Imprentas   di Francesco Oggianu

Sos giovanos protagonistas , ma sa politica non risponded

Sos giovanos protagonistas de sa riscossa de sas zonas internas, ma chenza agatare una risposta sigura dae sa politica

Carchi annu faghed fid bistada costituida sa rete de sos giovanos de sa areas a inintro de sa Sardigna, cun s’isettu de podere avviare unu percursu partecipativu de associaziones, attivistas, operadores economicos e de sos servizios e chircadores chi non hana lompidu ancora sos 40 annos. Est unu canale de notizias a livellu nazionale chi est in fase de cumpletamentu e puntad a diventare unu laboratoriu de ideas e progettos, chi si ponene paris prio su rilanciu de tottu sas comunidades. Tottu si est faghine pro cumbattere s’ispopolamentu de sas biddas nostras, in manera eenergica e fintzas innovativa, partinde propriu dae sos giovanos. Cun custu obiettivu si est costituida sa rete de sos giovanos de sas areas internas, promossa dae Officinas cosesione pro sas areas internas, a suppotu de su comitadu tecnicu pro sas areas internas. Si chered avviare unu percursu partecipativu de associaziones, attivistas, operadores economicos e de sos servizios e chircadores, pro definire unu documentu chi pothad indentificare sas prioridades e sos iscopos comunes pro promovere aziones pro sa valorizzazione de sas risorsas territoriales e de s’energia de sas generaziones noas, fintzas pro podere partecipare attivamente a s’attuazione de s’sistrategia nazionale de sas areas internas subra sos territorios, pro podere faghere facile sas aziones e monitorande fintzas s’andamentu.

Si isperad chi custa cosa cchi si est faghinde pothad assumancu diventare unu laboratoriu de ideas a progettos chi benini fattos pro su rilanciu de as comunidades cun su protagonismu giovanile. Sa crisi ligada a s’ispopolamentu, cussa economica e sotziale de sas areas internas si poded difattis cuntrastare solu si s’iscumittidi subra sas medas potenzialidades chi bi sunu un custos territorios, chi podene diventare laboratorios pro sa costruzione de unu modellu nou de isviluppu ecologicamente e sotzialmente sustenibile. Non bastada a garantire sas infrastrutturas nateriales, digitales e servizios pubblicos de calidade, ma bi cherede fintzas inbestimentos subra s’istruzione e sa formaziones, pattos educativos de comunidade, pianos pro s’occupazione ona chi pothana favorire sa naschida e sa cooperazione de attvidades chi puntana subra sa calidade de su traballu, subra sa sostenibilidade e s’innovazione tecnologica, progettos pro sa riqualificazione de sos ispazios pubblicos e de sos immobiles privados, una rigenerazione de pubblica amministrazione.

Unu de custos organizzadores est naschidu a Ortueri, una idda in su coro de sa Sardigna de appenas 1074 abitantes, ma si est laureadu in filosofia a Bologna. Carchi annu faghed had detzisu de torrare in Sardigna, a pustis de annos de esperienzia de attivismu cun s’unione de sos istudentes, chi est bistadu su coordinadore nazionale, inintrod e Libera contras a sas mafias e puru in s’Arci. Custu giovanu cherbeddu narad semper chi toccad de dare logu a sas istanzas de sos giovanos chi sunu abbarrados in Sardigna o sunu emigrados, favorinde percursos de rafforzamentu de cumpetenzias e de progettaziones partecipada, dae su bassu, de politicas e aziones chi deve pustis rigenerare s’economia, cussa sotziale e culturale. Est cussu chi sun provadnde a faghere fintzas in Ortueri, chi est puru inserida in s’istrategia de su gennargentu- Mandrolisai, chi sunu isettande s’attuazione. Sas politicas bettadas dae s’artu pro sa areas marginales chi non hana mai dialogadu ccun sos bisosnzos e sas cosas beras de sos territorios, difattis, hana semper causadu prus dannos che beneficios.

Comentes sardos nde ischimos carchi cosa. In sardigna bi sunu duas areas inseridas in s’istrategia nazionale de areas internas: sunu su Gennargentu cun sun mandrolisai e sa Marnmilla arta. Cuusa attenzione nazionale chi est bistada fatta noa cun custa istrategia, cunfirmada dae sos imbestimentos noso previstos in su pianu nazionale de ripresa e de resilienzia, had battidu fintzas su Comune de Nugoro, chi est su capulogu de provintzia, a calare in campu pro faghere carchi cosa. S’amministrazione nostra- comente nariad sa Regione fintzas a carchi annu faghed, fid impinnada a supportare sa mobilitazione de sos giovanos de sa areas internas pro progettos de isviluppu, chi da una parte si poded inbistire sa tendenzia a s’ispopolamentu e dae s’attera pro podere faghere s’agenda de s’Onu 2030 subra sa sustenibilidade. Est un’isfida manna chi est bistada lanciada paris cun su partenariadu territoriale prus mannu possibile. In su fratempus est bistaduu pubblicizzadu e sinnalada onzi occasione pro podere aggregare sas menzus fortzas, comente sa Rete de sos giovanos de sa areas internas: pro criare retes est sa prima rispostas a sas difficultades de s’isviluppu e cussa chi li natrana sa riscossa generazionale.

A carchi annu dae s’idea de faghere custu progettu, abba sutta de sos rios ch nd’ad passadu, ma nudda ancora est bistadu fattu dae parte de sa Regione. Dae pagu in Borore est bistadu fattu unu pattu de ferru tra sos giovanos aministradores, chi tra sas atteras cosas cherene cumbattere s’ispopolamentu. Sos amministradores giovanos e sardos,si sunu incontrados accurzu a una mesa pro faghere unu progettu cundivisu de isviluppu de sas zonas internas, in sa lotta contra a s’ispopolamentu e pro chircare de ponnere frenu a sos giovanos laureados chi si che sun fuide a foras, pro chircare de agatare menzus cundissiones e faghere unu progettu de cosesione sotziale. S’assocatzione Nino Carrus de Borore, paris cun sa cullaborazione de sa rete de associaziones comunidade pro s’isviluppu , puntad subra de sos sindigos giovanos de su territoriu pro podere costituire unu sodaliziu, chi pothad diventare unu laboratoriu permanente de ideas, propostas e procesos innovativos.

Sasamministraziones comunales paris cun sos territorios sunu sos protagonistas de s’isviluppu e de sa creschida de sas areas internas- ispiegad Fausto Mura, chi est su presidente e uno de sos fundadores de s’associazione Nino Carrus- cherimos organizzare in manrea istrutturale sos amministradores giovanos, comente hamos fattu cun sa rete de sas associaziones.. Innoghe si cherene ponnere in campus sas istrategias. tecnologias, connettividade, innovaziones, calidade de sos trasportos, turismu, formaziones e informazione sunu sos istrumentos fundamentales pro podere invertire sa rotta. De custu nde sunu cumbintas sas levas noas de amministradores e piseddos chi si sunu affazzande a sa politica e pro amministrare sos comunes. A pustis de sa pandemia, comente narad Alessandro Porcu, assessore de Borore, a partire dae sa gestione de su recovery Plan, chi est una occasione manna pro garantire a tottu nosi unu ruolu pro su futuru.

Sos giovanos podene faghere meda e contribuire a faghere importantes politicas de innovazione, ligadas a sa connetividade, a sa digitalizzazione e a sa transizione energetica, criande tottu paris progettos cundivisos pro mezzorare sos servizios de sas comunidades. A partire dae sa fibra ottica, chi non bi est in sas areas artigianales e industriales, chi podene faghere diventare sas impresas minores cumpetitivas e cunsentid fintzas a sos giovanos de abbarrare e imbistire in su territoriu insoro. S’idea est cussa de rilanciare sa Sardigna, partinde dae sas biddas de sas zona internas, cussas chi patini sa marginalidade, comente poded essere Lodè, chi tened s’indice prusu arti de ispopolamentu de sos urtimos vint’annos. Bi cherene inbestimentos innovativos subra sa tecnologia, bi chered imprendidorialidade e bi cherens sas istradas. Sassocizzione Nino Carrus, ma fintzas atteras associaziones, han fattu in custos urtimos vint’annos proposta, cunvegnos, paris cun assessores regionales chi bi sun bistados in custo urtimos trint’annos, paris cun sa fortzas politicas, paris cun parlamentares e cantu atteru, ma sas paraulas, sos progettos e sas promissas fattas sunu abbraddas semper chenza risposta. A nois pared chi non bi siad sa volontade politica de podere benne incontru a sas forzas giovanas, chi cherene iscumittere in sa creschida de su territoriu. Tottus bellas cosas duncas, ma onzi iniziativa, fintzas a como est abbarrada gai, chenza peruna risposta. S’isperad chi cando finid custa pandemia si pothad leare in manu sos problemas de sas biddas nostras. Sa politica poded faghere meda, prus poden faghere sos giovanos, ma si dae Roma o dae Bruxelles non si movene, innoghe sighimos a cher ruere semper prusu in bassu.