Imprentas 104 – Rifiutos perigulosos chi ceheren iscarrigare in Sardigna

RMC - Radio Macomer Centrale
Imprentas 104 - Rifiutos perigulosos chi ceheren iscarrigare in Sardigna
/

Imprentas 104 di Francesco Oggianu

Rifiutos perigulosos e velenos in tottu sa Sardigna leada comente su muntonarzu de s’Italia

Sa Sardigna ha giai dadu meda. E fintzas Otzana e tottu su territoriu had dadu cantu podiad, a dannu de una popolazione chi had tentu solu maladias e luttos, ligados a s’inquinamentu , a s’amiantu e fintzas pro sasm iscorisas nucleares. Faeddare de iscorias nucleares in d’unu paradisu chi ancora pagad sos contos de su fallimentu de su sognu industriale, de su pesu de sas servidudes militares e de sos dannos de unu turismu fattu de domos e de cimentu est comente a bettare sale subra de sas feridas ancora abertas e dolorantes. Su coros de sos no chi s’est pesadu in tottu sa Sardigna a pustis de sa pubblicazione de su pabilu nazionale de sas areas cunsideradas idoneas a ospitare in d’unu situ unicu nazionale de sos rifiutos radioattivos, pubblicadu dae sa Sogin, la narad longa subra de sas preoccupaziones de una terra chi de tottu ma non de atteros velenos. Eppuru in sos progettos de sa Sogin incarrigada pro gestire s’istoccaggiu de sas iscorias nucleares sa Sardigna est presente cun d’unu elencu de 14 sitos distribuidos tra sa provintzia de Oristanis e su mediu campidanu.

Est puru beru chi a vantaggiu de sa regione nostra iogad, una orta onzi tantu, sa difficoltade de trasportare in su mare migliaias de bidones meda perigulosos, ma est puru beru chi s’isula est sigura dae su puntu de vista de sos terremotos, pustis non est popolada e contad pagu in sas istanzias de Roma inube si decidi tottu e inube si had a leare una decisione pro semper. E pro cussu podimos narrere chi su coro de sos no non poded mancu arrivare dae s’attera parte de su mare e sas promissas de sa politica, non che leana tottus sos dubbios. DUos parlamentares sardos hana assiguradu chi sa chirrada inube si devene coloocare sas iscorias nucleares, tened contu de sa posizione de sa Regione e de sas amministraziones comunales sardas interessadas, ma s’istoria nos had abituadu a essere diffidentes fintzas a s’urtimu. De su restu una mappa rajionada de sa sardigna, cussa inube non bi est prusu s’industria, dae Portu Turras e Sarroch, dae sa Maddalena a sas minieras serradas de su ulcis e fintzas s’area industriale de Otzana, mustrad in modu craru comente accurzu a largos trattos inube dominad incutrastada sa natura, bi sunu areas chi sunu inquinadas medas. terras avvelnadas, chi isettana sas bonificas promissas dae sos guvernos de onzi colore e abbarradas, in meda parte, mai fattas.

A Otzana de bonificas in sa piana si nde faeddad dae prus de vint’annos, dae cando , a pustis de sas dismissiones de sos impiantos da parte de ENichem e Montefibre e pustis de Indorama e Clivati, sun comizadas sas cunferrenzias, sos incontros, sas riuniones de sa politica, sas propostas de nde attire a Otzana sas iscorias nucleare pro criare postos de traballu, duncas individuare sas areas inquindas e istabilire unu percursu de risanamentu ambientale. Sun passados sos annos, sun cambiados sos guvernos sardos e nazionales, ma nudda ancora est bistadu fattu pro che ogare dae cussu situ s’inquinamentu de guasi chimbant’annos de industria chimica. Otzana e cussu territoriu had fintzas subidu s’affrontu de ch’essere esclusa dae s’elencu de sos Sin, sos sitos de interesse nazionale pro sas bonificas. Oe Otzana est diventada una cattedrale manna in su desertu, inube su morid pro sos velenos chi sun bistados ingurtos dae su terrinu e fintzas in s’aria. Como tottu est frimu e nudda si moved. mancu cussos miliones chi sun bistados promissos dae sa Regione, chi hana illusu chentinaias de imprendidores mannos e minores de tottu sa provintzia.

A Portu Turras, in sa zona industriale bi sunu ettaro de terrinos altamente inquinados, a pustis de sa sedda de Minciaredda, chi est menzus connota comente sa sedda de sos velenos. Fid previstu unu investimentu a su cominzu de 150 miliones pro sas bonificas chi est pustis creschidu in sos annos, ma abbarradu inintro de sa presone de sa burocrazia. In sas areas de pulire dae s’inquinamentu de tantos annos de industria rovelliana e pustis pubblica, si est solu provvedidu a faghere carchi cantieri, carchi allacciu elettricu e traballos minores pro preparare sa bonifica chi non est bistada mai fatta. intantu Portu Turras abbarrad in sa crassifica arta nazionale de sa disoccupazione.Sa matessi cosa est pro sa zona de su Sulcis. Innoghe purusi faeddad de unu sognu chi si est mudadu in d’unu inferru feu. Sa Regione had costituidu unu de sos prus mannos bacinos minerarios de s’Europa ma oe est una de sas areas prusu inquinadas d’Europa. A sa zona industriale istorica de su Guspinesu si est azzunta, in custos urtimos bindighi annos, s’istoria de sa miniera de oro de Furtei, cussa chi si nariad Klondike sardu, inube s’inquinamentu est ancora prus grae. pesu in sos sitos de Monteezzu e Ingurtosu, inube bi sunu prus de 100 chilometros quadros inube che sun bistadas bettadas artas cuncentraziones de prumu, zincu, ramene e atteros materiales pesantes.

A Capu teulada e Quirra. In s’area militare a 50 chilometros dae Casteddu bi est su poligono Delta, una penisula de 400 ettaros usda pro sas esercitaziones militares, tantu inquinadu de essere srradu fintzas a su personale de sa base e giudicadu non bonificabile dae sas autoridades militares. Su discursu aled fintzas pro su poligono de Foghesu e Quirra. A Sa Maddalena, chi est s’arcipelagu prus bellu de su mundu bi est una macchia niedda chi faghed a punzos cun su verde ismeraldu de su mare. Inube bi fid s’arsenale militare, unu trattu mannu de costa tra sa cittadina de Sa Maddalena e Caprera, chi benid utilizzadu, chenza abbaidare meda a s’ambiente, pro sa manutenziones de sos mezzos de sa marina Militare. S’area fid bistada in parte azzustada pro ospitare su G8 in su 2009, chi pustis est bistadu ispostadu a L’Aquila, ma dae tando nudda est bistadu prus fattu. Sos edificios, chi sun bistados ristrutturados dae unu archietettu comente Istevene Boeri, sunu prus malepostos de prima e su mare cuada velenos chi isettana ancora de essere recuperados.

Duos annos faghed, in bennarzu, su presidente de sa regioen Cristian Solinas had ottennidu su via libera dae su Guvernu pro torrare a serrare e bonificare tottu s’area , ma sos traballos, fintzas a causa de su Covid non sunu mai partidos. prima de faeddare de iscorias noas (nucleares) had a essere su casu de torrare a leare in manos tottus sos dossier bgezzos. in d’unu articulu iscrittu s’attera die dae mauro Pili in s’Unione Sarda, si faeddas de velenos de Italia in Sardigna. Sos camioso prenos de velenos chi enini dae su nord e dae su centru de s’Italia, sunu abbarrados frimos in su piazzale inintro de su portu de Casteddu. Atteros camioso isbarcados prima, sunu bistados intercettados dae su Guardia de Finanza dainanti a s’essida de su portu. Che sun bessidos in d’unu logu chi non s’ischidi, ma in sa discarriga non bi sunu mai arrivados, Parene isparidos in sìorizzonte, ma pustis sun torrados a bessire a pizzu a duos passo dae sa presone de Iglesias. Bi est una delibera de sa giunta regionale chi imponed su divietu de importazione de sos rifiutos ismentid cussa giustificazione chi est bistada fatta a taulinu.

Est s’SIpra, s’istitutu de protezione anìmbientale de su minsiteru de s’ambiente, chi poned nieddu subra de su biancu, sas disponibilidades de sas discaricas in lombardia e in su lazio, sas duas regiones dae inube arrivana sos velenos in Sardigna. In Lombardia, segundu cantu iscriede Mauro Pili, esistiana in su 2018 una deghina de discaricas pro sos rifiutos non perigulosos e duas pro sos rifiutos perigulosos. In su lazio Esistiana 4 discaricas pro rifiutos perigulosos su matessi. datos certificados chi che faghene ruere sa tesi de sa Riverso e aberini sa jannas a sa violazione de soas normas de prossimidade chi imponed chi sos rifiutos devene essere ismaltidos in su logu prusu accurzu a inube sun bistados produidos. Una norma europea, nazionale regionale chi su Tar de sa Sardigna e su Cunsizzu de s’istadu hana ribadidu e rafforzadu cun sentenzias craras e non de faddire. Segunu Pili, a Serra Scireddus bolada su pruere de onzi manera. Sos teleobiettivos frimana sas immagines de sos velenos chi che finini sutta e terra. Sos camioso rujos, carrgos de rifiutos perigulosos, pro como podene abbarrare frimos.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *