Imprentas 245 – A chentannos cun salude

Imprentas
Imprentas
Imprentas 245 - A chentannos cun salude
/

di Francesco Oggianu

A chentannos e prusu cun salude. Sos cenetenarios sardos sos primos in su mundu

A 98 annos tziu Cicci de Belvì had rinnovadu sa patente. Est andadu tranquillu e si est presentadu dainanti a su duttore chenza occhiales de vista. Pruite Felice Onano, unu de sos prusu anzianos de Belvì, sos occhiales non los usad mai. Bi bied bene fintzas chenza. Bi bied bene, anzis, bi biede benissimu. Lu narad issu e tottu, chenza che cuare s’orgogliu. E sa prova pro tennere torra sa patente pro guidare sa macchina, ancora una orta che l’had superada. Mancu a lu narrere. Cando su duttore l’had nadu chi podiad ancora guidare sa macchina, issu ch’est bessidu in ziru in sa idda a faghere festa. A cumbidare ca non est una cosa iscontada a cussa edade. Tziu Cicci tened unu fisicu minudu, abbronzadu, de cussas abbronzaduras chi narad de traballu in sos campos, in mesu a sas crabas, cun meda gana de faghere e de non dimandare nudda a nissunu. Fintzas pro leare torra sa patente non had chircadu a nissunu. Est andadu a s’agenzia, l’hana nadu ite deviad faghere e issu pustis si est presentadu dainanti a su duttore chi est abbarradu meravizadu.

Tziu Cicci, comente lu connoschene in sa idda sua, est unu vulacnu de energias e medas bortas nde tened meda de prusu de cantu nde potded tennere unu piseddu. E nons podimos figurare ite est in cunfrontu a chie de annos nde tened chimabanta o sessanta, chi sunu bezzos primas de su tempus. Cando si est presentadu dainanti a su duttore l’had istrintu sa manu forte, rispettu a s’edade chi tened, a dispettu de s’edade e de sas dies e oras passadas cun su volante de sa macchina in manos, ca tziu Cicci fid autista. Unu traballu chi l’had permittidu de zirare tottu sa Sardigna e fintzas in continente, ma chenza si che isentigare sa domo sua. Sa patente l’had leada 78 annos faghed, cando fid militare e s’Italia fid vivinde ancora sutta de s’incubu de sa gherra mondiale. Su 30 de lampadas de su 1979 si ch’est andadu in pinsione. Dae tando tziu Cicci non si est prus movidu dae sa idda sua. Bastiad gai a pustis de tantu zirare dae una idda a s’attera. Pro issu est impossibikle addurare frimu. E gai si sighid a movere, a pese e in macchina. Ma mai frimu. Tziu Ciici contad chi sos urtimos annos, prima de ch’essere collocadu in pinsione, had ziradu tottu sa Sardigna, fintzas in cusso logos chi non haiad mancu intesu faeddare.

Tziu Cicci, comente cando fid autista, onzi manzanu, abbreschidu o non abreschidu, a sas battoro de manzanu sìinde pesad e cominzad sa die de traballu. SI preparad sa moka e si buffad comente prima cosa, su caffè cardu. A sas 5. e mesa, cando su sole ancora non est bessidu, issu ch’est foras, in macchina, una Panda birde ezza, chi lu trasportad a inube chered andare a intro de idda sua e in campagna. Lu faghed in’istiu e in s’ierru, mancari bi sied su nie a brinugos. Sa prima tappa la faghed in campagna, in sa zona de Paulu Barigau, inube bi tened sa crabas e inube bi tened fintzas un’ainu, chi issu muttuid tuccaru. . S’ite faghere non mancad mai. A costas de inube istad bi teened duos ortos e fintzas unu puddarzu, inube bi tened sas puddas e in cusso ortos bi coltivad de tottu.Onzi mese tziu Cicci rezzid fintzas una rivista de s’agriciltura, pro si tennere informadu e pro ischire ite si poded faghere e pro non perdere sas urtimas innovaziones. Issu a sìortu bi tened meda e cando traballaida in Casteddu issu rientraidi a fine chida pro traballare in s’ortu. A sas ses de sero, peroe, a pustis de una die de traballu, lassad tottu e andada a su zilleri, pro si buffare carchi cosa e pro lezzere su giornale, pro si tennere informadu. Chenza occhiales.

Tziu Cicci faghed s’ortulanu e su crabarzu, ma li piaghed fintzas a cumponnere carchi poeesia in limba sarda. Lezzed meda liberos: poesias in sardu e in italianu e fintzas romanzos. Est fintzas unu poeta. Sos verso peroe non los iscriede, ma los zughed in conca e onzi tantu lo ripetidi a sos amigos. Nde recitad una, chi teened comente titulu 1923 chi est dedicada a s’annu chi est naschidu, cun verso pensados a cussos fizzos chi non che sun prusu. Nde connosched medas de poesias, fintzas carchi gara poetica chi est bistada cantada in parcu dae sos poetes improvvisadores. Resessidi a narrare a memoria una gara intrea, ammentandesi sos temas e ammentandisi sos poetes chi sun pigados in parcu in bidda sua. Ite faghed s’annu chi enid? Issu iscerzande narad chi cumpridi 99 annos e in su 2023 nde cumprid chentu. Andad in pinsione e lassad sa macchina? Non, fintzas chi Deus li dada salude, naarad issu, sighidi a faghere cusu chi had semper fattu: guidare sa macchina, accudire sas crabas, coltivare sos ortos, andare a su zilleri e cumponnere poesias. A sos giovanos ite narad? De non si frimare mai, mancari bi siene sas intemperias de sa vida.

Passamos a un’atera paristoria. Lu haiana apedralumadu su zaiu de su mundu. Antoni Todde est bistadu si primu omine a campare fintzas a sos 113 annos. Est naschidu in su 1889 e si ch’est mortu serenamente 19 annos faghed. Sa carta de identidae sua est diventada luegointeresse pro sa iscienzia. Tziu Todde istiad in Tiana, unu iddighedda de 500 animas, in provintzia de Nugoro. Est in meesu de una regione istraordinaria, una terra de zente chi campad a largos annos, inube chi had cumpridu sos chentannos sun presentes in d’una proporzione tres bortas de prusu rispettu a su restu de sa Sardigna e de tottu s’Italia continentale. Sa vida de custos abitantes ispeciales e sos istudios chi sun bistados fattos dae sos iscienziados chi andana a cazza de sos segretos de custa zente chio campad pro medas annos, hana fattu su ziru de su mundu e torrana como sutta de sos riflettores internazionales in d’unu serviziu giornalisticu fattu dae sa televisione americana Cnn.

Cale est cussu chi li narana s’elisi de bida longa, custodidu dae sos zaios super de sa Sardigna. Sa chirca est cominzada dae meda e sighid ancora. Ma si sos genes bonos, sa dieta e sa fatiga sunu sas cosas chi naran de prusu, in custa isula nostra, narad chi si interazione sotziale poded essere a su matessu modu influente. Sa calidade de sos rapportos umanos est una variabile chi pro sos istudiosos est determinante. Sas osservaziones fattas in custas zonas de sa Sardigna cunsizzana chi sa cura e s’attenzione dae parte de sos familiares e cussu de essere c<oinvoltos in sas attividades de sa comunidade azzuana a mantennere unu istadu mentale sanu, chi est fundamentale pro su benessere generale. S’iscienziadu sardu Juanne Pes had sinzadu onzi insediamentu cun custas caratteristicas subra de una mappa, etichettande s’areea comente zona biaita, chi est como unu termine usadu pro si riferiore a onzi zona cun popolaziones chi durana medas annos. Nde sunu bistadas identificadas chimbe in tottu su mundu, dae Nicoya in Costa Rica e Ikara in Grecia. Ma s’area sarda tened una particularidade chi la rended unica. Juanne Pes narad chi in sa maggiore parte de sos istados de su mundu occidentale su rapportu tra omines e femminas a 100 anno est unu a battoro a favore de sas femminas. In custa zona de sa Sardigna, imbezzes, est unu a unu. tenimos duncas sa matessi proporzione de omines e femminas in s’edade avanzada.

Juanne Pes had analizzadu a su cominzu su patrimoniu geneticu, partinde dae s’ipotesi chi s’isulamentu geograficu poded haere battidu a variantes in su dna chi favorini sa vida longa. Ma sos fattotres geneticos, narad Juanne Pes, ispiegana solu dae su 20 pro chentu a su 25 pro chentu de sa durada media de sa vida. S’analisi si est movida cun intervistas a sos s’omines bezzos e poninde paris sos datos istoricos. E sos risultados hana battidu a definire comente siano importantes sos fattores sotziales e cussos psicologicos. S’istudiu had evidenziadu chi su ruolu chi si tened in familla in s’Ozzastra e in sa Barbagia, de sa Trexenta e mediu Campidanu est importante a su mattessi modu. Si narad chi su fattu de s’intendere ancora importante, de essere a su centru de s’attenzione rended sas personas prusu attivas a dada a issos sa forza de andare adainanti, sottolinenade s’importanzia de sa familla, ma fintzas sos aspettos geneticos, de s’aliemntazione e de sa religione. sa chirca chi est bistada fatta narad chi tottus sos centenarios sunu in bona salude e sunu lucidos. A comente Tziu Cicci non tenene mancu bosonzu de sos occhiales pro lezzere. Ite èpodimos narrere a sos giovanos de oe? Assumnacu de essere comente Tziu Cicci e cussos omines e femminas chi sun resessidos a campare a prus de chentanno. E Noi a tottus namos, a chentannos cun salude.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *