Imprentas  158 – Macumere a su centru de sas chircas de s’istoria bera de sa Sardigna

Imprentas
Imprentas
Imprentas  158 - Macumere a su centru de sas chircas de s'istoria bera de sa Sardigna
/

Imprentas  158 – Macumere a su centru de sas chircas de s’istoria bera de sa Sardigna

Imprentas
Imprentas
Imprentas  158 - Macumere a su centru de sas chircas de s'istoria bera de sa Sardigna
/

Imprentas  158   di Francesco Oggianu

Macumere a su centru de sas chircas de s’istoria bera de sa Sardigna

Est partida dae Macumere sa chirca de s’istori bera de sa Sardigna. A parte sos nuraghes e sos insediamentos inube bi sunu fintzas sas domos de janas e cantu atteru, in Macumere da prus de 10 annos est cominzada sa chirca de sos insediamentos chi faghene de sa cittadina prus manna de sa provintzia de Nugoro, a pustis de Siniscola, unu puntu de riferimentu de sos archeologos e de sos istudiosos. Bi fid veramente unu casteddu in s’area tra sa cresia antiga de Santu Pantaleo e sa zona adaesegus de su Municipiu chi si nariad sa presone ezza? De su casteddu non sunu adduradas traccias evidentes. Un’iscavu archelogicu est bistadu fattu 10 annos faghed, dae s’asociazione Castra Sardiniae in cullaburassione cun s’Universidade de Tatari e su cumune de Macumere pro dare rispostas a pared chi su casteddu bi siad bistadu veramente. In s’area interessada, chi cumprendede tres sitos differentes, sunu bennidos a sa lughe una parte de cusso muros de su medioevo e fintzas a pustis de su matessi medioevo, ma fintzas traccias de presenzias prima ancora meda de su medioevu.

S’importanzia de s’interventu est ligadu a sa valenzia istorica de sos risultados. Dimustrana, difattis chi in su medioevu, e fortzis fintzas primu, Macumere fid unu importante puntu di isnodu de sos trafficos e de sos cummercios tra sa parte e bassa e sa parte arta de sa Sardigna. Cando est bistadu presentadu su progettu de iscavu, bi fid s’istudiosu Paolu Maninchedda, chi narad chi unube bi fid su casteddu, bi fid una presone meda fea. Fortzis sa presone ezza, inube ch’eniana postso presoneris chi non nde podiana essiere bios. Cussu casteddu, narad Paolu maninchedda dimustrad chi Macumere fid una idda ricca de istoria industriale e poberu de istoria comune, ma non est gai- narad Maninchedda- in su territoriu nostru abbarrana bicculos de istardas romanas e attereas cosas chi meritana de essere iscobertas. Bicculos de istoria si podene agatare ancora in cuss’area de su casteddu, inube sos iscavos sun bistados suspesos medas annos faghede e ancora non sun bistados ripresos, mancari bi siad unu finanziamentu de sa Regione, chi est frimu dae tres annos.

Sighine cantu iscriede dae Felice Cherchi Paba in sos quadernos istoricos de Macumere, comizamos s’istoria dae su periodu punicu e romanu- Segundu Mamarmora e atteros istoricos, Macumere pared chi siad s’antiga Macopsissa de Tolomeo, chi est naschida pro opera de sos punicos, cando custos hana occupadu sa Sardigna. Cussu chi li narana su toponimu in sa radicale Macom beni a pizzu s’origine punica de Macumere, comente Macom (adas, un’attera iddighedda punica, chi est bistada fatta subra de s’altipianu de sa Pianarza chi s’affazzad a su mare. Segundu Gesenius, de Monumenta Phoenicia, in su sou Lexion su toponimu Macomele pared chi siad de origine fenicia e podede cherrer narrere logu artu, chi est opinione fintzas de su Nurra chi ritenid su significadu de su toponimu locus execelsus. Sos romanos hana cunservadu sa prima parte de su toponimu ezzu, punicu, de Maco psissa. Segundui cantu iscried Felice Paba Cherchi est azzardada s’opinione de su gesenius, subra de s’origine fenicia de su toponimu, ca sos fenicios si sunu limitados a occupare sa Sardigna, solu accurzu a su mare, prus utile a sos interesso insoro pro su cummerciu.

Sun puntos de approdu a inube beniana tottus sas popolaziones de intro de sa Sardigna pro attivare, cun sos semitos, sos barattos che dieviana essere meda attivos, in cantu, in tottu s’isula, in sos nuraghes, mai sun bistada agatadas munetas fenicias, chi dimustrad de un’assenza in su tottu tra sos sardos antigos e fenicios de unu mercadu de compora e bendida, chi est bistadu fattu cun sos punico, ca medas sun sos depositos de muntesa punicas agatadas in tottu su Marghine, comente cussas agatas a Bolotene, a Atzara, Iscanu e Othieri.Sos punicos ana occupadu tottu sa Sardigna de bassu, metade de cussa centrale e fintzas parte de su cabu e susu. Sa linea de confine tra sos punicos e sardos pared siad bistada prorpiu Macopisissa. Tantu chi su Pais, in sau pabilu de s’isula, prima de su dominiu romanu, nde faghed unu loogu forte de sos caratginesos comente unu logu de resistenzia militare, contra sas bardanas de sos barbaros illensos, chi hana occupadu sa parte de Othieri, de sa Barbagia de Bitzi, sa Barbagia centrale e cussa de Seui.

Sos cartagineeos hana occupadu su puntu istrategicu de Macopsissa, ischide bene chi cussu fid su primu passu montanu obbligadu pro podere passare dae su nord a su sud de s’isula. E in Macopisissa bi han fattu sos muros contra a sos illensos, chi Lilliu, cun sas indagines e istudios chi had fattu, a Campeda had agatadu cosas medas de castra illensos. Si narad chi Macopsissa deviad essere unu centru nuragicu fortemete occupadu dae sos cartaginesos, bidu chi fid unu logu chi non si podiad attraessare cun facilidade, pro sa rocca inube si nrad chi bi fid su casteddu e primas ancora unu cumplessu nuragicu, comente s’isprone de Pedra Odetta, comente su bastione basalticu naturale inube bi est su nuraghe de Santa Barbara. In custos logos est bistadu agatadu dinari sardu e punicu, comente in sa localidade pedrosu e mura, chi faghed suporrere inube sos cartaginesos eppana dominadu pro meda tempus. Ma in Macumeere bi su bistados insediamentso ancora prima de sos punico, cataginesos e cantu atteru. In su 1949 intro de una grutta in S’adde, est bistada agatadauna istatuedda de 17 centimetros, chi si narad sa veneretta de Macumere, chi est cunsrvada in su museo archeologicu de Casteddu.

Un misteriu chi est bistadu semper in su centru de sos istudios de espertos, cun iscontros pro dare una classificazione e una cosa certa subra de cussu materiale chi est cumpostu, su periodu istoricu cando est bistada fatta e ite podiad rappresentare. A custad dimandas si est chircadu de dare rispostas in cunvegno e incontros de istudios, ma mai nissunu est resessidu a crarire in manera certa ite cussa istaduedda podiad essere bistada. E dae semper su misteriu de sa Venretta sighid. Non est craru si sa venre siad fatta de basaltu, trachite e orenaria e si appartenid a su paloliticu e a su neoliticu, mancari si nerrzad chi su paleloliticu in Sardigna non bi siad bistadu. dae medas istudios sa venere est bistada cunsiderada su simbulu de sa fertilidade, ma sa cara de lepere? Est certu chi cussa venere est una cosa chi ancora est in meesu a sos istudios de sos esepertos de archeologia e istudiosos de tottu sa Sardigna. Si cherida chi nde essere torrada a Macumere pro la ponnere in su museu archeologicu chi est cominzadu a faghere trinta annos faghed e ancora non est bistadu abertu. Sa veneretta peroe sighid abbarrare in Casteddu.

Pro regollere tottus sos menzus repertos archeologicos de su Marghine, chi contana s’istoria de sa Sardigna prim ancora de sos nuraghes fintzas a su medio evu e pustis su 1700, in Macumere fid bistadu fattu, prus de 30 annos faghed, su museu archeologicu. Una bella istruttura chi est in mesu a su centru istoricu de sa cittadina, inube che sun bistadas postas sas pedras miliares de su periodu romanu, chi fin primu adainanti a s’intrada de sa cresia de santu Pantaleo. In cussu museo dae vint’annos si est nande chi aberid, ma non aberid mai. Bi han provadu tottus sas amministrassiones comunale chi sun bistadas e bi sunu ancora, ma cussu museu non si resessidi aberrere. Non aberid mancu cun sos finanziamentos de sa Regione e pruite non ‘ischidi. unu museo chi sighid a essere una incmpiuda manna de Macumere, diventande sa causa de longos e intricados iter burocraticos. DUos annos faghed sa Regione, sullecitada dae s’amministrazione comunale, had istanziadu 150 mizza euros pro andare adainanti cun s’allestimentu e poi a lu abberrere a su pubblicu. Tottu si deviad cuncretizzare s’annu passadu, ma nudda est suzzessu. S’istruttura, chi est bistada fatta prus de 30 annos faghed, sighid a essere unu cosa de faghere.

pro chircare de ischiere bene s’istoria bera de Macumere bi sunu sos iscavos in su casteddu. Cussos puru, comente su museu archeologicu, non sunu mai ripresos, mancari in cue bi siana medas cosas de iscubrire, pro podere ischiere bene s’istoria bera de sa cittadina. S’istoria de Macumere e de Macopsissa. Atteros iscavos si sunu faghinde, ma s’ischidi chi Macumere est prenu de istoria. S’istoria bera de sa Sardigna. Iscavande si poded dare unu futuru cun traballu a tanto giovanos.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *