Imprentas 114 – Sos progetto de su Gal Marghine pro s’isviluppu sanu de su territoriu

RMC - Radio Macomer Centrale
Imprentas 114 - Sos progetto de su Gal Marghine pro s'isviluppu sanu de su territoriu
/

Imprentas  114    di Francesco Oggianu

Su latte, su casu e sa petta de calidade sunu a sa base de su progettu Kent’erbas, chi che poded ponnere su Marghine in subra de tottus sos atteros territorios de sa Sardigna. unu progettu battidu adainanti dae su Gal Marghine, cun su presidente Sergio Sulas, bolotanesu, laueradu in sa Bocconi de Milano, ma torradu a faghere s’allevadore, comente sos antigos. A su progettu Kent’erbas bi aderini 27 aziendas agricolas de su Marghine. S’istrategia de isviluppu de su territoriu chi passad attraessande sa valorizzazione de sa calidade de sas produziones zootecnicas, comente su latte, su casu e sa petta, ottennidas da sos animales chi enini alimentados de prusu in sas pasturas naturales. E gia est naschida s’aggregazione Kent’erbas, guidada dae s’universidade de sos istudios de Casteddu, cun su dipartimenti de s’Iscienzia Biomedica, cun sa partecipazione de s’agenzia regionale Agris e 27 aziendas èpastorales de su Marghine chi allevana erbeghes, crabas, bitellos e bitellas e baccas de latte e de sa petta, in sas biddas de Biroro, Bolotene, Bororo, Bortigale, Duarche, Lei, Macumere, Noragugume, Silanos e Sindia.

Est una rete chi est bistada criada in s’ambitu de su bandu de chircare sos parametros de calidade de sos prodottos zootecnicos de su pianu de azione de su Gal Marghine de sos urtimos chimb’annos, cun sa cullaborazione de s’agenzia Laore. Unu bandu chi andad adainanti cun carchi ritardu, pro curopa de una funzionaria de sa Regione chi had bidu in custa iniziativa cosas chi a issa non andiad bene, bloccande tottus sos finanziamentos. Su Tar pro como had dadu resone a su Gal Marghine, ma de custu nde faeddamos prusu adainanti. S’interventu de su gal puntad a valorizzare e faghere creschere sa calidade de sos prodottos locales, fintzas attraessande sa chirca scientifica, pro podere verificare si sos animales alimentados in sas pastura liberas produini latte e petta de calidade diversa, rispettu a sos prodottos ottennidos dae animales allevados in sas istallas e alimentados de prusu cun mangimenes cuncentrados. S’obiettivu finale est de che iscartare sos automatismos pro cussu sos consumadores comprana sos prodottos in base a su prezziu prus bassu chenza faghere attenzione a sa calidade e su gustu.

Su progettu Kent’erbas, calidade aromatica e nurtrionale de su latte, de su casu e de sa petta de su Marghine e s’influenzia in sa salude de sa zente, est coordinadu dae su professore Sebastianu Banni, de s’universidade de Casteddu, si divid in tres fase de azione. Sa prima est cussa de definire su modellu chi deved ponnere in relazione sa calidade de sas produziones zootecnicas, comente valore nutrizionale, chi deve cuntennere in Cla, omega3, vitaminas, plifenoli, cun sa calidade de s’ambiente de origine, sa biodiversidade de sas pasturas e su sistema de condussione estensivu basadu subra de sa pastura naturale. Sa segunda fase est pro verificare si sas caratteristicas organoletticas (gustu, fragu onu e attors profumos) de custas produziones risurtana peculiares rispettu a atteros prodottos chi s’assemizzana, chi sunu prus bendidos in sos mercadops, ma ottennidos cun tecnicas de allevamentu intensivu. Sa terrza fase est cussa de iere in sa zente sa presenzia de sos biomarcadores pro ottennere datos obiettivos subra de sa propriedade nutrizionale de sa petta de acca e de itellu, de su casu de erbeghe, ottennidos dae animales alimentados in sas pasturas de su Marghine, inube sos effettos in sa salude de sa zente benid valutadu cun d’unu istudiu clinicu.

Sos risultados chi enini ottennidos benin pustis ispartos in tottue e postos a disposizione de tottus sos allevadores de su Marghine. Custi cunsentini a sos allevadores de progettare sa calidade chi isso cherene, de valorizzare sos prodottos e de aumentare sos prezzos de sa endida. Sos consumadores podene orientare cun prus istrumentos e cumbintos sos acquistos chi faghene. Su pianu de azione de su Gal Marghine est bistadu definidu cun d’unu percursu de partecipazione chi c’had postu in mesu sos allevadores de su logu in sa elaborazione de sas istrategias e in sa chirra de sas priopridades pro s’isviluppu de su territoriu. Custo si poned in duos ambitos tecnicos de interventu. Si chered favorire sas cooperativas tra operadores de sas filieras zootecnicas e agiculas pro faghere creschere su modellu chi pothad promovere e valorizzare sas produziones de petta ula, casu de acchinu e erbighinu, ottennidos dae animales chi sunu in pasturas naturales e cun fenu e sas produziones agiculas ottennidas cun d’una utilizzu bassu de mezzos tecnico comente fertilizzantes, presidios sanitario e atteru. unu modellu de valorizzazione chi si fundad cun caratteristicas ispecificas de su Marghine comente sa calidade de s’ambiente e de sos prodottos agroaliemntares, sa vocazione zootecnicas basada subra de s’alimentazione de sos animalas in pasturas naturales, sa variedade de s’erba e sa cumposizione de su recattu de sas pasturas, ischire tottu subra de sas produziones tradizionales e subra de s’agricoltura, s’allevamentu e produzione de sa cosa de mandigare.

Pro cussu sun previstos medas interventos comente sa costruzione de una rete e de cussu chi si pruduid in su Marghine, pro podere rafforzare sas cooperativas tra produttores de su Marghine, faghere mannas sas propostas de sos prodottos, promvindelos e bendidelos in sos mercados regionales. Bisonzad de definire s’obiettivu de definire indicadores e parametros de calidade in modu de marcare sas ispecificidades de sas pruduziones zootecnicas de su Marghine. Toccad fintzas de inbistire subra de aziendas pastorales chi fattana paschere su bestiamene in pasturas naturales. Pro cussu toccad de sustennere tottus sas aziendas zootecnicas pro adeguare sas istrutturas e sas dotaziones aziendles a sas esigenzias de s’alimentazione basada subra de sas pastura e fenu de calidade. Si imbestid subra de sas impresas de trasformazione e de cummercializzazione e sustennere sos inbestimentos a favore de sas impresas de trasformazione e cummercializzazione chi aderini a sas cosas chi si pruduini in su Marghine.

S’attuazione de sas istrategias de su Gal Marghine han leadu avviu cun su bandu “Chricare sos parametros de calidade de sos prodottos zootecnicos”, ottennidos dae animales alimentados in pasturas naturales de su pianu de azione de su Gal Marghine de su 2014 e 2020. Goi est naschida s’aggregazione Kent’Erbas guidada dae s’universidade de sos istudios de Casteddu- dipartimentu de sas iscienzias Biomedicas, cun sa partecipazione de s’agenzia Agris e de 27 aziendas pastorales de su Marghine, chi llevan erbeghes pro latte e ulos pro sa petta. Unu progettu e bandos chi sun bistados dados in manos a sa Regione pro sos finanziamentos necessarios, ma chi hana agatadu unu intoppu mannu, cun d’una funzionaria chi in cussos bandos bi had bidu cosas istranas e duncas bloccande tottu sos finanziamentos. Una cosa chi had fattu arrennegare sos cumponentes de su Gal Marghine, paris cun sas amministraziones comunales chi faghene parte de s’Unione de sos Comunes e tottus sos allevadores chi in custas iniziativas bi han cretidu dae su cominzu. Dae innoghe est partida s’azione legale, cun su Tar de sa sardigna chi luego had dadu resone a su Gal Marghine.

Cun su decretu de su Tar, su Gal Marghine rientrad duncas in prenu in sa operatividade. Su Tar cun s’ordinanzia had suspesu sa revoca da parte de sa regione de sos contributos a sul Gal su matessi. Su motivu est craru: pro su Tar non nd essid dae sos attos de sos procedimentos sa resone giustificativa de su provvedimentu de ritiru de sos contributos. Como pro tottus sos allevadores e chie creede in custas iniziativas, bisonzad de recuperare su tempus chi est bistadu perdidu. Bi sunu medas progettos de mandare adainanti e de poder faghere luego. Bi sunu omines e feminas chi isettana de regollere sos fruttos de cantu han traballadu. Bi est unu teritoriu chi meritad de idere ricconnotas sas cosas bonas e sas produzione. Tottu paris narana: “Andamos adainanti prus fortes de primu”.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *