di Ivan Marongiu
Retes sotziales 2021: totu sas novidades de non pèrdere
Iscoberimus cales sunt sas prus importantes novidades in su mundu de sas Retes sotziales in su 2021, unu mundu semper evolutzione e prenu de potentzialidades pro chie cheret investire.
Pensare a unu mundu sena sas Retes sotziales, in su 2021, est belle impossìbile: sas Retes sotziales difatis ant cambiadu in modu fungudu sa cuotidianidade nostra incarnende unu mundu in cambiamentu continu. Pensamus a su casu TikTok, su fenòmenu de sa rete sotziale chi at tentu meda fortuna in custos annos e chi ofrit potentzialidades noas a sos creadores de contenutos semper originales. Ma cales sunt sas novidades printzipales chi interessant sas Retes sotziales in su 2021? Connòschere sa risposta a custa dimanda est basilare pro chie traballat in àmbitu de su Digital Marketing: chie cheret impreare sas Retes sotziales pro fàghere business o pro otènnere benefìtzios pro s’atividade sua, difatis, devet connòschere cales sunt sas prataformas acanta investire in su 2021 pro otènnere visibilidade meda.
Ma proite si diat dèpere investire in sas Retes sotziales? Pro ite sunt devènnidos su primu logu virtuale in ue si chircant informatziones subra produtos e passatempos, meda prus de comente si faghet cun sos motores de chirca. A sas impresas chi si cherent fàghere connòschere in sas Retes sotziales, duncas, cumbenit seberare a su mancu sas rete sotzaile tra cussas printzipales e creare unu profilu aziendale acanta cumpartzire informatziones chi interessant s’atividade issoro.
A s’informare subra sas Retes sotziales, pro cumpèndere sa potentzialidade issoro o nono, podet agiuare a evitare isprecu de risursas e de tempus cun mezos de comunicatzione betzos o sena potentzialidade, in modu de cuntzentrare sas energias pròpias in su fàbricu de unu personal brand subra sas prataformas prus de moda e prus sighidas. Iscoberimus duncas cales sunt sas Retes sotziales acanta cumbenit a investire in su 2021.
Mancari bi siat chie dae annos insistat a nde decrarare su declinu, su re de sas Retes sotziales abarrat semper Facebook, chi cun prus de 2,32 milliardos de impitadores ativos ogni mese abarrat a prenu tìtulu sa rete sotziale prus impreada e gràtzias a su cale est possìbile arribbare a unu nùmeru mannu de potentziales clientes e comporadores, gràtzias a unu pùblicu eterogèneu e bene rapresentadu pro ogni fascia de edade. Facebook est fintzas una de sas Retes sotziales prus cuotada, sende chi si podet impreare siat pro fines professionales siat pro un’impreu personale.
Ma Facebook no est s’ùnica rete sotziale de chi esistit dae meda chi mèritat particulare atentzione ocannu, b’at difatis fintzas Youtube chi, mancari non siat una novidade in su mundu de sos mèdios de comunicatzione online, in su 2020 est devènnidu sa rete sotziale prus impreada dae sos italianos. Custu dipendet dae su fatu chi sas retes sotziales, in sos ùrtimos annos, sunt subende unu cambiamentu radicale, privilegende sos videos respetu a sas foto e a sos contenutos testuales.
Pro custa motivatzione Instagram at fatu reghentes cambiamentos, introduende novidades in su mecanismu de sos vìdeos in biu. Essende una rete sotziale basada prus che totu in sas immàgines, fortzis a su cumentzu Instagram no est pràghiada a totus comente Facebook, ma in su 2021 puntare in Instagram comente aprataforma sotziale èssere una mòvida intelligente pro chie si cheret fàghere connòschere o cheret fàghere publitzidade a sos produtos suos, pròpiu pro sa possibilidade de impreare sas novidades introduidas cun sos vìdeos.
Un’àtera rete sotziale de non sutavalutare in su 2021 est Clubhouse. De Clubhouse, isteddu intre sas Retes sotziales de moda, aberta in su mese de abrile de s’annu coladu (ma lòmpidu a Itàlia solu in ghennàrgiu), in sos ùrtimos meses si nd’intendet faeddare oramai meda, mescamente tra cussos chi tenent a disponimentu un’aparatu iOs (sende chi s’app no est galu disponìbile pro Android). Clubhouse si basat subra sa creatzione de aposentos virtuales, a s’internu de sos cales sas persones si podent riunire e discùtere subra de unu determinadu argumentu.
Mancari non siant galu istados ativados trastos pro s’impreu professionale, Clubhouse ofrit numerosas potentzialidades de isfrutare in su campu de su marketing: difatis est possìbile a l’impreare pro fàghere personal branding e/o creare format acapiados a s’atividade de un’azienda. Custa diat pòdere èssere un’arma a dòpiu tàlliu ca, pro chie no l’ischit, Clubhouse previdet chi sos contenutos de sos aposentos non potzant èssere modificados. Duncas, prima de pigare faeddu in un’aposentu, cumbenit ischire pròpiu ite si cheret comunicare a chie est ascurtende: non s’at a tènnere possibilidade de modificare s’interventu pròpiu a pustis de èssere inviadu, sende chi sas cunversatziones s’acumprint in tempus reale.
Àtera prataforma rete sotziale importante pro su business est sena duda LinkedIn, impreadu pro creare cunnessiones eficatzes tra professionistas de vàrios setores. Chie est ispetzialista de unu setore o est un’imprendidore interessadu a chircare risursas noas pro sa faina sua, LinkedIn oferit sa possibilidade cuncreta de intrare in cuntatu diretu cun persones e aziendas de interessu. Ma no est finida inoghe: difatis si podet impreare LinkedIn comente trastu pro promòvere sas aziendas. Sa rete sotziale de propiedade de Microsoft podet èssere una leva de marketing eficatze meda, chi agiudat a arribbare a importantes obietivos creschende sa brand image de sas impresas. Difatis si podet:
Comunicare sos resurtados de su traballu, siat suta forma de portfolio siat ammustrende datos e tzifras de interessu; intrare in cuntatu cun àteras dita in manera potentziale interessadas a aviare una collaboratzione retzìproca; Contare initziativas e istòrias ligadas diretamente a s’impresa, pro more de orientare sa pertzetzione de su pùblicu in sos cunfrontos de sa dita etotu. No ismentighimus in prus chi LinkedIn, respetu a medas àteras realidades est prus addata a unu pùblicu prus definidu e ispetzìficu: cuddu de sos professionistas de setores diversos.
Un’àtera rete sotziale de non sutavalutare est Reddit. Custa prataforma at acumpridu dae pagu bìndighi annos. Difatis sa chi oe est una de sas prataformas de rete sotziale news prus influentes a su mundu est nàschida in su 2005, cun una mèdia de cuntatos ativos chi lompet a 500 milliones a su mese. Su funtzionamentu est simpre meda ma, mescamente a pustis de una sèrie de mannas e minores rivolutziones, si benit impreadu a dovere, podet prodùere resurtados interessantes meda.
Sos impitadores podent publicare contenutos de ogni casta, cataloghende·los pro argumentos manu a manu semper prus ispetzìficos, e otenende sas valutatziones de sos àteros impitadores de su giassu: custos ùrtimos ant a dare su parre issoro in manera simple cun unu pòddighe artiadu o abbassadu, rispondende e alimentende sa discussione. Custa prataforma podet pàrrere unu blog, ma cales sunt sas diferèntzias cun su blog? In su panorama mannu de sos forum de oe, Reddit rapresentat una solutzione de retes sotziale e business de isfrutare pro lòmpere a unu pùblicu bene definidu. S’oferta manna de sos argumentos tratados cunsentit a sas impresas chi lu impreant de lòmpere a sos target de riferimentu issoro. Sena ismentigare chi comente medas àteras prataformas de su gènere, podet èssere integradu in manera eficatze in un’istrategia SEO, est a nàrrere cussa chi permìtet a una dita de èssere agatada cun prus fatzilidade dae sos motores de chirca.
