Imprentas 239 del 18.07.2021 di Francesco Oggianu
Su polu sardu chi cantad e sos giovanos sos protagonistas
Angheleddu, 16 annos, est unu pitzinnu de Macumere chi li piaghed a cantare in sardu. Est bintradu a faghere parte de unu de sos coros de sa cittadina de su Marghine e chered diventare fintzas mastru de custu modu ‘e cantare. E cantare in sardu est una cosa chi appassionad non solu sos mannos, ma est dae meda tempus imboligandeche medas giovanos, in tottu sa Sardigna. Ca su nostru est unu populu chi cantad. In d’onzi idda e in donzi zittade, bi est assmunancu unu coro, chi siad a tenores, chi siad a cuncordu e chi siad polifonicu e fintzas zente chi cantad a sa sola. Si cantad e basta. Cosa chi non bi est in atteros logos de su mundu. E tottus nois podimos narrere chi carchi orta amos cantadu. Amos cantadu a battorina, amos cantadu a poesia, amos cantadu a chitarra, amost cantadu pro contu nostru, ma amos sempere cantadu. E cantare in coro non est solu musica, est vida, est parte de tottu nois sardos. Su cantu in Sardigna, cussa de mesu, in Barbagia, in su Marghine, in su logudoro, Anglona, in sa terra de Eleonora de Arborea, piaghed e tottus sunu abituados a l’intendere.Si canta e si cantad fintzas in cresia e si cantad in sas festas.
Pro sos sardos s’usu de sa oghe had semper costituidu una de sas attividades musicales de primaria importansia. In Barbagia, in su Marghine e in atteros logos, si deved opensare a su cantu a tenores, chi est s’unicu repertorii istoricu de sa Sardigna chi est abbarradu intreu, chi had mantennidu in su tempus sas caratteristicas prinzipales tipicas de custu cantu. Cunsideradu chi su cantu de sos pastores (custu est su cantu a tenores), a battoro boghes solas, chi si integrana cun d’unu ruolu musicale diversu. Bi est sa oghe (chi intonad su cantu), su bassu, sa contra e sa mesu oghe. A sa oghe chi intonad e chi esprimed su significadu beru de su cantu, rispondene sas atteras boghes, cun monosillabos curzos (comente si boom, bimbon, bamboi), in modu de criare una alternzia suggestiva tra sa oghe solista e su coro. SI faghed cun sonos de sa ula comente su bassu e su contra e cun sa aghe prusu acuta si moved comente chered, dande ricchesa a tuttu s’accordu. Est unu modu e cantare chi esistid solu in Sardigna, mancari siad bistad immitadu fintzas dae unu gruppu de piseddos istudios de su Giappone.
Bi est pustuis su coro a cuncordu, chi pared chi siad naschidu meda prima de su coro polifonicu. Si naradd chi est naschidu in su 1400, cun sos cunfrades chi cantiana sa passione e sa morte de Zesusu in sa Chida Santa, in Salighera e Casteddu Sardu, chi pustis est bistadu copiaduu e fattu in tottu sa Sardigna. Ancora oe si cantad in medas logos, comente a Seneghe, Orosei, in Bortigale, in SIlanus, in Macumere e semper in Casteddu Sardu. Si narad chi dae su cantu a cunccordu siad naschidu su coro polifonicu, cussu chi dae su 1950 si cantad a Nugoro e poi ispartu in tottu sa Sardigna. A fiancu de custu bi est su cantu liturgicu, chi est naschidu dae su cantu gregorianu in tottu sa Sardigna, siad in sas partissiones paesanas chi si faghene semper cun meda devosione. Particulare importanzia lu tenene sos cantos de sa chida santa inube, comente si faghiad 500 annos faghed, lu faghene sas cunfrarias. Est unu modu de cantere chi est intradu in sas tradissiones populares de sa Sardigna intrea, chi piaghed meda a sos giovanos e fintzas a sos pitzinnos.
Si su cantu a tenores abbarrad una cosa chi non had mai mudadu, su cantu a cuncordu had fattu naschere su cantu polifonicu chi si poded narrere chi est naschidu in Nugoro pius pagu de ottanta annos faghed. Est gai tando chi Nugoro est su cabu e logu de provintzia e sa zittade de sos coros , bidu chi had dadu sa naschidas a su Coro de Nugoro, in su 1952 e a su coro Barbagia in su 1966. Como in sa zittadella de Bustianu Satta, bi est una cuncentrazione arta de coros, chi est unu record a livellu nazionale e europeu e fortzis mondiale, cun treighi coros polifonicos e, sette corso a tenores, tres coros tra omines e femminas e cussos a cuncordu, a fronte de una popolazione reidente chi non arrivad mancu a 40 mizzas abitantes. Nugoro est peroe sa capitale de sos coroso chi cantana in sardu, coralidade de ispirazione populares, chi non est bistada inbentada fortzis in custa zittade, ma chi tened su primadu de custu modu de catare, chi est bistadu p<ropostu in tottu sa Sardigna, in Italia, in Europa e in tottu su mundu, fintzas in cussos logos prusu isperdidos de su pianeta.
A su cominzu a una oghes, su cantu liturigicu si est arricchidu pustis a prus boghes, cun armonizzaziones semplices a naturales, inube onzi oghe in manera cunsonante, cantad in base a sa estensione de oghe chi onzunu tened. Dae s’unione de custi tipu de cantu, chi sunu differentes dae su puntu e vista compositivu che vocale, sunu naschidas sas bases pro faghere su primu coro polifonicu nugoresu, chi cantad in sardu. Est improvviadu a bortas pro casu, in sos logos inube b’had prus zente comente in carchi zilleri e in sas carrelas prusu importantes, su coro had cominzadu a recuperare melodias antigas e cantos barbaricinos chi fin bistados dae meda irmentigados. Est bistadu su primu passu pro sa costruzione de unu repertoriu chi manu manu in sos annos had acquistadu valore e popolaridade. Non bisonzad irmentigare su cantu a S’Andira, Adios Nugoro Amada, Bobore Figumorisca, Deus ti Salvete Maria. Accurzu a cussos chi li narana cantos populares, naschidos dae sas parodias de cantos sacros (comente Deus ti Salvete Maria e Tzia Tatana Faragone) beniana propostos sos cantos noso de autore. isprirados de prusu de sas bortas a fattos e logos de sa zittade nugoresa antiga, poninche in mesu paraulas de usu comune o personaggios chi sunu esistidos, si basaiana su pagos accordos musicales, cun cambios curzos de tonalidade. Sa melodias semplices, orecchiabiles, ispiradas a su cantu barbaricinu, si presentaiana cun d’una tessidura media.
Semper a battoro boghes, (prima, segunda, contra e Bassu), beniana impostados subra de una alternazia de accordos chi beniana primu e sighiana su matessi andamentu de sa melodia, cun su contra fissa. Si poded faeddare duncas de unu cantu monodicu armonizzadu a battoro boghes paris. A dies de oe cun sa civiltade industrializzada, si sunu perdidos sos usos e fintzas certas tradissiones. Sa vida zittadina chi creschede semper de prusu e est in continua evoluzione rezzid in prenu sos vantaaggios de sa sotziedde moderna, ma custoid fintzas sos problema mannos. Sa cuncurrenzia de sos coros, sas esigenzias de su pubblicu chi est sempre prusu amante de sos cantos popolares, am attentu, criticu e fintzas esigente, had battidu sos coros nugoresos a essere accusados de parre coros alpinos, fintzas de faghere creschere su repertoriu in cantos noso. Usande comente paraulas iscrittas dae sos poetes in limba, chi ponene in craru tottu sa peculiaridade de su populu sardu, si cumponene como cun armonizzaziones chi tenene contu de sos gustos de unu pubblicu nou, chi, a pustis de Deus ti salvete Maria, chered in mente unu bellu coro, cun solistas bonos e cantones noas.
Cando prus de 40 annos faghed sos duos coros de Nugoro, /Coro di Nuoro e Coro Barbagia) han prenadu mesu mundu de cantos bellos, fattos dae boghes bellas su matessi, in tottu sa Sardigna est naschida sa cultura de sos coros de tradissiones populares. A Nugoro est naschidu su coro Ortobene, pustis Sos Canarjos, su Nugoresu e atteros chi cantana tottus sighinde cuss’istrada chi fid bistada tracciada a pustis de sos annos sessanta e settanta dae sos mastros Giampaolo Mele e Banneddu Ruju. Est bistada unu fenomenu chi had meravizzadu sa zente e appassionadu sos giovanos chi, in d’onzi idda han fattu naschere unu coro, leande sos matessis passos de sos coros nugoresos. In Macumere est naschidu su coro Melchiorre Murenu, direttu dae Peppinu Giglio, chi had fattu bellas composiziones leande dae sas tradissiiones populares de su Marghine. Semper in Macumere 20 annos faghed est naschidu su Coro Zittade de Macumere. Medas corso sunu naschidos in provintzia de Tatari, accurzu a Terranoa, in Campidanu e in tottue. Tottus cando cantana in su parcu estini su custumene sardu da sas biddas insoro, pro podere msutrare a su pubblicu e a sos turistas, sa beellesas de sos cantos, ma fintzas sa beellesa de su costumene e sa bellesa de sa Sardigna intrea. Si isperad chi d pitzinnos interessados, comente Angheleddu de Macumere, bi nde pothad essere medas, pro mustrare a tottu su mundu chi su populu sardu est unu populu chi cantad.