Imprentas 142 – Unu progettu culturale de unu piseddu de 20 annos 

RMC - Radio Macomer Centrale
RMC - Radio Macomer Centrale
Imprentas 142 - Unu progettu culturale de unu piseddu de 20 annos 
/

Imprentas di Francesco Oggianu

Unu progettu culturale de unu piseddu de 20 annos

In austu e capidanni andadad adainanti unu progettu culturale pro teatru e danza, inube protagonista est unu giovanu de 20 annos

Cando in zogu si ponene sos giovanos est siguru chi so progettos benin fattos e si andada adainanti comente si toccad. Cando poi a faghere sas cosas sun talentos zovanos cun appena vint’annos in subra sas palas sas cosas diventana prusu interessantes. Non si narad solu de s’isport, comente unu jogadore de pallone, chi dae minore est inseridu in d’unu mundu prenu e oro, ca est unu talentu chi li basched. Non faeddamos nemancu de cussos piseddos chi sun diventados campiones de atteros isport, chi sunu arrivados a conquistare trofeos italianos o internazionales, ma faeddamos de cussos zovanos chi sun resessidos e sunu resessinde a faghere cosas pro valorizzare sa cultura e fintzas s’economia de sas biddas e zittades insoro. De cussos zovanos chi tenene ideas geniales chi postas in campu podene e han fattu cosas meravizzosas pro sa creschida de su territoriu inube istana. Si podene faghere unu munones de esempios e chi fintzas sos giornales nde han faeddadu. Sun talentos chi sun creschidos cun sa passione de faghere carchi cosa chi non est solu unu jogu, ma meda de prusu.

In Macumere faeddamos como de unu piseddu chi non had cumpridu mancu sos 21 annos, chi had propostu unu progettu interessante, de lu ponnerein campu si Deus chered, cando ch’essimos dae custa emergenzia sanitaria, chi nos est turmentande dae prus de un annu. Li nran sa rinnaschida culturale de Macumere e de su territoriu, chi chered incominzare cun s’abertura, a pustis de medas annos, de su cinema Costantinu, chi fid bistadu serradu ca sos meres non podiana andaree adainanti ca s’amministrassione comunale non had mai creffidu abbassare sas tassas, custringhinde sos proprietario, frades Barria, a serrare tottu e lassare sa zittadina chenza unu importante presidiu saniatriu istoriocu comente est su Costantinu. A nudda sun baffodas sas protestas de sas associaziones culturales e politicas de Macumere e de su territoriu pro chircare de cumbinchere sos amministradores a faghere carchi cosa de interessante, azuande a lassare abertu custi importante presidiu sanitariu.

A pustis de mades annos, Gian Paolo Salis, de appena 21 annu, cussu cinema e tatru resessidi a l’abberrere, non cumbinchinde sos amministadores comunale, ma sos meres de su cinema.  Gian Paolo Salis aberid su Costantinu cun d’unu progettu culturale importante: est su progettu “Restart. Residenzia artistica estiva”, programmada dae s’associazione culturale Arte, teatro e Danza, fatta nschere dae Gian Paolo Salis, chi est una iniziativa a inube bi hana aderidu associaziones e entes de tottu sa Sardigna, cun artistas varios e cun progettos ligados a su teatru, a sa danza e atteras cosas chi faghene manna sa zittadina de Macumere e su territoriu intreu e chi poded tennere fintzas un’essida nazionale. “Sa residienzia artistica chi si cehered faghere in sos mese tra austu e capidanni de cust’annu- narad Benevole. proponed medas iniziativas culturales e sotziales, coinvolginde artitas isolanos specialzzados in varias disciplinas. Custa ripartenzia, a pustis de su Covid, tened unu valore mannu e profundu pro sos cittadinos, chi podene biere torra abertu su cinema e tatru Costantinu”.

Est unu ispettaculu de teatru e de danza, sas zittades accurzu a su cinema e tatru Costantinu. Su casta de s’ispettaculu benid formadu dae zovanos artistas sardos chi tenene un’edade tra sos 18 e sos 30 annos e non de prusu. S’isquadra chi criad custu ispettaculu est fattu da e sas figuras principales de unu ispettaculu, comente su regista, su coreografu, s’assistente de regia. s’assistente de sas coreografias, su responsabile de produzione e sos responsabiles de sa comunicazione. Tottu piseddos. Tottu giovanos. Comente narad su titulu de su progettu, sas zittades est sa rappresentazione chi s’ispirad a su romanzu “Sas zittades invisibiles” de Italu Calvino. S’ispettaculu est formadu dae chimbe metros quadros. Onzi quadru rappresentad una de sa zittades invisibiles chi est comente las contad Calvino, cun d’una interpretazione cuntemporanea chi sullecitad s’ispettadore a riflettere subra de sas tematicas chi de attualidade. Sa narrazione beni accumpanzada dae unu jogu de lughes e de friguras, chi sun bistadas fattas cun s’azzudu de sas tecnologias noas.

Bi est s’illuminazione a led, sa proiezione video e laser. pro sa colonna sonora de s’ispettaculu sun bistadas chirradas sas musicas de sa compsitrice, issa matessi zoavana, s’americana Lindsey Stirling, cun sas composizione inube dominad su violinu, unu istrumentu de sa musica classica chi enid interpretadu dae sa matessi pitzinna in crae moderna e innovativa. S’ispettadore benid ammuntadu dae sos sonos chi benini fattos prus mannos grassias a s’utilizzu de su sistema audio dolby surround, chi li cunsentid de assistere a unu ispettaculu teatrale, ma cun s’audiu de una proiezione cinemtaografica. S’associazione culturale Arte, teatru e danza est chircande giovanos ballerinos e richedidi bases de danza classica, moderna e contemporanea e personalidade ona de s’iscena. Non sunu dimandadas esperienzias professionales bezzas. Su periodu de impinnu est in sos meses de austu e cabidanni de cust’annu e su logu de sas provas deved essere Macumere. A sos artitas est prevista una retribuzione e una cunvenzione pro podere istare cussas dies in Macumere. S’iscadenzia pro s’inviu de sas candidaduras est fissadu a metade de su mese de lampadas. Pro su materiale e atteras informaziones si podene agatare in su bandu cumpletu in su situ de s’associazione (www.arteteatroedanza.it).

benini fattos fintzas cunvegnos e seminarios formativos subra de sas tematicas de s’arte, de su teatru e de sa danza, subra de su valore chi tenene e de s’incidenzia stziale, subra de sas rpercussiones de sa pandemia in su mundu de s’ispettaculu e subra de sa ripartenza de sa cultura. Sos cunegnos e seminarios benin fattos dae espertos cun sa cullaborazione de sos giovanos artistas e istudentes, dae associaziones, entes e cumpanzias chi benini dae tottu sa Sardigna. Su progettu tened s’obiettivu de ponnere paris sa cultura de su territori de su Marghine, ma de Macumere in primu, faginde una rete de iscambiu culturale e sotziale, promovinde s’arte e sa cultura, cun attenzione a sos limbazzos noso e a sas formas espressivas noas, favorinde su rapportu tra generaziones cun sa cundivisione de logos e esperienzias culturales. “Sa residenzia artistica- ispiegad Gian Paolo Salis, ideadore de custu progettu- proponed unu muntone de iniziativas culturales e sotziales isviluppadas, cun s’iscopu de accurziare sos givanos a s’arte, comente istrumentu ideale pro su rafforzamentu e de sa creschida de sas cumptenezias relazionales, sotziales, comunicativas, utiles a criare momentos de aggregaziones, indispensabiles per faghere una partecipazione a sa vida comunitaria.

S’obiettivu- narad ancora Salis- est cussu de sensibilizzare sas istituziones e s’opinione pubblica subra de sa nezzessidade de torrare a dare bida e isplendopre a unu logu istoricu, comente su cinema e teatru Costantinu, chi est in didusu da carchi annu. Est una sala chi in sos urtimos 50 annos est istada parte integrante de s’identidade sotziale e culturale de custu territoriu. Unu locale chi fid s’unicu in tottu su territoriu, serradu pro una cosa chi non tened nessuna giustificazione, cun sos proprietarios chi non sun bistados ascurtados dea sos amministradores chi bi sunu como in Comune, chi han preferidu a serrare tottu e faghere una cosa noa in sas casermas Mura. In cue est bistada fatta una cosa maloe assortida de sala pro rappresentaziones teatrales e atteru. Est bistada fatta fintzas una sala pro su cinema, ma sa cosa non est andada adainanti, ca fintzas noi semus cumbintos chi onzi cosa dvede essere fatta in logu sou. SI podede narrere como chi, inbe non est resessida sa politica, est resessidu unu piseddu de 21 annos, cun ideas bella e craras e cun d’unu progeettu chi est a s’avanguardia de tottu sas manifestaziones culturales chi si sun faghinde in Macumere ee in tottu sa Sardigna centrale. Est unu progettu pro Macumere- narad Gian Paolo Salis e in Macumere deve abarrare. pro semper.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *