Imprentas 111 di Francesco Oggianu

Bloccada s’ispeculazione de Tossilo

S’area industriale de Tossilo sarvada dae s’ispeculazione de sas multinazionales

Basta cun s’ispeculazione in s’area industriale de Tossilo. Su cunsizzu comunale de Macumere had postu frenu a tottu cussas iniziativas chi miraiana a mudare s’area industriale de Tossilo, pro la faghere diventare unu parcu de pannello fotovoltaicos. Grassias a una variazione a su pianu urbanisticu regionale, custu como non si podede prus faghere si non in minima parte in in areas degradadas. Benini diminuidas de 20 ettaros sa area destindas a ponnere impiantos fotovoltaico. Lu had detzisu su cunsizzu comunale de Macumere, chi had fattu una variazione a su Puc. In sa sustanzia, su cunsizzu comunale had ridimensionadu s’utlizzu indiscriminadu de una area manna, chi sa Regione, cun d’una delibera de su 2018, haiad istabilidu in 85 ettaros. Troppu pro su comune de Macumere, ca cussas areas, annos faghed, fin bistadas espropriadas a sos pastore pro nde faghere unu logu de isviluppu economicu e possibilmente pro attividades ligdas a sa pastoria e a s’alimentare.

Un attu, cussu de sa regione, chi fid bistadu recepidu dae su Cunsorziu industriale in liquidazione dae su 2008, distribuinde sas areas a multinazionales de sas energias rinnovabile, pro faghere impianto mannos de fotovoltaicou, chenza nde podere ponner parte de su Comune, chi est bistadu esclusu. Da cue est partida s’idea de bloccare s’ispeculazione, ca atteras multinazionales, fini attiradas dae custa possibilidade dada dae sa delibera de sa Regione. S’amministrazione comunale de Macumere had fattu de tottu pro frenare sa cursa a s’ispeculazione. Pro cussu, su 10 de martu, su cunsizzu comunale had approvadu una variante a su pianu urbanisticu de Tossilo, istabilinde s’abbattimentu de cussas area disponibiles, cunsideradas degradadas dae sa delibera de sa Regione, dae su puntu e vista ambientale funzionale. S’assessore a s’ambiente e urbanistica Andrea Rubattu, chi si est sempre oppostu a onzi tipu de ispeculazione narad chi non si podene cunsiderare area degradadas cussos terrinos vergines, chi non sunu mai istados utilizzados pro attividades industriale de onzi manera.

S’amministrazione comunale como isperad e auspicad chi sos fundos de su Recovery fund chi enini assegnados fintzas a sa Sardigna e a Tossilo, pothana essere destinados a sa cunversione de sas industrias chi non bi sun prusu e si pothad faghere veramente sa valorizzazione de sos rifiutos chi enini dae sa regorta in sas biddas. Rubattu narad chi cun sa variante a su pianu urbanisticu, si poned unu muru a su fenomenu ispeculativu de sas multinazionales, chi lassana pagu e nudda a Macumere e a su territoriu. Tottu cussos impianto chi custas multinazionales cheeren faghere non criana occupazione, non sunu bello de iere e non non sunu su caminu onu pro chircare s’isviluppu. Haere ridimensionadu sos aettaros, passande dae sos 85 previsto a 65, aberid s’istrada a atteras attividades chi si cheren faghere accurzu a s’istrada 131, chi poded essere una occasione pro attirare imprendidores chi cheren imbistire pro faghere in Tossilos attividaes ligadas a sa produzione de sas campagna e prio sas campagnas.

In s’area industriale de Tossilo, dae cando han finidu sas attividades industriale inquinantes, comente sa Legler, s’Alas e cantu atteru, han cominzadu a creschere atteras attividaes comnte cussa chi enid nada s’agroindustria, dae casieras a masellos, cunfeziones de petta e cantu atteru e fintzas bendida de su casu. In su 2017 had abertu sa centrale logistica pro sa Sardigna de Md Market. Patrizio Podini, fundadore de s’azienda lu aiada nadu in manera crara chi intendiad potenziare sa presenzia in tottu sa Sardigna. S’istruttura de Tossilo, inube pro tantos annos had operadu s’industria tessile de sa Legler, est bistada inauguirada battoro annos faghed. Est unu centru pro sa distribuzione de sas merces in tottu sa Sardigna. Su centru logisticu Md de Macumere, collocadu in d’una posizione istrategica de su centru de sa Sardigna est accurzu a sa 131 e diventad su motore de s’allargamentu de sa Md in tottu s’isula. Un’idea chi est naschida dae unu istudiu fattu dae Md subra sa posizione geografica de sa Regione e subra de sas necesssidades de onzi comune e de sa zente.

Sa collocazione in su centru de sa Sardigna in posizione baricentrica e accurzu a s’istrada pricipale de sa sadigna, sa 131, cunsentid de arrivare in prus pagu de duas oras fintzas a sos logos prusu attesu. Su centru logisticu de Tossilo, rappresentad unu inbistimenti mannu chi mai est bistadu fattu dae Md in Sardigna. Est bistadu fattu in dun’area de 204 mizza metros quadros, comente essere 20 campos isportivos postos paris. Est su prus mannu centru logisticu chi est bistadu fattu pro sa distribuzione aliemntare in Sardigna, inube bi taballan prus de 80 personas fissas e in prusu bi est tottu s’indotto, cun sos trasportos. Med haiad nadu chi s’attenzione de s’azienda chi rivolgede a sa Sardigna, had incontradu s’apprezzamentu de sos clientes e de sos matessis dipendentes. Sos risultados sun visibiles e si traduene in d’una creschida semprere costante pro s’azienda. Cun md a Tossilo sunuas atteras aziendas alimentares chi han crefidu sighire cantu had fattu Md. Fintzas s’Alimenta, chi produid latte in pruere pro sos pizzinnos, had comporadu inube bi fid su calzificiu pro faghere unu produzione paris cun d’una multinazionale cinesa.

S’area industriale de Tossilo est naschida in su 1966, grassias a s’interessamentu de s’onorevole Del Rio, potente omine de sa Democrazia Cristiana. In sa programazione chi had fattu in sa Regione, Del Rio haiad fissadu proiu a Tossilo e bonua Trau su cumprensoriu industriale de sa Sardigna centrale, jogande in su fattu ci cussas area fini a su centru de sa Sardigna, in d’una pianura attesu dae Casteddu 144 chilometros, 51 dae Oristanis, 70 dae Tatari e 57 dae Nugoro. In mesu tra sos prusu importantes centros economicos, portuales e marittimos de sa Sardigna, servidu dae istradas e ferrovias. In pagu tempus tra Tossilo e Bonu Trau sun bistadas fatta deghinas de attividades, tra cussas casieras e attividades ligad a s’agru aliemntare. Cando est bistadu fattu su cunsorziu industriale, a sa presidenza bi est bistadu postu unu cunsizzeri regionale giovanu, Nino Carrus. A issu su cunsorziu deved meda e fintzas sos comunes chi si fin cunsorziados, comente Macumere, Bororo, Biroro, Borigale e Sindia.

in sos annos prus adainanti s’area industriale, diventada cunsorziu a livellu regionale, a sa paris de atteros cunsorzios industriale de sos cetros prus importantes de s’isula, est diventad unu puntu de attrazione de sas prus mannas industrias tessiles. In sos primos annos de su settanta, a Tossilo est bistada aberta sa Tirsotex, un’industria tessile chi had dadu occupazione a prus de ottighentas personas. Fin sos annos chi est bistada avviada s’industria chimica in Ottana. In cuss’area ch’est bistada trasferida dae Macumere s’Alas, chi si fid rinnovada, aberinde a Tossilo sa Texal. Prusu adainanti sos frades Forma de Bororo hana abertu unu masellu industriale pro sa cummercializzazione de sa petta e de sos anzones in tottu s’Italia e in Europa. Han pustis abertu atteras attividaes tessiles e casieras, chi hana resisitidu a sa crisi. In sos annos noranta a Tossilo est bistada avviadu unu istabilimentu pro sa produssione de sas carzas de femminas, chi est duradu prus de 15 annos.

Pustis est arrivada sa crisi industriale chi had fattu serrare fabbricas importantes, comente sa Legler, sa Texal, pantalonificios e sa produssione de canmisas, inube hana agatadu meda traballu sas femminas, paris cun atteras attividades. A custa crisi, chi had fattu perdere chentinaias de postos de traballu, hana resistidu sas aziendas agro alimentares, chi si sunu rinforzadas e si sunu adeguadas a su regime nou de produzione e a sa modernidade. A cussu chered puntare su comune de Macumere, chi non chered chi cussas area, chi fin destinadas a attividaes agriculas, pothna essere occupadas dae attividaes ispeculativas chi non battini nudda a Macumer, a su territoriu e a sa Sardigna intrea.