di Francesco Oggianu
Davide Cossu esempiu de isport pro unu pitzinnu de 17 annos
Su camminu de campione de Davide Cossu, lottadore silanesu
Terranoa a cominzos de mese e a Belgrado ao sos primos de Santandria. Sunu custa sas sedes de sos campionatos mondiales. Sa prima pro cantu riguardada sa cumpetizione de judo, chi est riservada a sos pizzinnos a sutta de sos 21 annos, sa segunad a cussos chi nde tenene mancu de 23, cussa de lotta. Tottas duos sunu eventos chi iene protagonista su pitzinnu silanesu Davide Cossu, chi de annos nde tenede mancu 18, atleta de s’associazione isportiva Shardana Judo e lotta de Silanos. S’atleta de su Marghine, oramai est una realtade de sa lotta nazionale e sos vertices fintzas in su judo, cunvocadu dae rappresentativa sarda, chi had tentu chimbe wild card dae sa International Judo Federation comente regione ospitante, de cumpetere cun sos judokas prus fortes de su mundu. Est bistadu dae su 6 a su 10 de santainu de partecipare, in su Geo Village de Terranoa, chi est sa sede de sos campionatos mondiales de judo juniores de su 2021, in sa categoria de sos 90 chilos. Su mese chi intrada Davide Cossu andad a Belgrado, cun sa nazionale italiana de lotta, pro partecipare a sos campionatos mondiales de lotta stile liberu pro sos giovanos sutta de sos 23 annos e inube had a provare de che pigare in sa classifica in sa categoria pro 92 chilos.
Ymbre Cocco, chi est s’allenadore de custu piseddu, narad: “Non creo de ammentare atteros atlteas, de sa federazione nostra, chi eppad partecipadu in su matessi annu a duos mondiales faghinde duas disciplinas diverrsas. Custu pro cunfirmare de sas istraordinarias potenzialidades de Davide Cossu”. Pro cussu soddisfazione manna benid fatta fintzas dae su presidente de s’isquadra silanesa, Mario Pes e su mastru Felle Cocco, chi su decanu e fundadore de s’associazione Shardana Silanus. Sunu risultados incredibiles pro una realtade minore comente sae de Silanus. Tottu es fruttu de una passione manna e de su traballu tostu de tottus custos annos. Cosa chi fra sos pitzinnos prus minores de Davide Cossu si cominzad a biere. Difattis, su 28 de austu coladu, s’isquadra de sos pitzinnos sutta sos 15 annos, est bistada protagonista, cun battoro atletas in su trofeo Italia de Lotta chi est bistadu fattu a Livorno e inube bi fini presentes sa rappresentativa de s’Ungheria, de s’Ispagna, sa Polonia, Moldavia e Romania, ottenide duas medaglias de bronzo, cun Sofia Cocco e Sarbadore Cadoni. Unu quintu postu est bistadu leadu cun Simone Piredda e unu settimu cun Riccardu Giuggia, tottus pitzinnos a sutta de sos 15 annos.
Sos matessis atletas sun bistados ospites, su 9 de santainu a Ostia, pro sos campionados italianos esordientes, inube bi est bistadu fintzas su premiu mannu pro sos giovanissimos, riservadu a sos pitzinnos sutta de sos 12 annos. Sun bistados presentes atteros battoro giovanissimos, comente Nigola Cadoni, Andria Mededdu, Adele Mura e Laura Giuggia. Sempre in Silanos su 28 de capidanni passadu, in sa sede de carrela Santu Larettu, sun torrados a partire, a èpustis de un’annu e mesu de frimada, pro curpa de sa pandemia, sos cursos pro sos giovanissimos dae 4 a sos 10 annos, un’opportunidadede ripartenzia pro sos prus minores, a pustis de unu periodu longu de lontanznzia. Si faghed in tottu su rispettu de sa regulas e lineas guidas federales pro su Covid. Custi chered narrere chi in Silanos e in su Marghine custu tipu de isport e non solu su calcio, sa pallavolo e su basket, piaghed a sos pitzinnos. Custu grassias a cussa associazione isportiva, sa Shardana Judo, fundada medas annos faghed dae Felle Cocco chi est resessidu a trasmitere sa passione prima e tottus a sos fizzos e pustis a medas giovanos de sa idda, cun pitzinnos chi un su tempus sun diventados campiones, comente est capitadu a Davide Cossu, chi est como unu de su menzus lottadores de su mundu.
Su sette de maju de cust’annu, su campione italianu in sa categoria Juniores de lotta stile liberu, uno de sos duos istiles de lotta olimpica, davide Cossu had binchidu su titulu nazionale a Ostia, inube si sunu fattos sos camionados italianos de lotta, chi had gareggiadu tra sos chi tenene 92 chilos. Est bistada un’attera cunfirma de sas capacidades de custu piseddu, bidu chi dae meda tempus si est imponinde in sas prusu importantes cumpetiziones e benid sighidu cun attenzione manna dae sos selezionadores de sa nazionale italiana. Pro Davide Cossu si pruspettada unu futuru riccu de soddisfaziones. Ma sas notizias bonas pro sa sotziedade de su Marghine non finini innoghe, bidu chi s’isquadra, guidada dae s’istruttore Ymbre Cocco e dae su mastru felle Cocco, si est classificadau a su segundu postu in Italia in s’ispeciale classifica riservada a sas sotziedades. unu risultadu de rilievu mannu , chi cunfirmad un’attera orta una isterrida cun sa valididade de sa preparazione de sos atletas de sa sotziedade Shardana. S’obiettivu est bistadu resu possibile pro s’affermazione de Davide Cossu e de sas prestaziones fattas dae sos atteros atletas chi sun calados in campu a Ostia, comente Simone Pes, chi had leadu unu quintu postu, Diegu Pes, cun d’unu settimu postu, Fabrizio Arca e Fabio Onida. Soe orgogliosu de custos pitzinnos- narad su presidente de sa Shardana Silanus, Mario Pes- chi cun meda impegnu e sacrifitzios frequentana sa palestra nostra e sunu pigados a sa ribalta nazionale. S’istajone est meda longa e predo atteras medaglias e piazzamentos onorevole. Prima ancora sunn bistadas conquistadas atteras medahlias, cussa de arghentu, conquistada in sos campionados assolutos. Pustis pro sos pitzinnos nostros bravos sunu pro s’aberrere atteras jannas de sa Nazionale Italiana.
In su mese de lampadas de su 2018 dae Faenza est partida s’avventura de Davide Cossu, cando teniad mancu 15 annos, s’alfieri prus mannu in Sardigna de sa lotta. est bistadu cunvocadu cun sa Nazionale italiana pro sos campionados Europeos School Boys, chi sun bistados fattos in Ungheria. Davide had cumbattidu cun sa categoria 85 chilos stile liberu. Una convocazione chi est arrivada a pustis de un annu de successos, dae sa vittoria a sos campionados italianos esosrdientes in sa matessi categoria, a su quintu postu a sos campionados italianos cadettos, a sa prima gara cun sa nazionale in Bulgaria, inube had bene figuradu, pro che finire cun sa vittoria in sa Sardinia Beach Wrestling a Stintino. Fintzas in su judo Davide Cossu si est dimustradu semprere in sos biccos artos a livellu regionale, binchinde campionados regionales e qualificaziones a sos campionados italiaanos, a su Gran Prix cadottos, siad a livellu nazionale, cun d’unu bindighesimu postu a sos campionados italianos e unu quartu e unu terzu postu a sos zogos de sas isluas de su Mediterraneu chi sun bistados fattos in Catania, a inube davide Cossu est bistadu cunvocadu cun sa rappresentativa regionale. A pensare chi cherid ismittere- narad su mastru Felle Cocco- l’amos cumbintu de abbarrare e como est veramente una grande cosa pro Silanos, pro su Marghine e pro tottu sa Sardigna e sos sardos. certu, cussu chi est faghinde Davide Cossu non est passadu inoservadu in sa idda de Silanos, ca como non bi est solu Davide chi est una promissa manna, ma bi sunu fintzas atteros pitzinnos, chi han tentu risultados bonos e mannos, comente Diegu Pes e Mattia Mastinu, primu e segundu a su Gran Prix esordientes B de Arborea, Dario Congiu primu a sa Sardinia Beach Wrestilng, senza irmentigare Fabrizio Arca, Gianmarco Cossu, Michele Spissu e Tiziano Careddu chi sunu semprer cumpetitivos a livellu regionale.
In su mese de abrile, a pustis de un’annu frimos, a causa de sa pandemia, sunu torrados a partire sas garas de su campionadu italianu assolutu pro su 2021 de lotta olimpica chi est bistada fatta in Ostia, inube s’isquadra de Shardana Silanus had partecipadu cin sos giovanos alfieres: fabbrizio Arca e Davide Cossu. Sos duos atletas, mancari essere ancora junior, hana gareggiadu tra sos senior ponindesi in evidenzia manna. Propriu davide Cossu, chi fid s’atleta prus giovanu in gara, est arrivadu in finale in sa cateegoria 92 chilos, battinde tottus sos avversarios, fintzas u campione italianu junior chi ch’est bessidu. davide si est arresu solu de fronte a unu avvrsariu fortissimu, comente William Raffi, chi had conquistadu su quartu titulu assolutos e otto annos prus mannu de s’atleta silanesu, chi comunque had conquistadu una meeritada medaglia de arghentu, s’ootava meedaglia nazionale pro Davide ee como si candidada a bintrare in sa nazionale mazzore. Non faghed a biere antidu Davide Cossu, ma est semper prontu a cumbattere. Est una cosa chi m’est semper piaghida e appo fattos sacrifizios pro p<odere andare adainanti. Est cussu chi cherzo narrere a tottus sos pitzinnos chi sun creschinde, ca s’isport, in d’onzi manera si fettad faghed bene a su fisucu e faghede bene a s’ispiridu e sa’anima. Bona fortuna Davide!