Imprentas di Francesco Oggianu
Sos giovanos sardos cheren faghere meda pro su futuru
Sos giovanos protagonistas de sa rinnaschida. Sunu propriu sos giovanos barbaricinos a chircare de isfidare sa crisi e sas restriziones chi sunu bistadas impostas dae sa pandemia, chi c’had bettadu a terra mesa Sardigna. A Desule, a Teti e a Sarule bi sunu bistadas tre distinta iniziativas, che ponede una bella pedra subra de cussu chi est suzzessu in custosm urtimos duos annos, cun attividades chi sun bistadas serradas in su tottu e chi c’had leadu su corazzu a sa zente chi had resistidu pro medas annos. Tottus che sunu ruttos pro curpa de sas restriziones chi bi sun bistadas a partire dae su mese de martu de s’annu passadu, cando est cuminzada custa pandemia, chi had custrettu su guvernu de Roma a faghere serrare tottu, poninde in difficultutade sas impresas cummerciales e cantu atteru, chi in provintzia de Nugoro est unu dannu subra de unu dannu mannu chi esistiad dae primu. problemas ligados a sa sanidade, ma fintzas a una crisi chi non est dande tregua a chi est impinnadu, die pro die, pro faghere creschere s’economia. Como chi custa pandemia pared chi siad fininde, grassias a sos vaccinos chi si sun faghine, si isperad chi tottu pothad andare adainanti.
Faeddamos de sa Barbagia. Marta Campus, 24 annos, a pustis de tres chidas had torradu a ponnere pese in su salone esteticu sou, noi che prenda. Sa pisedda had torradu a azzndere sas lughes e sos istrumentos de urtima generazione, chi s’affazzada subra e Desule. Dae cando had abertu, in su mese de martu, bi sunu bistadas solu zonas rujas e aranciones. Unu cominzu feu e fintzas traumaticu, chi podiad ponnere a palas in terra onzi omine e femmina de custa terra. Marta Campus est peroe zovana e had ischidu comente reagire, trasmittinde cantu intendiad intro de issa: isperanzia cun su risu in bucca e calma. E comente a issa atterso zovanos barbaricinos, chi in su desertu de sas serrandas abbassadas, han potidu avviare pro sa prima orta un’impresa de cummerciu e de artigianadu. L’han fattu cun passenzia, isfidande sa pandemia e sas restriziones. E tottus isperana chi sa cosa pothad andare adainanti, non solu in Barbagia, ma fintzas in cussas zonas de sa Sardigna inube sa crisi si est faghinde intendere de prusu.
Antoni Pinna tened solu 21 annos e pustis de haere traballadi in d’unu locale in Casteddu, battoro meses faghede had leadu in gestione una pizzeria in bidda sua, a Sarule, attesu dae Casteddu, attesu dae Tatari, attesu dae Oristanis, attesu dae Nugoro, ma in d’una idda chi, comente tottu sas atteras in sas zonas internas de sa Sardigna, sa cris si est faghinde intendere meda e non solu pro curpa de sa pandemia. Atoni Pinna, mancari tenzad solu 21 annos, non had tentu nissunu pensamentu pro chircare de mandare adainanti unu locale cun 60 postos. Had tentu meda corazzu e corazzu bi nde cheria, pro podere abberrere unu locale in prena pandemia. Antoni Pinna peroe narad chi, male chi anded, non tened una familla de campare, ma tened tottu a palas. Essende zovanu, si rued in cussu chi est faghinde, bi podede torrae a proare. ma intantu lu est faghinde. Had assuntu unu pizzaiolu e unu pizzinnu pro faghere sas cunsignas e mancari sos taulino sian boidos, chered andare adainanti. Cando finid tottu custu male, custos zovanos isperana de podere aberrere veramente su locale, chenza peruna restrizione.
Sa matessi cosa la pensad Federicu Cambedda, chi de annos nde tened 31. Pro su zilleru sou de fede a Teti, inube bi est fintzas sa sola edicula de sa idda de seschentos abitantes, solu una chida in zona bianca. Federicu Cambedda teniad unu circulu, chi had devidu tennere serradu pro meses. Had ottennidu sa cuncessione pro su zilleri a metade de martu, ma had devidu serrare luego pro sas zonas rujas e aranciones. non tenede sensu unu bar chenza zente- narad su giovanu- ma est su traballu preferidu e si andadd adainanti isettande menzus tempos. Custos sun tottus giovanos e sunu rischiande meda teninde abertos locales comente s’inssoro, in Barbagia, inube non si podene fidare meda mancu de sos turistas chi bi passana, non solu in tempus de pandemia, ma fintzas in tempos bonos. est unu rischiu e si non faghene comente sun faghinde a tottus toccad de serrae tottu e de preparare valigias e cantu atteru e de partire a foras, attesu dae sas biddas insoro, attesu dae sas famillas e parentes.
Sa matessi cosa est suzzedinde in Macumere, inube sos giovanos sun sos protagonistas de sa rinnaschida, isettande chi sa pandemia e sas restriziones che pothana passare impresse. Bi est Graziella, zovana de bella presenzia, cojuada e cun d’unu fizzu mannitu, chi had rischiadu meda pro abberrere una attividade in su cursu Umberto, chi est sa carrela prus mannu de Macumere. Una attividade ligada a s’abbigliamentu femminile e pro podere tennere abertu in custa fase de pandemia, had devidu allrgare fintzas a sos pizzinnos. Sas cosas sunu andande bene, mancari Graziella siad de bella presenzia e educadas in sos modos de faghere. Issa deved fintzas mantennere una dipendente, chi had devidu ponnere in cassa integrazione pro custu periudu feu. Si pensad a su futuru, ma sa crisi chi ha collidu fintzas Macumere, chi est semper bistadu unu centru cummerciale importante, non incorazzada a andare adainanti. Graziella narad chi in custos mese difficiles est resessida a abbarrare senza che affundare, pagande affittu de su loocale e tassas e balanzande paghissimu. Creschere? Podia allargare fintzas pro unu repartu pro omines, ma bi chered dinari pro pagare s’affittu e cun sos tempos chi sun currinde est menzus a faghere unu passu a sa orta. Comente graziella in Macumere e in sas biddas de su Marghine bi nde sunu medas. Atteros peroe han provadu, ma si sunu devidos arrendere a sas difficultades chi nde su bessidas cun sa pandemia.
Intantu chi andana adainanti sas protestas, e medas sun sas attividades, cussa istoricas in particulare, chi su serrande, sunu sos giovanos a chircare de affrontare s’isfida manna. Antoni Pinna narad chi aberid sa sala cando est tottu in siguresa. non est luego, ma isettad e issu es prontu a partire. Bi sun cusso giovanos chi a pustis de haere serradu su locale, sun bistados collidos dae su virus, ma sunu bistados sos giovanos a si nde pesare e torrare a currere prus de prima. Calincuna est preoccupada ca tened unu mutuu de pagare, ma pro medas e su chi han semper disizzadu dae pizzinnia e como non cheren rinunciare. Cussu chi non pared beru est chi non bi siana sos finanziamentos pubblicos pro sos giovanos e pro sos imprenddores femmminas, in d’unu momentu cando medas piseddos non agatana traballu. Medas cherene inbistire, ma non bi resessini chenza incetivos. Inube bi est unu zilleri b’had domo e custu est in sas biddas nostras. Mancari s’economia siad a unu puntu malepostu e sas sufferenzias sunu medas pro sas partidas Iva, sos giovanos narana cchi inbistire innoghe, in mesu a sa Sardigna non est isprecadu.
Si su sensu de precariedade est creschidu in manera manna in tottus nois in custu annu de pandemia, cun sa mente chi non tened capacidades de faghere progettos a mediu e longu termine, pro sos giovanos sardos chi sunu diventande mannos in mesu a sa crisi sa cosa est deabberu importante. Cherene pensare a su futuru, tennere isperanzias comente a tottus in cussa edade, ma su Covid cun s’emergenzia sanitaria non est ancora finida e preoccupada tottu cantos e de prusu sos giovanos. Su Guvernu de su presidente Draghi certamente tened a coro misuras adeguadas. unu giovanu subra e duos dichiarad pezzorada sa condizione de onzunu e 1 sbra de 4 est preoccupadu pro su traballu sou prus de onzi attera cosa, tantu chi in medas si biene custrintos a azzettare posiziones lavorativas bon a s’artesa insoro o devene emigrare a s’estero. Una cunfirma arrivad dae s’osservatoriu subra de sas generaziones noas di Flowe, chi mirad a educare sos giovanos subra de sos temas de s’innovazione e de sa sostenibilidade economica, sotziale e ambientale. Si faeddas non solu de sos giovanos sardos, ma de tottu s’Italia. Sa chirca, mandada adainanti dae AstraRicerche, si cuncentrad subra de su futuru a pustis de su Covid, bidu cun sos ogros de cusso chi tenene fintzas a 30 annos de adade, chi contanas sas timorias, sas preoccupaziones insoro e fintzas sas isperanzias. Tottus sos giovanos biene un futuru incertu, chenza prospettiva. Pro cussu bene faghene cussos giovanos barbaricinos de rischiare e si ponnere in ballu. Chenza isettare chi carchi cosa suzzedadad.
