Imprentas 207- Sanidade chi non bi est in tottue est emergenzia

RMC - Radio Macomer Centrale
RMC - Radio Macomer Centrale
Imprentas 207- Sanidade chi non bi est in tottue est emergenzia
/

di Francesco Oggianu

Sanidade chi non bi est in tottue est emergenzia

Sa situazione de sa sanidade como est una emergenzia in tottue. A Nugoro comente in Oristanis e pustis Sorgono, Ghilarzi, Bosa e ancora Macumerese e Siniscola e tottus sos presidios sanitario de sa Sardigna centrale. Si est faeddadu meda de cussu chi est suzzessu e cussu chi estr suzzedinde in s’ispidale de Nugoro, inube mancana prus de 130 duttores e 27 primarios, in prusu sos ispecialistas chi sa zente tened meda bisonzu. Custu pruite duttores giovanos sun pagos, ca sas universidades pro sa meighina sunu a numeru serradu e non podene essire sos duttores chi servini in sas biddas, chi servini in sos ispidales. Cussos pagos chi resessini a si laureare, non chirrana sas biddas e zittades de sa Sardigna centrale, ma si che ettana in sas zonas prusu popoladas de sa sardigna, comente cussa de Casteddu, cussa de Tatari e Olbia. Una situazione grae chi est semp<er pezzorande, mancari si sunu faghinde medas isforzos assumancu pro assigurare cussu chi serbid. Onzi isforzu e onzi tentativu peroe non est produinde cosas cuncretas. Sa crisi bi est in tottue e in su matessi tempus sos giovanos non tenene sa possibilidade de accedere a sas facultades de meighina.

S’emergenzia bi est in Oristanis, in s’ispidale de Santu Martine, chi est unu datu de fattu. S’urtima cunfirma esta arrivada cando in su mese de maju, cando unu paziente, chi fid reduce de unu incidente istradale, had devidu isettare unu manzanu intreu primu de ch0essere leadu in sala operatoria pro una frattura a sa camedda. Pustis peroe est bistadu informadu chi s’interventu est bistadu rinviadu. Est sa cronaca de onzi die in cussu prontu succursu e in su repartu de Ortopedia: sos duttores e anestesistas sunu a rangos ridottos e pazientes sunu custrintos a isettare pro oras e oras, mancari juttana sos ossos segados. Cussu manzanu calincunu de sos parentes chi sunu bistados ricoverados cun sos ossos segados lu hana nadu arrennegados: “Non si poded azzettare chi sos pazientes si depene gherrare pro una sala operatoria. Su feridu che fid finidu in su Prontu Succursu. Fid adainanti de su parcheggiu de su su supermercadu , imbistida dae una macchina cando chi fid leande su carrello de s’ispesa a su postu sou. Cosas chi suzzedini onzi die in d’una zittade comente Oristanis e prusu ancora como chi semus in prenu istiu.

Cando est bistada fatta sa radiografia su paziente si est resu contu chi teniad duas fratturas e fid necessariu un interventu chirurgicu pro su posizionamentu de una placca e da carchi vite. Bi est bistada sa preparazione pro podere intrare in sa sala operatoria, ma s’isettu est bistadu vanu, propriu pro sa cronica assenza de unu anestesista, chi est bistada denunziada carchi die prima dae su comitatdu pro su dirittu a sa salude, chi had fattu fintzas una manifestazione su chimbe de lampadas pro difendere s’ispidale de Santu Martine, chi est andande male. In cussa zircustanzia, dae sa Assl han fattu ischire chi s’interventu chi si deppiad faghere fid bistadu rimandadu solu de una die , pruite sos duttores fin faghinde operaziones prusu urgentes. Sa Assl had fintzas ispecificadu chi, in d’onzi modu, custos rinvios rientrana in sos tempos indicados pro cussu tipu de traumas e non nde pregiudicana sa ripresa. Ma custa est una cosa chi suzzedid onzi die. In su prontu succursu, dae manzanu a seroe fintzas a notte, bi est una fila chi non finid mai, cun zente ferida e zente chi est cun colicas renales e atteras maladias de onzi manera. In medas is dimandana, a chie servid una sanidade de custa manera?

dae sa provintzia de Nugoro sos sindigos a fine majun sunu andados a Casteddu pro regollere promissas, chi pustis non benini mai mantesas. Sos sindigos sunu andados a Casteddu pro pretendere impinnos, fundos de inari e decisiones immediatas. Interventos de emergenzia, pruite su malaidu est pro lassare tottu. E su cadaveere est sa sanidade territoriale, comente narad sa sindiga de Biroro, Silvia Cadeddu. Narad fintzas chi non est prus tempus de istare tira e sega, ca sos servizios sunu tottus in tilt, comente si narad como. Mancana sos duttores de familla. Solu in provintzia de Nugoro si sunu quasi deghemizza personas chi non tenene unu duttore a inube andare pro si faghere unu certificadu, pro si ordinare una meighina, pro podere essere bisitadu. Nudda. In Macumere, pro faghere unu’esempiu, dae cando tres duttores che sunu bistados collocados in pinsione, mettade dae sa zente est chenza assistenzia e non tenene unu duttore mancu pro si ordinare una bisita ispecialistica, ca in Macumere e in sos atteros presidios ispecialistas non bi ndada.

Bi est una lista de problemas de risolvere chi est longa in tottu sa provintzia de Nugoro, a cominzare dae sos repartos sguarnidos de s’ispidale de Santu Frantziscu, a s’agonia de sipidaleddu de Santu Camillu de Sorgono. Su sindigu de Nugoro Andrea Soddu lu narad chenza timorias. In s’ispidale nostru bi mancana 25 primarios, mancana atteros duttores, mancana sos infermieris e mancana fintzas sos Oss. In sas biddas e zittadina su problema numeru unu est cussu de sos duttores de base. Frimare sas fuas cun d’unu incentivu pro chi chirrad de traballare innoghe, lu proponed su sindigu de Orane, Antoni Fadda. Dae Siniscola s’assessore Angela Bulla non faghed medas ziros de paraulas pro nudda. Narad chi sos servizios in sos distrettos sunu rischiande de serrare in su tottu. In Siniscola s’istruttura deved esserev adeguada, ma mancad sa bussola de s’intrada, mancad s’ascensore , sos ispazios sunu insufficentes e bis est a disposizione un’area accurzu a s’istruttura inube si podede costruire. mancana sas attrezzaduras chi podene cunsentire de faghere prevenzione, comente su mammografo, mancada su uroflussimetro e atteru, mancad su personale e chie andad in pinsione non benid rimpiazzadu. mancamna sas oras de ispecialisticas ambulatoriale e non sunu bistada mancu ripristinadas sas oras istoricas de sa cardiologia, ginecologia, endocrinologia, dermatologia e atteru.

Cunsiderande su bacinu de utenza chi tened su distrettu de Siniscola, chi lead fintzas pazientes de Budoni e Santu teodoru e s’importanzia de sa meighina territoriale , fintzas pro podere alleggerire s’ispidale de Nugoro, ca sa situazione est meda cristicas, sos aamministradore de Siniscola e de sa baronia dimandana a boghe manna chi si cominzede a faghere carchi passu importante pro torrare a sa normalidade. Assumnacu cussu, si non si poded faghere menzus. Custu suzzedid fintzas in Macumere, chi tened unu bacinu de utenzia meda mannu e bi est in sa zona de sa Barbagia e su mandrolisai. Sa sindiga de Ovodda, cristina Sedda est istraca, comente sunuistraccos tottus sos sindigos de sa provintzia de Nugoro de idere custa situazione e inube pared chi non bi eppad carrelas de essida. Cristina Sedda narad chi estr bistadu fattu de tottu, ma in sa Reguione sighini a faghere cussu chi li piaghed e non pensana chi sa situazione in sas zona internas de s’isula est diventada esplosiva. Pro cussu sa sindiga de Ovodda narad chi como non abbarrad de fagher de che leare tuttu in Procura e denunziade sa regione e tottus sos vertices de sa sanidade sarta pro interruzione de unu pubblicu serviziu.

sa cosa prusu dannosa est chi sunu cominzande a mancare sos duttores de base e medas famillas sun custrintas a andare a sa guardia medica pro si podere ordinare una meighina e faghere qualsiasi tipu de rizzetta. Duttores non bi ndad. Sa Assl est tamponande faghinde cuntrattos provvisorios a carchi duttore giovanu, ma sos pazientes chi devene essere curados sunu medas. In macumere sunu prus de 4 mizza. Sa Assl como had dispostu chi onzi duttore si deve leare in carrigu fintzas 300 pazientes in prusu de cussos chi tened, isettande chi calincunu rispondad a sos bandos de cuncurcursu chi si sunu faghinde, chi sunu andande tottus desertos. Comente in Macumeres sa situazione grae est in Oliana e in medas atteras biddas e sa cosa si est aggravande semper de prusu. Ite faghere? pared chi in casteddu, in sa Regione, non iscana inube e parare. Dae Roma pustis non arrivana rispostas e de custu passu, si non si agatana bessidas, sa sanidade in sardigna rischia de isparire in su tottu e dae sas biddas de sa zonas de mesu toccad de andare a Casteddu o a tatari pro si faghere una rizzetta e pro si fagheere curare.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *