Imprentas 174  di Francesco Oggianu

Binzas, binzateris e binos antigos

Binzas e binzateris e binos antigos. Non solu cantinas sotziales e non solu Cannoau e cantu atteru, chi han fattu de sa Sardigna unu de sos menzus logos de Italia pro da produssione de sos binos bonos. Devimus narrere chi sa Sardigna tened medas prendas de aghinas prelibadas, pro faghere bonos bonos. Est unu tesoro chi est cuadu: prus de dughentos vitignos de razza sarda e in parte irmentigados. S’associassione de sos enologos de Sardigna si c’had postu in conca de torrare a bogare a pizzu cussas bides antigas. Est un’operazione missada a sa cultura e a s’imprenditoria, chi teenede sa capacidade de faghere lughe subra sos territorios a medas non connottos, comente dsa Costera e medas zonas accurzu a Casteddu, chi sunu attesu dae sos logos inube bi accudini sos turistas. In custos logos bi est puru su Marghine, cun Bororo, chi ha postu in mesu sa cultura millenaria e sos ammodernamentos pro podere faghere unu inu chi est in carchi manere speciale. Pro sos espertos, custras produssiones tenene una biodiversidade chi non tenede cosas identicas in tottu su mundu.

Si deve pensare chi sa Francia had fraigadu sa fama e sa fortuna in campu enologicu cun solu chimbe topos de ide: Cabernet, Sauvignon, Cabernet Franc, Merlot, Chardonnnay e Pinot Noir. Sa Sardignaest sa segunda patria mondiale de su inu, a pustis de sa zona de su Caucaso e de sa Georgia, inube si pensad chi sa ide areste eppand cominzadu su camminu longufintzas a sa trasformazione in vitis vinifera. Mariano Murru, presidente de s’associazione de sos enologos sardos, est bistadu s”orrganizzadore de una videocunferenzia, cun sos collegas pro faeddare de sos battoro tipos de ide chi, grassias a sas cumpeetenzias suas e a sa passione de enologos e produttores, c’han torradu a piscare cussa bides de annos medas ismentigadas: S’Arvisionadu, Barbera sarda, Nascu e Malvasia de Casteddu, . Binos de sa tradissionechi pro unu motivu o s’atteru fini rischiande de isparire in su tottu e pro semper. .

SU nascu fid su inu tipicu inu durche pro dessert. S’azienda de Argiolas l’had riporpostu in manera sicca e non durche, de pastu. Un’iscummissa chi pared binchida, ca in su 2009 sa Sardigna produiad 55 etttolitros a s’annu, in su 2017 sos ettolitros sun diventados milli e sighid ancora a creschere, cun medas produttores minores chi hana ripresu sa coltivazione de custu tipu de ide. Fintzas sa Malvasia de Casteddu fid unu inu de sa tradissione. Unu piseddu de Settimu Santu Pedru, Dario Deiana, ammentad cussu chi l’had semprere contadu su babbu Ferrucciu. Fid su inu chi si cumbidaiada a sos ospites cando eniana in bisita. S’importanzia de custu prodottu est ispiegadu fintzas in sa tradissione de sa familla. SU zaiu de Dario Deiana haiada regaladu a su babbu un’ampulla de Malvasia cando si fid cojadu. E cussa ampulla est passada a su nebode cando si est cojadu. Dae cue est naschida una riflessione cun sa detzisione de torrare a rilanciare custi tipu de ide, chi est bistada salvada dae s’isparizione a inube fid cundennada.

Non fid destinada a tennere sa matessi sorte sa Barbera sarda, chi non est su matessu cun sa Barbera chi si produid in Piemonte. Su nomene peroe abbarrada unumisteriu fintzas pro cusso chi binos nde produiini, comente su piseddu de Settimu. S’enologo de sa chentina de Dolianova, chi in su 2000 had avviadu s’operazione de recuperu, narad chi in sa realtade dae su puntu e vista geneticu sa barrbera sarda est pretzisa a su Bovale mannu e a su Cagnulari chi, peroe, essende coltivadu in sa Sardigna de su nord sos risultados sun medas diversos. medas annos faghed, in su Parteolla, cussu fid unu inu chircadu meda, pruite fid meda coloradu e fintzas meda alccolicu. A pustis ch’est bistadu ammuntadu e suffocadu de sos binos doc, comente dsa Monica e Cannonau. unu peccadu. Pro cusso est bistadu ripropostu in d’una attera manera, imbezzadu meda. Su nomene de sa ide pagu connotta est fortzis cussu de s’arvisionadu, chi enid cultivadu in sa costera, in sa parte prusu arta de sa provintzia de Tatari. Pro sos produttores si narad chi su puntu geograficu èprus attesu dae su mare de sa Sardigna, comente ispegana sos enologos de sa chentina de Benetutti. Chered narrere ierros frittos e istios cardos e afosos, pro nudda consoladu dae su entu de su mare. Eppuru s’arvisionadu, chi est bistadu irmentigadu dae medas est torradu in bida, mancari essere cunsideradu mortu e interradu dae meda.

Dae cue bi cheren faghere unu ispumante classicu. Ispumante de Arvisionadu. A lu narrere est s’enologo de sa chentina de Benetutti. Comente narad Roberto dessanti, chi est presidente regionale de s’associassione de sos somelier, s’operazione de torrare a issuprire pared importante, ma pro cussu si deve faghere unu pattu: daesegus s’aspettu culturale bi deved essere cussu imp5renditoriale, Si sono est comente a faghere unu progettu cun ancas moddes e chi si segana luego, chi poded durare solu pagos annos. Fintzas in Pranarza, sa malvasia de Bosa in custos urtimos annos est bistada trasformada. Est bistadu fattu comente narad calincunu, pro mezzoare sa calidade, ma atteros l’han fattu pro chircare de nde ogare de prusu pro balanzare in sos mercados de tottu su mundu, ma a cominzare dae cussu sardu, de sas costad preferidas dae sos turistas dinarosos. A Modolo, in Magumadas bi sunu peroe addurados cusso produttores chi han semper mantesu sa tradissione ia e non la cheren mudare. E custos non sunu binzatteris bezzos, ma sun sos giovanos chi cherene mantennere sa tradissione ia.

Non solu malvasia, ma dae carchi tempus capitad de agatare binos bonos comente su Cannonau in Caddura e su vermentinu in su centru e in bassu de sa Sardigna. Sunu crechinde sas aziendas e custu est una sinnale chi incorazzada non pagu e d’est prenu de significadu. Intantu sighid su percursu de mezzoramentu de sa calidade chi est bistadu leadu dae sas aziendas sardas in sa produzione de si unu, in manera particulare de su Cannonau. Meda attesu in su tempus est su modellu de binos alcolicos, maduros, suzzosos e eelegantes, cun caratteristicas principales de unu istile nou, a su puntu de che superare sas Grenache de sos frantzesos. Sunu baranta sos binos chi hana superadu sos 90 centesimos e 7 de custos han tentu fintzas cussu chi in sos cunccursos li narana sa Standing Ovation de sa terra nostra.

In tottue si chircad de valorizzare sos binos chi si prudiinu non in cantidadfe arta, ma cun su gustu de podere faghere una inza e assazzare sos binos de sa tradissione, chi non sun mai istados ismentiogados dae sos binzatteris giovanos. Est suzzessu in Macumere, inube su Comune, s’annu passadu had organizzadu su cuncursu Binzatteris, cun sas binzas in vetrina. Est unu cuncursu pro valorizzare e promoveere su chi si fafghed pro faghere binzas noa e in manera amatoriale, chenza chircare su alanzu, ma cun su gustu de mandare adainanti una tradissione, chi fintzas in Macumere bi est semper bistada. Su cuncursu, chi est cominzadu s’annu passadu, est abertu a tottu sos cittadinos de su comune de Macumere proprietarios e ogestores de sas binzas chi si faghene in su territoriu comunale e de cussso chi sunu accurzu, chi appartenini a su Marghine, comente Biroro, Bolotene, Bororo e Bortigale, cun sos residentes in atteros comunes, proprietarios de sas binzas de Macumere. S’annu passadu su cuncursu, organizzadu dae su Comune, fid sberadu in duos rampos: unu premiu de sas binzas in vetrina, comente inza eccellente, chi est bistadu assegnadu segundu criterios tecnico de tipo agronomicu, sanitariu, esteeticu, de calidade e de cantidade. S’atteru premiu est pro s’abbunanzia, cun s’iscaluzza de oro, chi benid assignadu a s’iscaluzza prus pesante e beella de su cuncursu. Est una cosa chi si chered faghere fintzas a sos annos chi enid.

Prima de che serrare cust’argumentu, devismo narrere chi carchi annu faghed in Bororo est bistada fatta una interessante iscoberta. In d’una chirca archeologica est bistadu cunfirmadu chi su cannonau beniad cultivadu fintzas 3200 annos faghed. Accurzu s sos duon nuraghes fid bistadu iscobertu chentinaias de semene de aghina. Accurzu sunu fintzas bistados agatados sos vasos e urnas. S’universidade mialnesa de sa Biccoca had analizzadu tottu e narad chi cussu semene (vinacciolos) fin de 3200 annos faghed.