Imprentas 208 – Pitzinnos a Bolu

RMC - Radio Macomer Centrale
RMC - Radio Macomer Centrale
Imprentas 208 - Pitzinnos a Bolu
/

Imprentas 208 di Francesco Oggianu

Pitzinnos a Bolu, unu progettu chi cered valorizzare e tutelare sa poesia e sa limba sarda, chi benid finanziadu dae sa presidenzia de su cunsizzu de sos ministros

Su Comune de Silanos inbestid pro sos zovanos e subra de sos zovanos. Propriu in Silanos nasched unu progettu che est zustu pro sos pitzinnos e zovanos de custa generazione, pro chircare de imparare bene e valorizzare sa limba sarda. Est su progettu Pitzinnos a Bolu, pro chircare de poderare bias sas artes de Sardigna e sa Limba nostra. Est unu progettu in risposta a s’emergenzia sanitaria, chi est bistada generada dae sa pandemia, e duncas a cussa chi pustis had generadu sa crisi sotziale ed economica, non solu in Sardigna, ma in tottu su mundu. Pro cantu nos riguardad, noi abbrarramos in Sardigna, ca custa pandemia dannos nde had fattu a sa zente, ca medas sunu mortos, nde had criadu a sas impresas, a tottus sos artigianos, chi sunu abbarrados chenza traballu. E chenza traballu sunu abbarrados sos giovanos. Sas generaziones noas, chi como, peus de primu, su teninde dificultade a agatare traballu, ca non bastada a emigrare a foras, ca in tottue bi est custa crisi. Pro cussu toocad de s’imbetare cosas noas e nois, in Sardigna, sìopportunidade bi la tenimus, cun sa cultura, sa limba, cun cosas bonas chi si faghene e unu territoriu cun su mare chi est unu de sos menzus de su mundu.

Torrande a su discursu de su progettu Pitzinnos a Bolu, tottu nasche dae s’iniziativa de s’Anci, sa associazione de sos comunes italianos, chi had selezionadu proposta progettuales, presentadas dae sos comunes, chi cun cussos progettos si chircad de puntare subra de sas potenzialidades de sas realtades giovaniles pro facilitare su rilanciu de sos territorios e definire modellos efficaces in termines de sostenibilidade in su tempus de sas aziones. Pro cussu est bistadu fattu unu bandu nazionale, chi si narad Fermenti in Comune, chi est bistadu pubblicadu a pustis de unu accordu tra sa presidenzia de su cunsizzu de sos ministros, dipartimenu pro sas politicas giovaniles e s’Anci, chi cehered istimulare su protagonismu giovanile in sas dinamicas de su rilanciu de sos territorios e chircare de ne essire bene dae s’emergenzia sanitaria e dae tottu cussu dannu chi had fattu. Pro cussu

su comune di Silanos inbestid in sos giovanos e in su futuru de sa idda e de su territoriu, ma chenza irmentigare sas raighinas proprias e cussa chi est su semene, anzi, rinforzandola ancora de prusu. Pro chircare de sighire custu obiettivu est naschidu su progettu “Pitzinnos a bolu. Sislanciu verso su futuru attraessande e bogandede a pizzu sos tesoros antigos”, pro promovere e tutelare sas artes, ma de prusu de onzi cosa sa limba nostra.

Comente ispiegad su sindigu de Silanos Gina Pietro Arca, si dae una parte su faeddu e s’iscrittu chered essere intesu comente unu islanciu de sos giovanos pro andare adainanti abbaidande a su futuru positivu, dae s’attera, bi est s’espressione a bolu, chi ammentad in manera crara su mundu de sa poesia estemporanea sarda, chi enid mutida pro cussu poesia a bolu, inube sos telantos sun connotos in tottu su mundu. Est un’iniziativa chi si inserid coerentemente in s’azione amministrativa de custos urtimos annos, dae cando su sindigu e tottu su cunsizzu comunale est bistadu eleggidu, chimbe annos faghed, chi had semper chircadu de promovere su patrimoniu istoricu e culturale de sa idda e de su territoriu. Pro cussu fattu, su noe de austu de s’annu passadu, est bistada inaugurada Sa Domo de sa Poesia Cantada, chi unu polu culturale nou, dedicadu a sa poesia improvvisada in limba sarda, chi est bistadu fattu grassias a su traballu chi est bistadu fattu pro prusu de mesu seculu in cun sas chircas istoricas de Paulu Pillonca, s’omune de cultura sarda, intendidore de poesia a bolu, chi si ch’est mortu carchi annu faghed.

Paulu Pillonca fid connottu in tottue e non bi haiad parcu in sas biddas de Sardigna a inube custìomine non bi siad pigadu, pro iscurtare e registrare sas otatadas de fogu, prenas de cultura e de istoria,l chi sos poetasin prus de chiambanta annos han cantadu. Pillonca pro prus de chimabtannos had indagadu subra de sos misterios de sa poesia estemporanea in tottu sa Sardigna, andande a iscavare fintzas a unu seculu indaesegus. Pro cussu, siad sa Domo de sa Poesia Cantada, siad Pitzinnos a Bolu est tottu unu progettu ligadu a cussu rampu de sa cultura sarda immensa, chi est meda importante pro sa idda de su Marghine e pro sa Sardigna intrea. Propriu sa idda de Silanos est su brassolu indiscussu de su cantu in rima improvvisadu, non solu ca bi had tentu duos poetas mannos, comente Mariieddu Masala e Frantziscu Mura, chi sas biddas de ardigna las hana ziradas a una a una. Tottus han sighidu su passu de sos poetas mannos, comente Remundu Piras de Biddanoa, Barore Sassu de Romana, Gavinu Contene de Siligu, Pitanu Morette de Tresnuraghes, Bobore Tuccone, Buddusoinu, Peppe Sotzu de Bonorba e tantos atteros chi han fattu si’istoria de sa poesia a Bolu, chi s’unica in tottu su mundu, chi meedas istudios non sardos sun chircande de istudiare e cumprendere ite poded chered narrere in termines culturales ee istoricos. Est una cosa chi est naschida in Sardigna, paris cun su cantu a tenores, chi faghene de sa poesia a Bolu una cosa unica in tottu su mundu, chi si cchered trasmittere a sos giovanos, in modu chi nudda anded ispedidu e irmentigadu.

Sos temas centrales individuados in su progettu de Pitzinnos a Bolu sunu, in s’ispecificu, sa salvaguardia de sa limba sarda, chi si non benid tutelada poded rischiare de che andare perdida in pagos annos. Cuistu si faghed paris cun sa valorizzazione de sa poesia estemporanes, duncas sa poesia a bolu. S’idea de fundu est, infattisim cussa de che podere tramandare a sas generaziones noas sa richesa manna culturale de Silanos e non solu, a chircare de dare a sos giovanos sos istrumentos pro la podere preservare, de la podere valorizzare e pro la podere promovere, pro nde faghere unu elementu trainante de s’economia de cusu territoriu, non solu de sa idda de Silanos. Pro cussu sa giunta comunale had approvadu una delibera chi had dadu su via libera a su progettu, chi est bistadu redadu e de faghere paris cun sa sotziedade Domus de Janas de Fabiu Pillonca, su fizzu de Paulu, chi, paris cun su frade had regosrtu s’eredidade de su babbu. Domus de Janas est una sotziedade chi operad in su campu de s’editoria e ispecializzada in sos temas chi riguardana sa cultura sarda. Est unu progettu inube ch’est bistada posta in mesu fintzas s’associassione ProPositivo, chi est naschida in Macumere e chi dae medas annos est promovinde fintzas su festival de sa resilienzia. ProPositivo est una associazione de promozione sotziale che est formada dae talentos giovanos de su territoriu e chi est isparghinde s’iniziativa in tottu sa Sardigna.

Si su progettu Pitzinnos a Bolu benid approvadu, had a tennere unu finanziamentu chi est previstu in su bandu. Poded offrire opportunidades significativas formativas e lavorativas a sos giovanos de su territoriu, ma puru pro generare in d’unu periodu longu, ispuntos nosos de creschida economica e occupazionale pro Silanus e pro tottu su territoriu.

Pro como est bistadu superadau su primu iscogliu de su prugettu, chi had superadu sa prima fase de selezione e pro cussu est bistadu ammittidu a su segundu tempus de valutazione da parte de sa commissione minsieriale e de s’Anci. Si su progettu a sa fine had a ottennere su finanziamentu previstu dae su bandu, had a poded dare opportunidades mannas pro sos giovanos non solu de Silanos, ma de tottu su territoriu. Opportunidaes de traballu, ca fintzas pro sa Dpmo de sa Poesia Cantada e su Museo, bi chered chie lu pothad dirigere e faghere arrivare a sa idda sos appassionados de sa poesia sarda. Duncas, como sa Musa, comente li piaghida a la mutire a Paulu Pillonca, tened unu domos bera: est sa domo de sa poesia cantada, chi est fintzas unu museu e sa poesia a bolu, chi tened dimora in SIlanos, in sa domo antiga Ajelli, chi est de su 1400. Su progettu Pitzinnos a Bolu, comente narad Fabiu Pillonca, non est solu sa valorizzazione e tutela de sa poesia cantada, non est solu su museo chi est bistadu abertu in Silanos su noe de austu de s’annu passadu, ma est de prusu una opportunidade manna fintzas pro sos pitzinnos de sas iscolas de Sardigna, chi podene bennere a SIlanus e essere accumpanzados dae giovanos ispecializzados in cussu percursu chi est sa domo de sa poesia, inube si podene isuprire sos segretos chi prusu de unu seculu faghed ad ispintiu medas poetas imporvvisadores a cantare sas rimas in sardu. Sa rimas a bolu.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *