Sa Retza Manna 2025 – Puntata n.3

RMC - Radio Macomer Centrale
RMC - Radio Macomer Centrale
Sa Retza Manna 2025 - Puntata n.3
Loading
/

Sa Retza Manna 2025 – Puntata n.3

RMC - Radio Macomer Centrale
RMC - Radio Macomer Centrale
Sa Retza Manna 2025 - Puntata n.3
Loading
/

Prima parte curada dae Roberto Melis e Martino Arca

In sa puntada de oe amos a tratare paritzas curiosidades chi s’agatant in su web. Amos poi a sighire cun una nova sarda, chi arribat dae Iglèsias, diat èssere a nàrrere s’acontzu de su relozu Granaglia.

Tina Cipollari cheret sètzere in sa trona de “Uomini e Donne”. Chircat un’òmine e narat comente lu cheret.

Tina Cipollari, chi est connota meda po èssere opinionista in sa trasmissione “Uomini e Donne” de Maria De Filippi, ispantat semper meda su pùblicu ca tenet una limba longhita e ca non mandat a nàrrere nudda a niunu. Custa borta, però, s’ispantu paret ancora pius mannu e no est cosa chi pertocat sa limba longa sua. Como, issa e-totu, at a sètzere in sa trona chi est de sòlitu a costas de sa cadrea sua. Dae cossizera de sa trasmissione, duncas at a diventare issa e-totu inghiriada de òmines chi ant a andare a incue po la chèrrere a amorada. Chissai si at a èssere gai fàtzile chi agatet òmine, ca, a comente s’est fata a connòschere in custos annos, paret pròpriu chi tenzat pretesas de importu mannu e pagu comunes……………

Secunda parte curada dae Gianfranca Piras

Su mese de ghennàrgiu nch’est belle che finidu, sunt acostende.si.nde sas ùrtimas dies, e si narat chi siant sas prus fritas de s’annu. A sos pitzinnos, in iscola, lis imparant chi custas dies sunt sas “Dies de sa mèrula” (“I giorni della merla”) e lis narant su contu de custa mèrula chi, pro neghe de sos dispetos de su mese de ghennàrgiu, aiat tentu sas pumas cambiadas dae biancas in nieddas. Ma in sardu, però, custas ùrtimas dies de ghennàrgiu (su 30 e su 31) tenent unu nùmene particulare. Si narant “Sas dies imprestadas”. Comente mai custu nùmene? Ite cheret nàrrere? Nos l’ispiegat unu contigheddu antigu chi unu tempus si tramandaiant dae babbu in fìgiu.Custu contu faeddat de unu pastoreddu barrosu meda, chi aiat chèrridu pònnere marrania cun su mese de ghennàrgiu pro li mustrare chi su prus balente fiat issu. Ghennàrgiu però aiat agatadu sa manera de bi la fàghere iscontare, ca intre s’òmine e su tempus la binchet semper su tempus. Custu sos antigos l’ischiant bene, semus nois chi nos nde semus ismentigados e nos paret chi cumandamus nois subra de su tempus.

Duncas ite aiat capitadu? Ite narat su contu?

 

Lascia un commento

Il tuo indirizzo email non sarà pubblicato. I campi obbligatori sono contrassegnati *