Imprentas 136 – Sos giovanos e sos binos pro rilanciare sa Sardina a pustis de sa pandemia

RMC - Radio Macomer Centrale
RMC - Radio Macomer Centrale
Imprentas 136 - Sos giovanos e sos binos pro rilanciare sa Sardina a pustis de sa pandemia
/

Imprentas      di Francesco Oggianu

Sos giovanos e sos binos pro rilanciare sa Sardina a pustis de sa pandemia

 

Sa pandemia e sas serradas pro su Covid-19, non hana fattu iscontos mancu a su cumpartu de sos binos. Sas aziendas minores chi sunu ligadas medas a su settore de sa ristorazione sunu meda in difficultade, ca tottu, dae un annu est frimu, cun sos zilleris e ristorantes serrados. A sos binzatteris non est abbarradu atteru si non s’isperanzia de iere sa pandemia finida e cun su virus postu sutta e pes dae sos vaccinos. S’isperanzia peroe, ca ancora non s’ischid ainube andamos a parare. Eppuru sas binennas de s’annu passadu han regaladu binos de calidade arta e in mesu a sos surcos si est traballande isettande chi tottu pothad torrare a sa normalidade. Custu suzzedid in s’ozzastra e custu suzzedid in sa Pianarza, in Oliana, Mamoiada, Durgale e Jerzu, Bunnanaru e Usini, Monti e Berchidda e in sos logos inube si produini binos de caldade ona, destinados a sos mercados sardo, ma fintzas in continente e a s’estero. S’annu passadu est bistada un’annada fea e cust’annu sas cosas si sunu poninde male.

Christian Mulas, zovanu de Cardedu, dae su 2012 produidi su cannonaua Fedora, cun ottomizza ampullas a s’annu, in sas binzas de Pelau. S’imprendidore had devidu registrare unu calu de endidas mannu in cunfrontu a su 2019, cando ancora su Covid nissunu ischiad ite podiad essere e ite podiad faghere fintzas pro s’economia. In tottue sas bendidas sun diminuidas de s’ottanta pro chentu, cun sos locales serrados. Tottus sos binzatteris, mannos e minores, dae s’annu passadu sun campande solu cun su mercadu privadu, cun sas enotecas, ristorantes e canales de endida ligadas a sas aziendas chi produini binu de calidade. In su 2021 su mercadu nd’est caladu a terra e non solu cussos de innoghe, ma cussos de esportazione italianos e a s’estero, in Lombardia e in Germania, propriu a causa de sa pandemia chi had fattu serrare tottu. Sas ampullas cunfezionadas sunu abbarradas in magasinu, chenza endidas, cun s’isperanzia chi carchi cosa si pothad faghere a partire dae custu istiu.

Como non abbarrad de isperare chi tottu custu dannu mannu ligadu a sa sanidade pothad finire luego e chi sa zente pothad torrare a vivere menzus de primu. Si isperad chi a partire dae custu istiu cun sas vaccinaziones e cun su bellu tempus si che pothad cazzare su virus e si pothad buffare una bella tazza de inu cun salude e armonia, chenza timere de essere cuntagiadu. Ma sa sufferenzia como bi est e comente. Tra Talana e Triei bi sunu sas binzas de sa chentina Talavè, cun calidades mistas: pro su 60 pro chentu cannonau e pro su 40 pro chentu muristellu e amanthosu. Su mere de custas binzas est Frantziscu Piras, imprendidore zovanu, presidente de sa cooperativa Semperbirde de Triei. Issu narad chi si traballad meda cun sa endida de ini isfusu, ca sas ampullas de tres quartos sunu in prena suffenzia. Su mercadu de sas ampullas est ligadu a sus turismu e sa ristorazione est peroe frima. Su inu isfusu si ended beene in su territoriu. Tottus sos produttores e non solu cussos de s’Ozzastra sunu fiduciosos e isperana chi custu dannu pothad finire cantu prima.

In tottue est bistadu postu intro de sas ampullas su inu de sas binnenas de s’annu passadu, chi est bistada una annada ona dae su puntu de vista de sa cantidade, ma meda de prusu de sa calidade. Binos bonos duncas de una annada chi enid definida ottima. Giulia Mura, una zovana de Jerzu, had detzisu de si ponnere in zogu propriu cust’annu. Est pronta a che ponnere in su mercadu 4 mizzas ampullas de cannonau de Pelau. Appo detzisu de mi lanciare in custu settore- narad sa pisedda- cun d’una linea de binos chi est tottu mia, cun in palas s’istoria de sos binos de Jerzu, cussos de Josto Miglior, fundadore paris cun su babbu Manfredi e sa mamma Luisa chi han curadu sas binzas pro 40 annos, chi puntad in su percadu esteru e subra de s’enoturismo. Est su momentu de sos giovanos chi ceherene lanciare unu sinnale de rinnaschida. A sos giovanos est affidada tottu sa produzione non solu in Ozzastra, ma fintzas in sa Pianarza e in Gaddura. Sos giovanos cherene e ceene in su futuru de su mercadu de sos binos, comente atteros han cretidu a su cuminzu de su seculu passadu pro atteras calidades de aghinas e de binos bonos.

In Pianarza si puntad meda subra de sos binos ligados a sa malvasia, cussa de s’adde de Modolo, accurzu a Bosa, attraessande sas campagnas de Magumadas e Tresnuraghes, chi sun logos bellos inube sas binzas rezzini su fragu bellu chi enid dae su mare. innoghe puru sa sufferenzia ligada a sa pandemia had fattu riduere sa endida, comente est suzzessu s’annu passadu in sa Costa Ismeralda e in atteras localidades turisticas de sa Sardigna. A Modolo bi sun sas binzas chi had fattu unu pidreru, don Porcu, chi sun toccadas a su nebode, Carlo Porcu, zovanu imprendidore chi had chircadu e est chircande de rimodernare sa produzione, chenza irnetigare cussu chi ha semper connottu in Pianarza, trasmittidu dae sos antigos. Duos annos faghedsu Cunsorziu de tutela de sa Malvasia de Bosa had fattu unu pianu chi est bistadu ricconnottu cun d’unu premiu de s’Erga Omnes. Est unu riconnischimentu chi si podede garantire sa tutela de sa denominazione e assigurare sa valorizzazione de sos prodottos in Italia e a s’estero, vigilande in su mercadu cando si faghed sa cummercializzazione de sos binos.

Sa soddisfazione est bistada meda e had fattu naschere una atmosfera positiva pro passare a sos atteros obiettivos, chi est sa Docg, chi appartenid solu a su vermentinu de Gaddura. Sos presuppostos bi sun tottus, mancari s’impresa siad difficile. Prospettivas noas e progettos sunu in campu e si preparana pro podere animare sa idda de Modolo, cun d’unu operadu de su prus giovanu e prus minore cunsorziu de tutela de sa Malvasia chi puntad a bintrare in sos mercados a foras de s’Italia. Su Cunsorziu de tutela de sa Malvasia de Bosa, chi tened sa sede propriu a Modolo, est naschida battor annos faghed pro sa volontade de sos produttores chi ceheren controllare sa produzione de sa malvasia, chi est su simbulu artigianale de Bosa. Su cunsorziu est naschidu pro sa nezzessidade de tutelare su prodottu pro faghere controllos menzus subra de sa endida de sa Malvasia, pro chircare de evitare chi carchi attividade pothad ispacciare prodottos fasullos, generande cunfusione in su consumadore chi comporad.

Comente narad su presidente de su Cunsorziu, s’iuscopu de sa sotziedade non si frimad solu a sa tutela, ma chered mustrare una sensibilizzazione a su mundu de sos giovanos, cun s’obiettivu de los accurziare, cunsignande a issos sas craes de faghere s’attividade de viticoltura, cun s’intentu de imparare unu traballu chi est perdinde. Sos giovanos sunu duncas su futuru, sunu sa garanzia de un’incrasa, mustrande sas raighinas chi enid dae attesu chi chi c’affundana in d’una passione ligada a sos traballos de sa terra nostra. S’abertura a sos giovanos rappresentad, pustis, unu trampolinu de lanciu pro si podere ispinghere a progettos noso e inteeressantes, chi devene essere in gardu de andare attesu e de che brincare sos confines cun d’una promozione de su prodottu a s’estero. Si pensad a sa Macedonia, a s’Asia e a s’Amrica. Connoschere est importante e solu diffundinde cussu chi si deved ischire e valorizzande su prodottu si poded puntare in artu.

Un’atteru progettu, chi est bistadu postu in campu, faeddad de sa promozione de su territoriu e de sa malvasia. Custu decretad s’unione cun sa terra, in modui chi si pothada partire dae sa valorizzazione de su territoriu chi bi tenimos e de s’identidade culturale chi rappresentad sos pianarzesos e sos sardos. Bi est s’idea de faghere puntos de pubblicidades e de endidad fintzas in Casteddu e in Tatari. Unu muntone de propostas chi benin a essere postas paris inintro de unu importante prugettu identitariu. Pro como bi est custa pandemia chi est bloccande tottu, ma pro tottus sos binos sardo bi sunu sas ideas de sos giovanos chi cherene insfundare e abberrere acanalos noso pro podere cumercializzare custos prodottos chi, paris cun su casu e su territoriu, cun s’istoria e su mare, rappresentana unu bellu progettu pro sos annos chi devene ancora ennere e chi podene dare una risposta a sa crisi economica chi bi est bistada cun sa serrada de sas industrias chimicas chi sun bistadas sa arruinas de sa Sardigna intrea.

   

 

Lascia un commento

Il tuo indirizzo email non sarà pubblicato. I campi obbligatori sono contrassegnati *