di Ivan Marongiu

ITE EST CYBERBULLISMU E CALES SUNT SAS DIFERÈNTZIAS CUN SU BULLISMU

Unu est fìsicu, s’àteru est in su web ma su fine de s’agressore est semper sa violèntzia psicològica a dannu de una vìtima. Allegamus de sas diferèntzias tra  bullismu e Cyberbullismu.

Cales sunt sas diferèntzias tra bullismu e Cyberbullismu? Su Cyberbullismu no est àteru chi sa versione virtuale de su bullismu. Comente si leghet in su situ de su Miur, Ministeru de s’Istrutzione e Ministeru de s’Universidade e de sa Chirca, su bullismu est una forma de agressione caraterizada “dae atziones violentas e de meletzu esertzitadas dae unu bullu, o unu grupu de bullos, in sos cunfrontos de una vìtima”.

Su cumportamentu de agressione e prepotèntzia, chi benit esertzitada in manera continuativa mescamente dae pitzocos fedales de sa vìtima, cumprendet sas violèntzias fìsicas, ma fintzas ofesas verbales o psicològicas, comente insullos, faeddos malos o minetzas. Sa vìtima subit sas prepotèntzias sena tènnere sa fortza de reagire e, sola e abbandonada, su mustrat insicura e sena autostima, cun graves cunsighèntzias pro sa salude mentale e fìsica sua. Oe chi sos giòvanos bivent in unu mundu semper prus dominadu dae Internet e de sas retes sotziales, sos cumportamentos umiliantes e chi ofendent  esertzitados in su tempus contra una vìtima, si sunt iscostiados in sas prataformas online.

Custa forma noa de bullismu chi previdet s’impreu de sas tecnologias de sa comunicatzione noas est istadu reconnotu comente reatu. In su 2017 su Parlamentu at aprovadu sa lege n. 71/2017, chi definit su Cyberbullismu “ogni forma de pressione, agressione, ofesa, ricatu, ingiuria, infàmia, difamtazione, fura de identidade, alteratzione, manipolatzione, achirimentu illètzitu, tratamentu illètzitu de sos datos personales a dannu de minorennes, e fintzas sa difusione de contenutos in lìnia cun s’intentzione printzipale  de isulare unu minore o unu grupu de minores ponende in atu un’abusu, un’atacu dannosu, o de pigare in giru”.

Sas ofesas de su cyberbullou o de sos cyberbullos, dae sos cummentos a sas imàgines, finas a sos vìdeos, s’ispàinant a lestra e in mosu difusu  tràmite telefoneddos o sitos web, e sas cunsighèntzias a bortas podent indoire  sa vìtima a gestos estremos. Sa sensatzione de birgòngia e impotèntzia est gasi manna chi, mancari sa lege previdat sa possibilidade pro sos pitzocos dae sos 14 annos in susu de rechèrrere a sos gestores e a sos amministradores de sitos internet s’eliminatzione de contenutos chi ofendent intro 48 oras, medas de sas vìtimas si serrant in issas etotu  e in sos casos prus graves, provant a si suitzidare.

Su bullismu praticadu de continu a s’internu de unu cuntestu virtuale si podet manifestare in vàrias formas. Comente ispiegat su giassu italianu ispetzializadu subra s’argumentu, Cyberbullismo.com, b’at su “flaming”, chi interessat messàgios cun ofesas e befes contra sa vìtima in unu perìodu de tempus chi est su de su cumpartzimentu online. Cun su tèrmine “harassment” si cumprendent imbetzes messàgios chi ofendent o vituperiosos imbiados in manera repìtida in su tempus, cun posta eletrònica, sms o prataformas de retes sotziales. Cando sas ofesas si faghent prus inesistentes e meletzosas e sa vìtima cumintzat a tìmere, su fenòmenu pigat su nùmene de “cyber-persecutzione”.

Si imbetzes s’obietivu de su cyberbullu est ruinare sa reputatzione de calicunu, difundende lecutos (pìscinos) o materiale chi ofendet, si faeddat de “denigration”. S’esclusione intentzionale de unu fedale dae unu grupu online o dae una chat, pigat imbetzes su nùmene de “exclusion”. Si imbetzes un’istudiante violat s’account de calicunu pro li furare s’identidade e dare una imàgine mala tràmite messàgios, si faeddat de “impersonation”. Diferente est si su cyberbullu, aende otentu in manera illètzita o cun una trassa informatziones o materiales sensìbiles  de sa vìtima, los difundet in rete sena s’aprovatzione sua. Custu tipu de Cyberbullismu pigat su nùmene de “outing and trickery”. In fines, unu bullu cumpartzit on line unu vìdeu  acanta  iscudet unu fedale, su tèrmine curretu est “cyberbashing”.

Sa diferèntzia prus crara tra sas duas formas de violèntzia est s’ausèntzia de sa dimensione fìsica in su Cyberbullismu  e fortza de su cuntestu acanta sas agressiones benint atuadas de sighidu: su mundu de sa rete. In prus, si  in su bullismu vìtima e persecutore connoschent e àbitant  logos comunos, comente diat pòdere èssere s’iscola, in su Cyberbullismu a interagire podent èssere fintzas sugetos chi non si connoschent tra issos. S’ausèntzia de làcanas fìsicas in su web tenet fintzas un’àtera cunsighèntzia grave: mentras sas atziones de bullismu sunt limitadas a unu determinadu ambiente, su materiale impreadu pro atziones de Cyberbullismu podet èssere difùndidu in totu su mundu e in ogni momentu.

In su Cyberbullismu a mancare, in prus de sas làcanas ispatziales, bi sunt fintzas cussas temporales. Duncas sas comunicatziones ofensivas podent acontèssere in ogni momentu, sende chi sa rete est semper connessa. In su bullismu, imbetzes, sas atziones de meletzu sunt limitadas a sas ocasiones de cuntatu tra vìtima e agressore, pro esèmpiu, durante s’oràriu iscolàsticu. Un’àteru aspetu significativu de su Cyberbullismu est s’anonimadu. Sos cyberbullos si podent cuare suta profilos farsos e, fortes de sa seguridade dada dae una tastiera, resessent a impònnere su domìniu issoro subra sas vìtimas, perdende a bortas sa pertzetzione de sa cunsighèntzias  chi sas atziones issoro podent causare. Un’ùrtima  diferèntzia manna est sa difusione de s’atzione chi ofendet: in Internèt est fàtzile chi unu vìdeu si difundat in deretura e chi lompat a una cantidade manna de persones, cun efetos graes pro sa psiche de sa vìtima.

Segundu una chirca de Terre des Hommes e ScuolaZoo, Bullismu e Cyberbullismu sunt sas minetzas prus timidas dae prus de unu pitzocu ogna tres, fatu fatu a sas violèntzias sessuales e drogas. In custos annos  s’aumentu de episòdios acapiados a su bullismu e Cyberbullismu at cumbintu fintzas sas prataformas sotziales a s’impinnare pro parare fronte a custu problema. Pro esèmpiu, ocannu, in ocasione de sa die natzionale contra su Cyberbullismu, Tik Tok at lantzadu s’hashtag #NoBullismo paris cun unu cuncursu creativu. Sa prataforma famada pro sos vìdeos curtzos didatis at pedidu a sos impitadores suos de rielaborare sa moda in modu originale, ponende a disponimentu una playlist dedicada.

“Nono” a cale si siat tipu de violèntzia o persecutzione e unu “Eja” mannu a sa gana e a su deretu de èssere su chi semus, semper e in ogni momentu. Custu est su messàgiu chi TikTok at mandadu in rete pro sensibilizare sos giòvanos.

Totu sa community est istada cumbidada a espressare liberamente sa creatividade sua, cumpartzende s’esperièntzia personale sua, rispondende a su cuncursu e torrende a elaborare in modu originale una de sas modas prus populares in TikTok. In  3 annos ebbia TikTok at superadu sos duos milliardos download. In su 2020 sos italianos ant creadu casi 300 vìdeos a su minutu. Nde faghent parte fintzas personàgios comente Will Smith, E Sheeran, Jimmy Fallon e Michelle Hunziker. Ma custa bia su social media no est istadu impreadu pro publicitzare marcas de produtos cummetziales, ma  pro limitare e cumbàtere su fenòmenu de su Cyberbullismu. In prus sa prataforma at publicadu fintzas una Guida pro sos giòvanos creativos e at ativadu un’Hub dedicadu a sa Seguridade in rete.

Gràtzias a sa chirca de Terras des Hommes e ScuolaZoo, chi ant collidu sas opiniones de 8 mìgia piseddos e piseddas de sas iscolas segundàrias in totu Itàlia subra de violèntzia, discriminatziones e istereòtipos de gènere, bullismu, Cyberbullismu e sexting, nd’est essidu a campu chi belle sa metade de sos pitzocos at bìvidu in sa pedde sua atos de bullismu dae banda de cumpàngios de classe o fedales.  Su Cyberbullismu imbetzes corfit de prus sas pitzocas: su 12,4% de sas giòvanas ammitet de nd’èssere istada vìtima, contra su 10,4% de sos pitzocos.