di Francesco Oggianu
Sotziedade isportiva Pizzinnos pro sos pizzinnos
Bindighi annos faghed est naschida in Macumere s’associazione e iscola de calcio chi est bistada muttida Pizzinnos. Ca a sos pizzinnos est dedicada e dae sos pizzinnos nasched cussa gana de faghere cosas bonas. Un’idea ona est peroe naschida e cussa associazione, su mese de frearzu de cust’annu had cumpridu 15 annos. Sas piazzettas e sas carrelas prus largas fidi su regnu de tottus noi chi, dae minoreddos zogaimis e ancora jogana in s’impedradu e inube bi est su ctaramu. Su pallone a bortas beniad isgonfiadu cun dun’agu pro non lu faghere rimbalzare troppu. Duas pedras mannas benian posta comente palos e la jannas e braccones de sas domos intro idda devian faghere sas lineas latterales. Sas magliettas putis fin de onzi colore e solu calincunu pizzinnu fortunadu resessiad a tennere cussa de sos campiones insoro. Cussos chi sos matessi pizzinnos preferiana. S’arbitru non bi fid mai, ma s’ischiada cando su jogu deviad essere frimadu pro sas puniziones e gai e tottui angulos e rigores, sa regulas beniana cambiadas in sa matessi partida. Partidas chi finiana cando tottu sos pizzinnos fini istraccos, cando haiana segadu unu idru o cando arriviad sa guardia urbana, cando su punteggiu fid 78 e 65.
Tottus cussos pizzinnos chi prima jogaiana in sas carrelas teniana un solu obiettivu: su divertimentu e sos campiones beros che fini meda attesu. Si idiana solu in sa figurinas ee cussu liberu cun sas friguaras de sos zogadores de pallone fid pro medas su segundu liberu sussidiariu. E gois sun creschidos medas de cussos pizzinnos chi pustis, bindighi annos faghed, sun diventados sos sotzios fundadores de s’associazione Pizzinnos, una realtade importante pro Macumere e pro su territoriu intreu. Como est diventada un’iscola de su jogu de su pallone, cun sos pizzinneddos e cun sos pizzinnos appena prus mannos. Ma solu pizzinnos. Tottus nos amentana cantu divertimentu bi fidi, chenza fanatismo tatticos, chenza abaidare a sa carriera, chenza s’intendere subra sas aspettativas ossessivas de sos babbos e mammas. E sighinde custas riflessiones in Macumere est naschida s’iscola de sujogu de su pallone chi est bistada muttida Pizzinnos, chi est naschida in Macumere su 17 de frearzu de su 2006.
Est naschida da s’idea de unu gruppu de amigos chi tanto hana ritennidu de depere dedicare unu pagu de su tempus insoro a sa creschida isportiva, e non solu, de sos pizzinnos de Macumere e de su territoriu. Pizzinnos, pruite a su centru de su progettu, bi sunu propriu sos pizzinnos. Pizzinnos pruite in d’onzi idda de sa sardigna bi nad unu e medas. pizzinnos. Pizzinnos pruite cun su calu de sas naschidas sas iscolas de su jogu de su pallone si pensad chi diventad territoriale. unu progettu chi non est semplice, chi prevedidi sa creschida in termines isportivos, in termines educativos e sotziale de sos matessi pizzinnos. Una creschida a inube bi devene cuncurrere tottus sas agenzias educativas, cun sas matessis s’associazione Pizzinnos chircad de bi faeddare, pro chircare de creschere paris, in d’onzi momentu, promovinde s’ispiritu sotziale de s’oratoriu, inube medas bi han passadu sa pizzinnia. Pizzinnos, ca est sa prima esperienzia de sotziedade de calcio de su settore giovanile, cun sede legale in Macumere, chi in bindighi annos est passada dae 70 iscrittos de su primue tennere fintzas dughentos e prusu. Una attividade che rientrad in sas faschese de edade dae sos 6 a sos 16 annos, cun varias cateegorias: amigos piccocos, primas puntas de pese, pulcinos, esordientes, giovanissimos e allievos.
A Pustis de sos 16 annos custos pizzinnos andana liberamente a sighire su percursu isportivu in sas prima isquadras cittadinas e de su territoriu, chenza podeder pagare cumpensos. A narrere sa veridade, sa sotziedade Pizzinnos non had mai dimandadu nudda a nissunu. Had criadu sos campiones minores e pustis, cando cumprini sos 16 annos podene andare a inube cherene, chenza dimandare inari a nissunu. In parizzas de cussas categorias, Pizzinnos in sos urtimos annos had ottennidu fintzas successos isportivos, ma de prusu e non est pagu, su cunsensu sotziale de sa cittadina de Macumere e sa simpatia e apprezzamentu de su mundu isportivu provintzale e regionale. A sa creschida tecnica, atltetica e isportiva contribuini prus de vinti allenadores tra femminas e omines, chi faghene cust’opera chenza dimandare nudda. A cutsos sa sotziedade had peroe offertu in sos annos unu percursu de formazione didattca e metodologica, fatta dae tecnico de su settore calcisticu a livellu regionale e fintzas nazionale. Custa attividade bied fintzas protagonistas un’attera vintina de dirigentes, omines e femminas.
Cun Pizzinnos si poded divertire fintzas a foras de su campu isportivu. Pro podere comunicare sos principios e trasmittere sos valores educativos sotziales, non bad che cussu de dare bida a iniziativas de onzi manera, comente cussu de faghere un album de figurinas cun sa cullaborazione de tottus sas realtade isportivas giovaniles de Macumere e unu propriu de sa sotziedade Pizzinnos. est fintzas bistadu fattu unu cortometraggiu chi est bistadu giradu dae sos pizzinnos e tecnicos intituladu su manuale de su calcio e un’atteru chi est bistadu titoladu inube battid su coro de su calcio, cun sos pizzinnos e tecnicos sempre prusu protagonistas in su ruolu de attores consumados. Est bistadu fattu unu geemellaggiu cun sos giovanissimos de s’Aquila, s’annu a pustis de su terremotu e un’atteru gemeellaggiu est bistadu fattu cun sa sotziedade Turris de Piacenza, ospitande in macumere pro medas dies, faghinde vivere a sos pizzinnos una isperienzia chi non si poded irmentigare.
Tottu custas iniziativas han tentu finalidades beneficas, ma hana miradu meeda e mirana ancora a divertire e fagere divertire, divertindesi tottus. Dae carchi annu sa sotziedade est bistada individuada dae su casteddu Calcio pro faghere parte de sas sotziedades affiliadas a su ccircuitu Acdemy. in sos urtimos annos Pizzinnos sun bistados presentes e han cullaboradu cun sa realtade de cooperazione sotziale, partecipande a bandos pro s’inclusione sotziale pro sos pizzinnos. S’urtimu progettu presentadu tened su titulu Su campu ea Iscaccos, chi che ponded in mesu sa cooperativa Logos Comunes e Fradi, sas iscolas de Macumere, cun su supportu de su Comune e de s’unione de sos Comunes de su Marghine. Pro sos bindighi annos sa sotziedade mandad sos ringraziamentos a tottus sos stzios fundadores, a sos tecnicos chi como pro varios motivos non bi sun prusu, grassias a tottus sas personas e sas aziendas chi hana azzuadu a ristrutturare sa sede sotziale, grassias a sos isponsor, grassias a sas istituziones locales e regionales, chi han cunsentidu de essere sutennidos in d’onzi iniziativa. Grassias a sos genitores chi azzuana in sas attividades isportivas e atteru e sas grassias a tottus chi tenene ancora sa passione, sa gana e sa dedizione pro faghere si chi custa meravizzosa realtade pothad sighire pro medas annos.
Dae pagu est bistadu eeleggidu su presidente nou de custa associazione. Est Bustianu Campus, unu appassionadu de custa attividade e chi est bistadu semper in prima fila pro azzuare sos pizzinnos a creschere. L’had detzisu s’assemblea de sos sotzios chi had deliberadu su cunsizzu direttivu nou chi deved guidare su sodaliziu in cust’annu isportivu chi est appena cominzande. Campus benid azzuadu dae sos vice presidentes Pier felice Prasciolu e dae Rosanna Carrus. est bistadu ricunfirmadu Andria dettori in sa carriga de segretariu. Su direttivu est cumpostu dae Tonino Porcu, Massimiliano Casula, Davide Enna, Austinu Dessena, Walter Scarpellini, Angelo Flchi, Giorgio Muggianu e Frantziscu Lusignani. Pizzinnos est una de sas pagas iscolas de calciu chi sunu riconnottas dae sa federazione calciu in sa provintzia de Nugoro. Pizzinnos duncas, est prusu de una sotziedade de su jogu de su pallone. In bndighi annos had fattu meda pro chentinaias de pizzinnos, dae sos 6 a sos seighi annos. Tottus, fintzas cussos chi talentos non sunu, han tentu e tenen semper sa possibilidade de poder jogare paris cun sos atteros pizzinnos, pro si divertire e calincunu de custos poded fintzas diventare unu campione. E gai Mario, Nigola, istevene, Micheli e Gianfranco, tottu pizzinnos de 7 annos, odene jogare paris cun sos pizzinnos prus mannos, comente Antoni, Juri, Luca, Sandro, chi de annos nde tenene seighi e puntana a diventare campiones in sos campionados regionales. Augurios mannos a tottus.