cosas chenza bi essere in mesu unu cummissariu e si pothad decidere autonomamente comente si deved faghere s’isviluppu. Si deved decidere comente deved essere sa gestione de sos rifiutos e essere prontos cando partid s’inceneridore nou chi, siguramente, had a podedere partire non prima de su mese de ennarzu de s’annu chi enid. A biere istamos ite suzzedid.
