Imprentas 143 – Su Fiore Sardu est unu de sos menzus casos de su mundu

RMC - Radio Macomer Centrale
RMC - Radio Macomer Centrale
Imprentas 143 - Su Fiore Sardu est unu de sos menzus casos de su mundu
/

Imprentas 143 di Francesco Oggianu

….dae su fiore sardu ea su erbighinu romanu balene sas tradissiones de produzione

Su Fiore Sardu est unu de sos menzus casos de su mundu, endidu bene ma pagu riconnotu in Sardigna e in Italia

Fiore Sardu, benid bendidu a 30 e 40 euros, ma a sos pastores sardos lu pagana appena a 9 euro su chilu. Lu iscriede in s’Unione Sarda Mauro Pili in sas inchiestas chi faghed in su giornale prus bendidu in Sardigna. West Pittston, una idda de biancos de sos istados unidos de America. In Pennsylvania, in sa contena de Luzerne, cun 4.868 abitantes. Est postu accurzu a su riu Susquehanna a 6.795 chilometro dae su lagu de Gusana, in Gavoi, sa contea de sa Barbagia, in s’isula de Sardigna. In custa iddighedda americana, a sos confines de s’istadu de New York, benid pianficada e gestid s’isbarcu in s’attera parte de su mundu de su fiore sardu. Est in custu logu americanu chi bi est sa sede de una de sas purus manna multionazionales alimentare, ispecializzada in articulos gourmet dee su casu a su inu, dae sa pasta e s’ozzu de olia. In cui non si produid mancu unu grammu de casu ma lu cummercializzana in sa rete comente chi siad roba insoro.

IGourmet est su numeru unu de sas buttegas inube si enede sa cosa de mandigare de arta calidade in sos istadosuidos de America. Cussos chi li narana prodottos de nicchia, ma selezionados e de fascia arta, de enedere a prezziu artu, chenza faghere contu de logos de attesu e lacanas. In mesu a custos prodottos bi est fintzas su casu chi enid produidu accurzu a Gavoi, su Fiore Sardu. Conquistare sa prima pagina de su situ est comente a che pigare in su monte prus artu de su mundu. Sa prima pagina de IGourmet est comente una buttega de gioielleria de cosas de mandigare in mesu a sa carrela Monte Napeleone a Milano, de carrela Condotti a Roma, in sa quinta istrada de New Yoork, a Oxford Street a Londra, o Champs Elyses a Parigi. In cussu situ bi est fintzas su Fiore Sardu de sa cultura de su latte e de su casu de sa Sardigna antiga. Est comente haian fattu a primos de su seculu passadu Frantziscu Albano e Domenico Centola, chi che leiana su casu pecorinu produidu in Macumere, pro che lu enedere in sas menzus buttegas de New York e de tottu s’America.

Mancari in terra sarda sun prodotto pagu tutelados, in America sun prodottos de arta calidade. In cussu situ internet bi est tottu s’istoria de su casu sardu, chi est peroe unu gioiellu in terra anzena. In tottu su mundi, in biddas e zittades si poded abaidare e chie lu chered lu poded ordinare, ca est una cosa ona produida in terra sarda. de fattu in d’una idda cantu poded essere Gavoi, in America, promoved e bended e balanzad a manos prenas subra s’istrachidudine de sos pastores barbaricinos. Sas meravizas de sa Sardigna nostra. Podede essere chi custu non pothad faghere arrennegare si si pensad chi est tottu perdidu. Ma non est gai. Bastad abbaidare su prezziu de endida de cussu chi poded essere sìoro biancu fattu in Fiore Sardu, pro cumprendere inube est su camminu zustu de faghere. Sunu bicculos de mercadu de livellu artu chi cunsentini a sa Sardigna de non cumpetere in s’isfida de sa cantitade ma de diventares sos primos e binchere in sa calidade. Pro cussu toccad de abbaidare su situ de custa buttega americana de cosa de mandigare ona eppad quotadu su Fiore Sardu a subra de su lumenarzu de 45 dollaros (37 euros) a su chilu subra de sa piattaforma Amazon e oprus de 37 dollaros (31 euros) in su situ de endida.

Sunu cosas chi faghene arrennegare si si pensada a cantu sos pastores sardos accurzu a Gavoi sun custrintos a bendere sos prodottos insoro. Tra Mamoiada, Gavoi, Fonne, Lodine e Ollolai si resessidi a bendere su Fiore Sardu friscu, cun tres mese de inserru, si andad bene a 9 euros su chilu, cando cun s’istaionadura si arrivad a sos 11 euros su chilu. Unu prezziu chi est prus pagu de unu terzu de cantu benid produidu e pustis bendidu in sos mercados bonos, cussos de uca fine. Cambiad depagu in sa piattaforma italiana. Sa cadena alimentare de Oscar Farinetti, chi tened sa sede a Monticello d’Alba, bende on line su matessi Fiore Sardu a 26 euros su chilu, ma Amazon lu eneded a 35 euros a su chilu Sunu quotaziones- iscriede in s’articulu sou Mauro Pili- chi abbaiadana a pustis de sìorizzonte chi noi sardos connoschimos, chi tened potenzialidades chi non suni espressas, dae sa tutela de sa cummercializzazione. Pro cussu, Spencer Chesman, su fundadore e Ceo de IGourmet, lanciande sa campagna noa de cmporas de sos prodottos noso de lanciare in sa rete mondiale est bistadu craru.

Sanu, naturale, bilogicu, autenticu est cantu si narad in cussos sitos de su casu nostru e de su Fiore Sardu. Una isfida chi est tottu de calidade, ca su casu sardu est de calidadee, fortzis de sas menzus chi podimos tennere a livellu mondiale. In cui sunu lanciande sas menzus offertas de endida autenticas cun su Dop e Igp. Unu pianu de azione pro cuntrastare su pianu de industrializzazione de su Fiore Sardu. In su situ de cummercializzazione prusu importante de su mundu modernu, Amazon, si promoved su primadu de sa Sardigna, cando in Sardigna si faghed pagu e nudda pro chircare de azzuare e difendere cussos chi sunu sos beros èprotagonistas e unica istopria de su casu. Sos americanos de Jeff Bezos narana cussu chi in Sardigna si rischiad, duncas de non peerdere. Bastad de pensare a sas brigas de sos entes chi dae meda e dae sempere si sunu ocupados de sa tutela genetica de su bestiamene erbighinu de sa Sardigna. Amazon iscried: sas erbeghes benini dae sos tempos antigos e vivene in pasturas abertas. Sun sas matessi eerbeghes chi produini su latte pro su Fiore Sardu. Est su fruttu de unu traballu mannu de produzione e de casieras. Su Fiore Sardu, est iscrittu subra de Amazon tened una istajonadura de tres meses e andad bene gai por podere essere postu in mesa e mandigadu.

Non est solu su casu erbighinu romanu, chi est unu prodottu importadu e pustis bendid in America su menzus de sas produziones de sa Sardigna, ma su Fiore Sardu est dimustrande de essere prusu creffidu in sos mercados bonos a livellu mondiale. In su mese de frearzu de cust’anni cun deghe euros a su chilu pro su Fiore Sardu chi est cunsideradu su prodottu principe de sa prodzione sarda, had fattu registrare , rispettu a s’annu passadu, unu incrementu de sa quotazione de mercadu de su 21 pro chentu. Tottus sos atteros prodottos Dop a livellu italianu han perdidu, de su 2,1 pro chentu de sa cacciotta , de su 1,7 pro chentu de su canestradu pugliesu. S’unicu datu positivu de sa Borsa de sos valores de su casu lu registrada s’atteru prodottu sardu, su erbighinu romanu, chi had conquistadu una quotazione de prus a su 9,5 pro chentu pro su prodottu destinadu a s’esportazione a s’estero e in America., ma abbarrad istabile, rispettu a s’annu passadu, su prezziu de cussu casu destinadu a su mercadu italianu.

Su potenziale cummerciale de sos prodottos agricolos sardos, comente su latte e su casu tened margines de creschida chi non sunu mancu immaginabiles. Est pro custu motivu chi servini rispostas chi devene essere fattas luego, pro tutelare sas produziones Dop de sa Sardigna e partire dae su primadu de su Fiore Sardu. S’arte sacra de su pastore casieri, sunu pilastros fundamentales de s’iscumissa economica. Faghere ponner in artu sas logicas industriales, su cannibalismu de chie chered ischizzare a corpos de cadenas de monaggiu s’arte antiga sarda de su settore de su latte e casu, poded significare faghere un attentadu sa percezione sola. Sarbare su Fiore Sardu e èproteggere sa produzione autentica est unu valore azzuntu fintzas pro tottus sa atteras produzione, a partire dae su erbighinu romanu. S’utilizzu de processos meccanizzados, apparecchiadura de acciaiu a su postu de sas manos de sos pastores, had a finire pro faghere male a sas caratteristicas organoletticas de su Fiore Sardu. Est unu attentadu a sa produzione e sa cultura de sos pastores sardos, chi pro seculos han fatta gai su casu e gai l’han creffidu proporrere a sos industriales chi a sa fine de s’ottighentos e incominzu de su noighentos, sun bennidos a Macumere e chi pustis c’ha creffidu leare in America. Si isperad chi custa tradissione non pothad mudare e chi pro su casu, non solu su Fiore Sardu e erbighinu, si pothan semper usare sos metdos antigos de produssione. Cosa chi deved essere riconnota, a incominzare dae sos industriales sardos.

   

 

Lascia un commento

Il tuo indirizzo email non sarà pubblicato. I campi obbligatori sono contrassegnati *